صيانة ال 70 الف كم - كيا كارنيز اوتوماتك
السلام عليكم ورحمه الله وبركاته
الزملاء الاعزاء
تم بحمد الله الوصول الي 70 الف كم لسيارتي كيا كارنيز ، وذلك بسبب مشوار الشغل اليومي من مدينة 6 أكتوبر الي مدينة نصر والعودة - حوالي 100 كم يوميا ومتوسط 2500 كم شهريا = 30 الف كم سنويا .
الحمد لله الصيانة كانت عبارة عن تغيير زيت وفلتر زيت وكشف دورى علي العربية .
- هم لاقوا تيل الفرامل الامامي يحتاج الي تغيير .............. تم التأجيل الي صيانة ال 80 الف ... قريبا ان شاء الله .
- البوجيهات محتاجه تغيير ................ لا ديه لسه عاملة 10 الف فقط ( تغيير البوجيهات تم في صيانة ال 60 الف كم ) .
- فلتر الهواء محتاج تغيير ............ لا نظف بالهواء وشغال .
الحمد لله العملية ديه اتكلف 500 جم . ( مرفق صورة فاتورة تكنو وان )
ملاحظة تم عمل خصم 50 جم علي المصنعية علشان نايل موتورز
http://www.nileup.com/uploads/13475204511.png
