انا قررت اصنع سيارة افيدووني

**heroman10000** · 13-09-2012 11:24 AM

انا قررت اصنع سيارة العنووان صادم بس فى الحقيقة اني عايز اشتري عربية 128 بس ملاقتش عربية حلوة بسعر مناسب اقترح عليا واحد صحبي ليه فى العربيات اني اشتري عربية 128 تكون رخيصة اوي يعني كل حاجة فيها اي كلام ورشة دواخل بس ماتكونش عاملة حادثة والاساسيات سليمة واقوم رششها رشة نضيفة وفرن واشتري ماتور استيراد وعفشة جديدة والكهربا جديدة وطقم كراسي واظبطها وتبقى فيراري
المهم بقى كنت عايز رائيكم فى الموضوع دة علشان اول واح عرضت علية الفكرة دي قفلنييييي
بيقولى اول حاجة هتفتح معاك والعربية هتعدي ال20 الف ولو فكرت تبعها مش هاتجيبلك حاجة علشان فى الاول والاخر 128
ارجوكم يا اهل الخبرة ردوا عليا بسررررررررررررررررررررعة الله يخليكوا ماتبخلوش عليا بمعلومة تفيدني

**Hussein_Ramdan** · 13-09-2012 11:31 AM

الموضوع مكلف جدااا وممكن تخش فى اكتر من 35 الف
بس نصيحة بلاش
شرا العبد ولاة تربيتو
اشترى حاجة احسن بعيد 128

**strongxx** · 13-09-2012 01:32 PM

بص يا ولدي.... عايز الخلاصه ومن الأخر وتسمع الكلام ؟؟؟ ماشي....

لو معاك 25 ألف فوق تمن العربيه إعمل الحوار ده....بس إياك تفكر تبيع العربيه دي إلا بعد 10 سنين علي الأقل !!
لانك لو عملت الحوار ده وحسيت برضه انك معملتش إلي انت عايزه تقوم تروح تبيعها يبقي حتلاقي نفسك خسران خساره فادحه وحتلاقي نفسك رميت فلوسك في الأرض وربنا حيحاسبك علي الفلوس دي

إنت لو حتشتري العربيه الواقعه دي ب 8000 جنيه مثلا وزي ما قلت لك لو معاك فوقيها 25 ألف يبقي حتلاقي نفسك صارف 33 ألف يعني تمن عربيه إكسيل بالتكييف والباور والسنتر وموتور 1500 سي سي

إحسبها صح حتلاقي نفسك غلطان...بس إنت ممكن تشتري عربيه 128 فايقه ومتروقه كبيرك ممكن ترشها من بره نضافه وشويه تغييرات بسيطه في الموتور وحاجته حتعمل لك إلي انت عايزه

**heroman10000** · 13-09-2012 01:34 PM

المشاركة الأصلية كتبت بواسطة Hussein_Ramdan

الموضوع مكلف جدااا وممكن تخش فى اكتر من 35 الف
بس نصيحة بلاش
شرا العبد ولاة تربيتو
اشترى حاجة احسن بعيد 128

35 الف ليييييييييييييييييييييييي ييييه ابو تريكة دى 128 يا باشا وعالعموم شكرا لرايك المحترم

**heroman10000** · 13-09-2012 01:42 PM

المشاركة الأصلية كتبت بواسطة strongxx

بص يا ولدي.... عايز الخلاصه ومن الأخر وتسمع الكلام ؟؟؟ ماشي....

لو معاك 25 ألف فوق تمن العربيه إعمل الحوار ده....بس إياك تفكر تبيع العربيه دي إلا بعد 10 سنين علي الأقل !!
لانك لو عملت الحوار ده وحسيت برضه انك معملتش إلي انت عايزه تقوم تروح تبيعها يبقي حتلاقي نفسك خسران خساره فادحه وحتلاقي نفسك رميت فلوسك في الأرض وربنا حيحاسبك علي الفلوس دي

إنت لو حتشتري العربيه الواقعه دي ب 8000 جنيه مثلا وزي ما قلت لك لو معاك فوقيها 25 ألف يبقي حتلاقي نفسك صارف 33 ألف يعني تمن عربيه إكسيل بالتكييف والباور والسنتر وموتور 1500 سي سي

إحسبها صح حتلاقي نفسك غلطان...بس إنت ممكن تشتري عربيه 128 فايقه ومتروقه كبيرك ممكن ترشها من بره نضافه وشويه تغييرات بسيطه في الموتور وحاجته حتعمل لك إلي انت عايزه

امممممممممممممممممممممممم مممممممم السعر برده هيعدي شكلكوا كدا صح بس لو حد عمل الحوار دة ياريت يقولى لانه ميزته عربية تعتبر جديده وانتا اللى بتركبها يعني بتبقى عارف كل حاجة فيها وبعدين هتعد معايا فترة وده نظرا لاني مش لاقى 128 حالتها كويسة واللي كويس بيبقى ب20 الف او اكتر مشلة الموضوع اعادة البيع محدش هيقدر اللى عملته فى العربية

**ACC.Eslam Arif** · 13-09-2012 01:43 PM

فكرة فكسانة جدا لو عربية تستهل تتشد ماشى
لكن عند المصريين ال128 مهما عملت فيها بروورده 128 ومهما تعدل فيها هى برضه 128 :d
اشترى حاجة كويسة ومعقولة وريح نفسك ووقتك ومجهودك وربنا يبعدك عن الصنايعية

**heroman10000** · 13-09-2012 01:50 PM

المشاركة الأصلية كتبت بواسطة _loma_

فكرة فكسانة جدا لو عربية تستهل تتشد ماشى
لكن عند المصريين ال128 مهما عملت فيها بروورده 128 ومهما تعدل فيها هى برضه 128 :d
اشترى حاجة كويسة ومعقولة وريح نفسك ووقتك ومجهودك وربنا يبعدك عن الصنايعية

والله كلامكم سليم بس انا كان نفسي اعمل الموضوع دة من زمان ولما توافرت الامكانيات قولت اخد رايكم فية وبعدين انا واحد صحبى مهندس ميكانيكا هيقف معايا فى الموضوع بس شكلة كدة هيفكس

**strongxx** · 13-09-2012 02:10 PM

بص....انا فيه واحد صاحبي عمل الحوار ده وعدي مراحل جامده في الموضوع ده وفضل يعدل ويصرف فيها لحد ما وصلت انه ركب لها مكنه فيات 132 2000 سي سي.....عايز أقولك انه كان بيتكلم في مصاريف 50 ألف

ومش حقولك طلعت ولا نزلت 128 لاني عمري ما أحتقرت العربيه دي لانها محترمه جدا جدا جدا....بس عاملها علي قد مقامها...متجيش تطلب من حصان انه يحرت أرض زراعيه لانك حتلاقي الحصان بيخلص منك وحيموت في الأخر لانها مش شغلته

نفس الكلام علي 128....هيه عربيه محترمه جدا وجميله....لكن راعي سنها...راعي حالة الصاج إلي معمول من السبعينات والثمانينات وأكيد إتعمل فيها العجب وإلي مش ممكن تتخيله وده بيرجع لدماغ كل سمكري إشتغل فيها ازاي......

بس عارف...العربيه دي فيها ميزه حلوه لان أقل تعديل في الموتور ممكن يعمل معاك فرق في السحب.....وحقولك علي شوية نقاط

إنت هات عربيه 128 واقعه زي ما قلت ماشي مش حقولك لأ.....بس تجيبها بالموتور ال1300 سي سي......طبعا حتاخد معاك سمكري علشان يكشف لك علي العربيه وانت بتشتريها ويعرف لك عيوبها وممكن تتعالج بكام وأزاي....بعد ما تشتريها تروح للسمكري وتتعالج عيوبها لو كانت فيها شروخات في السدر ولا بارومه واكله حتت منها.....وبعدين حتشوف الموتور أداءه عامل ازاي وده يحددها الميكانيكي...وعموما حتتعمل عمره للموتور لو محتاج وده مش حيكلف كتير

عندك بقي كام حاجه في العربيه دي هيه مصدر القلق الدائم وهي :-
الدينامو + الكربراتير + الإسبراتير + البطاريه + البوجيهات وطقم أسلاكها + ضفيرة الكهربا

الدينامو حتغيره بواحد بتاع شاهين جديد
الكربراتير حتجيبه إتنين باب جديد يوجوسلافي
الإسبراتير حتجيبه كهربا
البطاريه حتبقي سائله
البوجيهات تلاته شمعه بطقم أسلاك تخين او إسبور زي ما بيقولوا
وضفيرة الكهربا يتراجع عليها لو عايزه تتغير بضفيره جديده

وبكده حتلاقيها طياره علي الأسفلت.....بس متفكرش تبيع

**SAMEH_FOUAD** · 13-09-2012 03:16 PM

طيب معلش انا اعتقد ان المبالغ دية كبيرة ( 33- 35 الف جنية ) لية يعنى انت لو جيبت اى عربية وفوقتها مش هتصرف عليها المبلغ دة وممكن نعملها سرد تفصيلى للاسعار

لو هنقول ان ال 128 اللى واقعة هتعمل 7000 جنية مع ان معنى الكلام دة ان فيها حاجات شغالة بس احنا عايزين عربية منتهية وصدقنى هتلاقى اقل من كدة يعنى ممكن تجيبها ب5000 الاف جنية

هتجيب ماتور استيراد من عزبة شلبى ب 1500 جنية بالفتيس

ضفيرة استيراد ب300 جنية

تابلوة ب400 جنية ويمكن اقل

سمكرة ودوكو 2000 جنية

طقم كراسى بالكنب + شغل الصالون كامل بالمصنعية 2000 جنية

طقم جنوط استيراد ب800 جنية وممكن فية لقط ب500 جنية

طقم كاوتش جديد ب 1200 جنية

بطارية جديدة ب 275 جنية

طقم فوانيس ورا وقدام والكلام دة مش هيعمل 200 جنية

4 مساعدين جداد ب 600 جنية

عفشة امامى وخلفى كاملة جديدة ب 2000 جنية

ردياتير ب 100 جنية جديد

عفشة خلفية سوست عرضية + مقصين خلفين = 200 جنية

4 مساعدين 600 جنية

علبة دركسيون استيراد 150 جنية

ومعلش يعنى اكيد العربية اللى هتجيبها لو مافيهاش اى حاجة سليمة يبقى تاخدها على 4000 جنية مستريح اوى

يعنى لو حسبت التكلفة هتلاقيها فى حدود ال 22 الف جنية بتمن العربية بس هيبقى معاك عربية مشدودة صح