السلام عليكم و رحمة الله
عربيتي قدمت (كورولا 1978) و كتر الف خيرها اوى على كده
و كنت بفكر اغيرها (بس بعد 6 اشهر كده )بعربيه تكون شيك و فخمه علشان اعوض التريقه اللى اخدتها على عربيتي القديمه رغم انها لغايه دلوقتى حمالة اسيه و لفت بيا انحاء الجمهوريه جنوبا و شمالا

كنت بفكر فى حاجه فى حدود 40 الى 50 الف
فهل المبلغ ده يجيبلى عربيه BMW كويسه ؟؟
من خلال نظره سريعه على اسعار المستعمل حاسس ان المبلغ ده يجيبلى BMW موديل تسعينات
بس زمايلى و اصحابى خوفونى من الخطوه دى لأنهم قالولى ان اللى بيجيب البى ام بيبقى غالبا مقضيها ترويش و خمسات يعنى حاخد العربيه و حصرف عليها نص تمنها فى عيوب مستخبيه
و قطع غيارها نااااااااااااااارررر

فانتو ايه رأيكم فى الكلام ده
بالمناسبه انا مايهمنيش ان السعه اللتريه للموتور تبقى كبيره بالعكس لو كانت قليله يبقى احسن علشان توفر فى البنزين يعنى انا مش بفكر فى حاجه 1600cc ولو فيه اقل من كده يبقى افضل و 1800 شغال معايا لكن اكتر من كده بلاااااااااش
انا اللى يهمنى الزجاج الكهربا و التكييف و حالة الفرش و الن العربيه تستحمل سفر كتير لمسافات طويله و صيانتها سهله و اقدر اعملها بنفسى و اعطالها قليله و شببه منعدمه كمان علشان مش بحب اروح لميكانيكيه نهائى
فهل المبلغ اللى قولته ممكن يحقق كده ؟؟؟

مع خالص الشكر