سرقة سيارة تابعة للحرس الجمهورى من أمام منزل الرئيس بالشرقية

سرقة سيارة تابعة للحرس الجمهورى من أمام منزل الرئيس بالشرقية

الخميس، 13 سبتمبر 2012 - 13:46

http://img.youm7.com/images/NewsPics...0121312551.jpg

الرئيس محمد مرسى

الشرقية – فتحية الديب

أكدت مصادر مطلعة قيام مجموعة من اللصوص اليوم الخميس، بسرقة سيارة الحرس الجمهورى الخاصة بتأمين مسكن الدكتور محمد مرسى رئيس الجمهورية بمحافظة الشرقية والتى تحمل رقم (927 ق م د) تويتا ميكروباص بيج اللون، من أمام مسكنه بـ"فيلا" الجامعة بدائرة قسم ثان الزقازيق.

وكان اللواء محمد كمال جلال مدير أمن الشرقية قد تلقى إخطارا من العميد عبد الجليل العرباوى مأمور قسم ثان بالواقعة التى تحرر عنها المحضر "رقم 655 13" جنح قسم ثان الزقازيق، وجارٍ تكثيف الجهود الأمنية لضبط الجناة وإعادة السيارة المسروقة

قلة ادب وفجر ..
لكن المؤكد ان الحرامية ما يعروفش والحادث غير مقصود
طالما ان ارقام اللوحات عادية مدنية وليست خاصة عسكرية

بجد مسخرة

الله يكون فى عون المواطنين العاديين زيينا كده لما عربيات رئاسه الجمهوريه (اعلى جهة حراسات خاصه فى البلد) يتسرق منها عربيه ومن قدام بيت رئيس الجمهوريه كمان. بس سيبكو الحرميه المصريين عدو الحدود للعالميه :d

والله العظيم دي مسخرة بجد

ربنا يستر على اسرة الريس

ده حقيقى انا مش مصدق من هول الخبر ...؟؟؟؟؟؟؟؟؟؟؟؟؟

شكلهم هيطلبو فديه من الريس

اقتباس:

---

المشاركة الأصلية كتبت بواسطة mado83

شكلهم هيطلبو فديه من الريس

---

:shyy:

الشيء المضحك ان دول حرس جمهوري !!!! يعني هيحرسو اذاي الرئيس وهما مش قادرين يحرسو سيارتهم

هو الخبر لحق ينتشر بالسرعه دي
اساسا بيت الرئيس في حته عندنا اسنها فيلل الجامعه والله الحته دي لو اتقتل فيها قتيل بليل وخصوصا الفجر ما هيطلعه حتي سريخه ابن يومين انا علي طول رجلي علي البنزين في الحته دي

هى وصلت لكدة
الحرامى المصرى دة عالمى اقسم بالله

ههههههههههههههههههههههههه ه

اقتباس:

---

المشاركة الأصلية كتبت بواسطة hpxp

هو الخبر لحق ينتشر بالسرعه دي
اساسا بيت الرئيس في حته عندنا اسنها فيلل الجامعه والله الحته دي لو اتقتل فيها قتيل بليل وخصوصا الفجر ما هيطلعه حتي سريخه ابن يومين انا علي طول رجلي علي البنزين في الحته دي

---

بس ده رئيس الجمهورية
ودول الحرس الجمهورى !!!
مينفعش يتسرقوا
لما دول يتسرقوا الشعب هيتعمل فيه ايه :shyy:

لسه قارى خبر دلوقتى انهم لاقوها متسابه فى مكان فى الشرقيه

مش عارف ده عشان يبينو انهم شغالين ويدارو على خيبتهم ولا ده فعلا حقيقى ولاقوها والحرامى لما عرف انها تبع الرئاسه خاف يتمسك وسابها فعلا فى اى مكان

بس بصراحه مهزله بجد

تمكن رجال مباحث الشرقية من استرجاع سيارة الحرس الجمهوري رقم 927 ق م د تويوتا بيج اللون الخاصة بتأمين مسكن الدكتور محمد مرسي رئيس الجمهورية التي تمت سرقتها منذ يومين من أمام مسكنه بفلل الجامعة، وذلك بعد تضيق الخناق علي الجناة وإجبارهم علي تركها بالطريق الفرعي “منيا القمح – الزقازيق” أمام قرية المسلمية.

طيب ايه رايكم اني مويايلات احد مستشاري الريس اتلطشت امام السفارة الاميركية والراجل كان نازل يتفاوض مع المتظاهرين

اقتباس:

---

المشاركة الأصلية كتبت بواسطة أحمد كوجار

طيب ايه رايكم اني مويايلات احد مستشاري الريس اتلطشت امام السفارة الاميركية والراجل كان نازل يتفاوض مع المتظاهرين

---

:POINTIy2[2]::POINTIy2[2]::POINTIy2[2]: