| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 8 1 2 3 4 5 6 ... الأخيرةالأخيرة
النتائج 1 إلى 10 من 80

  1. #1

    الصورة الرمزية FBIAhmed

    رقم العضوية : 43360

    تاريخ التسجيل : 11Jul2009

    المشاركات : 1,495

    النوع : ذكر

    الاقامة : egypt cairo

    السيارة: nissan sunny manual 2011

    السيارة[2]: skoda felicia 1997

    الحالة : FBIAhmed غير متواجد حالياً

    افتراضي تعديل لنيسان صني ex لمحبي الثبات و القياده السريعه - Facebook Twitter whatsapp انشر الموضوع فى :

    انهارده جيبتلكوا موضوع يهم كل الاعضاء و الصقور ملاك النيسان الصني الي بيحبوا الجري و الغرز و تحسين سرعه رد فعل السياره و تحسين ثباتها و بتكلم بالتحديد عن الموديل الغلبان بتاعنا من 2010-2012 ex الي منزلش فيه ميزان السياره الامامي الي هو Stablizer Bar و كانت المفاجأه ان مكانه موجود و هو مش موجود ليه !!!!! مش عارف



    المهم عشان مطولش عليكما هو بيتباع في الحرفيين البار نفسه بأسعار تتراوح من 100 ل 250 جنيه لوحده و معاه عدد 2 قشاط للتركيب قنطرة السياره الاماميه و بعدين حضرتك بتشتري بقية الكاوتشات و بيض الميزان حضرتك بتشتريهم جداد ضمانا لجودة الاداء عشان دي مستهلكات من اي حد بتاع قطع غيار نيسان زي محمد جابر او التوكيل و يفضل يكونو اصلي و الصوره الجايه دي فيها مكونات الاستابليزر بار بالبارت نمبر عشان متدوخش




    و دي صورة الميزان الفعليه متركب عليه كل حاجاته





    و دي صورة القشاطين الي بيمسكوا الميزان من النص في قنطرة السياره الاماميه




    المهم حضرتك بتشتري 2 جلبه قشاط الي بيمسكه في القنطره الاماميه و 4 جلب ميزان و بيضتين ميزان بحوالي 300 جنيه و زميلنا حسين جمال SONA STEEL لسا شاريهم قريب



    و تعمل الاتي :

    1- ترفع العربيه كلها من على الارض و تفك فردتين الكاوتش الامايتين




    2- نفك مسمار و نهوي مسمار من اخر مسمارين في قاعدة الموتور و دول موجودين قرب كاوتشه الشكمان الوسطانيه كده




    3- لما نيجي نركب الاستابليزر بيجي البار عليه دقه كده دي مش خبطه دي علامه اتجاه الاستابليزر لازم تكون لفوق









    4- ندخل العمود ن قبل بارة الدركسيون الشمال فوق المقص بعنايه و لو في حد يبصلنا من الناحيه التانيه يكون افضل لغايه ما يعدي للعجله اليمين و يطلع من نفس المكان و نعدله







    5- بعد كده نرفع المقص الشمال و اليمين بعدد 2 كوريك لحد ما يوصلوا لمستوى عتب العربيه كده






    6- نلف البار و ندكك فيه الكوتشتين الي بيبقوا في النص الي بيتربط عليهم القواشيط لحد ما يوصلوا لمكانهم و خلي بالكوا ليهم اتجاه داخل مكانهم و نزبطه في مكانه بحيث يكون اتجاه عوجة البار مع كيرف المقص من ورا



    7- بعد اما نتاكد من مكان الكاوتشات تكون جوا القواشيط نربط مسامير القواشيط في القنطره من فوق كده بس مش جامد عشان لسا هنزبط مكان البار و كل قشاط فيه ليه مسمارين





    8- بعد كده نيجي على كل مقص فيه خرم ندخل فيه بيضه ميزان من عند الصاموله الطويله و يبقى راكب فيها ورده الكاوتشه الي فوق و الكاوتشه و و نقفل من تحت بعد ما نركبها اننا نحط كاوتشه و تحتها ورده و تحتهم نربط المسمار

    9- نربط البيضه من الجنب في عمود الاتزان اننا ندخل الصاموله القصيره بتاعتها في الخرم و نقفل من الناحيه الداخليه بورده و صاموله و الحاجات دي كلها بتيجي مع البيضه





    10 - لازم نتاكد ان البيضه راكبه مع المقص و اللبار بزاويه قايمه و يكونوا الجانبين متساويين يعني ميبقاش البار جاي يمين فتلاقي البيضه الشمال مايله لجوا و اليمين طلعه لبره عشان كده مربطناش جامد مسامير القواشيط الي في النص و بعد التاكد من الزبط نربط كل حاجه و ممنساش نرجع مسمار قاعده الموتور و نربط علي المسار الي جنبه تاني و نربط كل مسامير البار و يبقى بالمنظر ده




    الي بالاحمر ده الميزان و المفروض بعد التركيب يبقى راكب كده



    و ده فيديو لنيسان صني الخضرا مش راكبلها البار و الفضي راكبلها البار


    Тестдрайв авто со стабом и без! — Rutube

    اتمنى لكم قياده ممتعه


  2. #2

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    تسلم ايدك يا باشا ..


  3. #3

    الصورة الرمزية abono

    رقم العضوية : 119289

    تاريخ التسجيل : 18Jan2012

    المشاركات : 145

    النوع : ذكر

    الاقامة : cairo

    السيارة: Nissan Sunny 2011

    السيارة[2]: daewoo lanos

    دراجة بخارية: no

    الحالة : abono غير متواجد حالياً

    افتراضي -

    سلام عليكم يا باشا:

    إيه الجمال ده تقرير تحفة بس العربية الخضرا فالمهلبية خالص عايز اركب الحوار ده انتا عارف بحب الرى و الغرز و أعتقد بردو فى حاجة للعربية دى من ورا صح؟ متبأش تحرمنا من تقاريرك الحلوة دى يا مان

    سلام

    [a7la1=#ff0000]Abono[/a7la1]


  4. #4

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,811

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    تقرير هايل ... وشكرا .


  5. #5

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    تسلم ايديك يا باشا
    و تسمحلي اضيف موضوع لبارات او التقويات اللي بتساعد ع الثبات في المناورات او مطبات الهوا او السرعات العالية


    http://www.nilemotors.net/Nile/193151-a.html


  6. #6

    الصورة الرمزية SonaSteel

    رقم العضوية : 82616

    تاريخ التسجيل : 03Dec2010

    المشاركات : 6,066

    النوع : ذكر

    الاقامة : حلمية الكلاماتا :)))

    السيارة: Ex Sunny M/F/O 2011

    السيارة[2]: Polo M/F/O 1995

    دراجة بخارية: مولتوسيكل :)

    الحالة : SonaSteel غير متواجد حالياً

    افتراضي -

    مااشاء الله ممتاز والله يابو حميد .... والله انت برنس يا صاحبي

    ربنا يجعله في ميزان حسناتك

    ديه نفس الخطوات فعلا

    واللي ناوي يشتري زي ما احمد قال علشان ميصرفش فلوس علي الفاضي

    مبدئيا يكلمني او يبعتلي رساله علي الخاص علشان اوصفله ارخص واحد في الحرفيين ببيع قطع غيار نيسان

    اللي وصفهولي صديقي ايمن سيف

    هانجيب من عنده الميزان بس وممكن القفايز الحديد ......... غير كده كله كله جديد

    المكونات بالاسعار ..... بالنظر للصورة المُرفقة


    1- الميزان الحديد (54611)......... انا جايبه بالحاجة بتاعته ب200 جنيه وخدت منهم الصواميل والقفايز الحديد ...... ده اقل سعر
    المحلات التانية الميزان لوده سمعت فيه لغاية من 250 -450 من غير حاجة بتاعته
    وعلشان تتأكد انه مظبوط لو فيه اي لوحة مش هايركب خالص ......... لانه ماشاء الله بيركب علي الشعرة

    2- تيش الميزان أو (بيضة الميزان) رقم 3........ ده يتجاب جديد لانه بيطلع هلكان ومش مظبوط .... ده سعره 80 جنيه الواحد

    3- الكاوتشات رقم 1 ....... ديه بتحتاج منها 2 كل ناحية واحده فوق المقص مع الصامولة الطبق وواحد تحت مع الصامولة بتاعتها ....... سعر الكوتشة الواحد 19 جنيه

    4- الكاوتشات رقم 4 ....... ديه اللي بتبقي تحت القفيز اللي بيربط في القنطرة وديه بتبقي حالتها حلوة شويه بس لو جديدة يبقي اظرف كتير ديه سعرها 22.5 جنيه الواحده ..... (لو حد محتاجهم معايا ممكن اديهومله)

    زي ما قلت القفايز الحديد االلي هي رقم 54614 والمسامير بتاعتهم وكذلك الصواميل الاطباق خدتهم من الحاجة الاستيراد مجيبتش الاصواميل عادية وورد جديدة بتاع 10 جنيه مثلا

    التكلفة الأجمالية لتركيب الميزان الامامي للصني


    ميزان حديد = 200 جنيه
    االأتياش = 160 جنيه +10% ضريبة مبيعات =176 جنيه
    الكاوتشات = 19*4 = 76 +10% ضريبة مبيعات =83.6 جنيه
    كاوتشات القفايز 22.5*2= 45 +10% ضريبة مبيعات = 49.5 جنيه
    صواميل وخلافه = 10 جنيه
    تركيب + تيبس = 90 جنيه
    ----------------------------------------------------
    الاجمالي = 609 جنيه تقريبا

    بالنسبة للأداء

    ماشاء الله لاقوة الا بالله ....... العربية فرقت بجد
    الملفات العربية بقيت اثبت مش بتميل الميلان اللي كان بيخلي اللي جوه العربية يروح ويجي ده لو ملف علي سرعه
    الغرز احسن بكتييير ماشاء الله ..... بفرق ملحوظ ماشاء الله

    * حركة غبية كنت بجربها من كام يوم
    قلت اجرب الميزان ....... ملف تقريبا 110 درجة خدته علي 60 -70 وحارة ضيقة وقدامي متوسيكل
    ويميني منحدر هي بظروفها كده (اول ملف بعد ماتخش من عند جيرو لاند)
    انا حسيت ان العربية كانت هاتتطوح بس زي ما تكون حاجة شدتها ورجعتها للطريق تاني الحمد لله
    ماشاء الله بقيت اخد الطريق من اقصي اليمين لاقصي الشمال من غير ما احس ان العربية نقلت للحارة اللي باعديها وانا لسه مكاني هههههههههههه )
    الحمد لله رب العالمين


    واخيرا وليس اخرا شكر خاص طبعا
    م. كريم اسامة من السبع علشان الكاوتشات ديه مش موجوده في اي محلات بره فاضطريت اجيبهم من التوكيل وسبحان الله ارخص من بره ^_^
    م.احمد صبري .. يونايتد جروب
    علشان جيبت الحاجة من هناك لما مكانتش في السبع

    شكر خاص لاخي وحبيبي في الله أحمد محسن
    تقرييا جيه معايا معظم المشاوير و انتظر معايا وهو اللي عدي علي التوكيل جابلي الكاوتشات و كانت احلي صحبة والله ..... ربنا يعزك يابو حميد ويجزيك عني خيرا :))

    شكر خاص لاخي وحبيبي في الله أيمن سيف
    اللي عرفني بالناس اللي في الحرفيين وجيه معايا ولف معايا وكمان جيه معايا يوم تاني علشان نركبه عند راجل هو يعرفه ( برنس ماشاء الله)

    شكر خاص لأخي وحيبي في الله كريم فرحات ....... كان مظبطني ومازل بيظبطني في اي سؤال بسالهوله بالادلة والبراهين :)))

    شكر خاص لأخي وحيبي في الله احمد مصطفي Fabiahmed ....... كان معياا علي طول الخط ماشاء الله بتشجيعه هو ووليد عادل و عمر ابراهيم و اتمني ربنا يجمعنا في الخير يارب

    شكر خاص لأخي وحيبي في الله احمد مصطفي Ahmed t.v لانه كان مابعني في موضوع الكاوتشات اللي مكنتش لاقيها والاتياش

    والحمد لله رب العالمين
    سبحانك اللهم ربنا وبحمدك , أشهد أن لا اله الا أنت , استغفرك وأتوب اليك

    أخوكم في الله .... حسين جمال

    اقعدووووووووووا بالعافية :))))

    أُمـــ الغوالــــــــــــــــي ..... أُسطــــورة لـــــهــــــا تاريـــــخ

    [img3]https://fbcdn-sphotos-g-a.akamaihd.net/hphotos-ak-prn1/524144_516916281678719_387980934_n.jpg[/img3]
    [marq="4;right;2;scroll"]Eng.Hussein GaMal[/marq]
    [marq="4;left;2;scroll"]Mob. +20111 960-9399[/marq]


  7. #7

    الصورة الرمزية kliken

    رقم العضوية : 21551

    تاريخ التسجيل : 08Oct2008

    المشاركات : 2,587

    النوع : ذكر

    الاقامة : suez

    السيارة: الحمد لله كده زى الفل

    السيارة[2]: Nissan Tiida H/B

    دراجة بخارية: no

    الحالة : kliken غير متواجد حالياً

    افتراضي -

    تسلم الايادى على التقرير الجامد و الاضافات

    م / محمد سعد
    [img2]http://img846.imageshack.us/img846/197/63588414414249233311774.jpg[/img2]


  8. #8

    الصورة الرمزية FBIAhmed

    رقم العضوية : 43360

    تاريخ التسجيل : 11Jul2009

    المشاركات : 1,495

    النوع : ذكر

    الاقامة : egypt cairo

    السيارة: nissan sunny manual 2011

    السيارة[2]: skoda felicia 1997

    الحالة : FBIAhmed غير متواجد حالياً

    افتراضي -

    اقتباس المشاركة الأصلية كتبت بواسطة sonasteel مشاهدة المشاركة
    * حركة غبية كنت بجربها من كام يوم
    قلت اجرب الميزان ....... ملف تقريبا 110 درجة خدته علي 60 -70 وحارة ضيقة وقدامي متوسيكل
    ويميني منحدر هي بظروفها كده (اول ملف بعد ماتخش من عند جيرو لاند)
    انا حسيت ان العربية كانت هاتتطوح بس زي ما تكون حاجة شدتها ورجعتها للطريق تاني الحمد لله
    ماشاء الله بقيت اخد الطريق من اقصي اليمين لاقصي الشمال من غير ما احس ان العربية نقلت للحارة اللي باعديها وانا لسه مكاني هههههههههههه )
    الحمد لله رب العالمين
    المهندس مهندس برضه شوف يا اخي قدر زاويه ميل الملف 110 درجه بالزبط سبحان الله


    مبروك يا حسين و عقبالي :018a1d~146:


  9. #9

    الصورة الرمزية tiger76

    رقم العضوية : 119532

    تاريخ التسجيل : 24Jan2012

    المشاركات : 258

    النوع : ذكر

    الاقامة : Cairo

    السيارة: Nissan Sunny SS 2012

    السيارة[2]: Florida-Zestava

    دراجة بخارية: NA

    الحالة : tiger76 غير متواجد حالياً

    افتراضي -

    موضوع جميل كالعادة ربنا يجازيك خير عليه

    بس طمنى الموضوع دة موجود فى السوبر صالون ولا لا؟!


  10. #10

    الصورة الرمزية Bishoy.Girgis

    رقم العضوية : 30571

    تاريخ التسجيل : 20Jan2009

    المشاركات : 5,542

    النوع : ذكر

    الاقامة : EGYPT

    السيارة: Toyota Corolla 1996

    السيارة[2]: Nissan Sunny 2OO9

    دراجة بخارية: I Don't Like It

    الحالة : Bishoy.Girgis غير متواجد حالياً

    افتراضي -

    تقرير رائع يا احمد .. تشكر عليه و علي افكارك الجامدة و الف الف مبروك يا سونا تركيب الميزان و انت كده سخنتها في دماغي و شكلي هركبه .. هبقي اتصل بيك عشان نشوف الليلة ديه و الف مبروك تاني



 
صفحة 1 من 8 1 2 3 4 5 6 ... الأخيرةالأخيرة

المواضيع المتشابهه

  1. لمحبي تعديل الفليشيا و الفيفوريت
    بواسطة crazylambada في المنتدى قسم خاص بسيارات سكودا فيفوريت وسكودا فليشيا
    مشاركات: 41
    آخر مشاركة: 12-07-2014, 06:35 PM
  2. مشاركات: 32
    آخر مشاركة: 22-04-2014, 03:44 AM
  3. مشاركات: 41
    آخر مشاركة: 18-12-2012, 02:01 PM
  4. عايز افضل موزع لنيسان فى اسكندريه تسليم فورى لنيسان صنى..
    بواسطة hossam_elwani في المنتدى نيـــــــــسان
    مشاركات: 12
    آخر مشاركة: 30-06-2012, 10:43 PM
  5. تقرير عن تعديل الفانوس وتركيب عدسات لنيسان صني ^_^
    بواسطة Elshennawy في المنتدى نيـــــــــسان
    مشاركات: 42
    آخر مشاركة: 21-12-2011, 01:23 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2