تعديل جنوط برافو 2009

**Teko0o** · 13-09-2012 06:54 AM

انا كنت حابب اسأل اهل الخبرة فى تعديل الجنوط
انا معايا برافو 2009 راكب فيها جنوط 16 اوريجينال و كنت بفكر اركب حاجة اكبر قالولى ان اكبر مقاس هيكون 17 و انا مش مقتنع بالكلام دة !!!
المهم قالولى انى هركب كاوتش 45/225 هل عرض الكاوتش دة هيأثر او هيحك فى حاجة ؟؟ وهل ال 45 دة سمك قليل اوى و هيأثر على العفشة و هتدب جامد فى اقل مطب و الكلام دة كله ؟
و الاهم الكاوتش هيستحمل ولا هيطلع بزابيز هوا علطول ؟؟؟
ارجوا الافادة علشان انا هدفع اللى ورايا و اللى ادامى و هشحت بعديها يعنى مافيش مجال للتجربة :)

**ahmedsiyam** · 13-09-2012 01:38 PM

طبعا هاتحس بكل زلطة فى الارض و الالارتفاع فعلا هايبقى اقل و لازم تاخد بالك فى المطبات
و فى اعتقادى ان الثبات مش هايتغير لان العربية اصلا ثابتة من غير حاجة
انا رايى الفلوس دى تصرفها على الصالون احسن فرش جلد مثلا ..... او تركب صب فى العربية

**ahmad--ezzat** · 13-09-2012 01:59 PM

طبعا لو كبرت الجنط وعرضت الثبات هيزيد ،،بس خلي الوضع كما هو خصوصا ان الجنوط ال 17 هتتعبك جامد وتتعب عربيتك
والله اعلم

**Teko0o** · 13-09-2012 05:38 PM

هو من ناحية الثبات فأكيد هتفرق لأن العرض عندى دلوقتى 205 و اكيد فى فرق بينه و بين ال 225 :)
اللى مطمنى حبتين ان البرافو اصلا الباكيدج 6 بتنزل بجنوط 17 اوريجينال و انا هركب زيها مش هزود مقاس كبير
كل اللى خايف منه بس هو الكاوتش يضرب ولا مايستحملش و مش هقدر اغير كاوتش كل شوية :(

**Teko0o** · 13-09-2012 05:40 PM

بالنسبة للصب بقى فأنا عندى صبين مش هحتاج حاجة تانى خالص d:

**ahmedsiyam** · 13-09-2012 09:57 PM

عندى فكرة تانية
بدل ماتغير الجنوط طيب ماتركب كاوتش رن فلات و هايبقى ممتاز

**Teko0o** · 20-09-2012 07:45 AM

المشاركة الأصلية كتبت بواسطة ahmedsiyam

عندى فكرة تانية
بدل ماتغير الجنوط طيب ماتركب كاوتش رن فلات و هايبقى ممتاز

ما انا هركبه مع الجنط انشألله اكيد الاداء هيفرق :)

**ayman2** · 20-09-2012 09:12 AM

كاوتش Run on flat اعتقد لازم العربيه تكون مجهزه بامكانيه تركيب هذا النوع علشان تعرف ضغط الكاوتش من السياره والجنط 16 احسن مقاس مناسب لشوارع وطرق مصر والفرق فى الثبات مش هاتحس بيه قوى لأن العربيه اصلا ثابته وانت ممكن تجيب تيول وطنابير EBC لوعاوز تصرف (تقريبا معظمنا عامل كده ) والف مبروك عليك وربنا يبارك لك فيها العربيه ماشاء الله جميله وحاول تستمتع بيها كده

**Teko0o** · 20-09-2012 10:06 AM

المشاركة الأصلية كتبت بواسطة ayman2

كاوتش run on flat اعتقد لازم العربيه تكون مجهزه بامكانيه تركيب هذا النوع علشان تعرف ضغط الكاوتش من السياره والجنط 16 احسن مقاس مناسب لشوارع وطرق مصر والفرق فى الثبات مش هاتحس بيه قوى لأن العربيه اصلا ثابته وانت ممكن تجيب تيول وطنابير ebc لوعاوز تصرف (تقريبا معظمنا عامل كده ) والف مبروك عليك وربنا يبارك لك فيها العربيه ماشاء الله جميله وحاول تستمتع بيها كده

الله يبارك فيك و شكرا ليك بجد :)
الطنابير دى هبقى اركبها انشألله بس لما ارجع من السفر
هو انت عربيتك برافو برضه ؟

**ayman2** · 20-09-2012 10:16 AM

المشاركة الأصلية كتبت بواسطة Teko0o

الله يبارك فيك و شكرا ليك بجد :)
الطنابير دى هبقى اركبها انشألله بس لما ارجع من السفر
هو انت عربيتك برافو برضه ؟

انا عربيتى لينيا تربو وحاولت اجيب Run on flat وخصوصا انى أعرف مستورد كاوتش يقدر يجيب اى حاجه بحلم بيها لكن بعد بحث وجدت انه لا يصلح زى ماقلت ليك انت ممكن تجيب كاوتش محترم ويكون 91V بريدجستون Potenza or Turanza او كونتينتال (كونتاكت سبورت 3 ) منشا أوربى وتعيش ياباشا

الموضوع: تعديل جنوط برافو 2009

LinkBack

أدوات الموضوع

عرض

-

-

-

-

-

المواضيع المتشابهه

على وجه السرعة عايز مانيفولد برافو 2009

للبيع جنوط 17 برافو بالكاوتش

فيات برافو 2009 للبيع

مطلوب جنوط فيات16 أصلى (لينيا أو برافو)

تعديل فى جنوط اللانسر

الكلمات الدلالية لهذا الموضوع

المفضلات

المفضلات

ضوابط المشاركة