هو إيه الفكرة إن العربيات في مصر تحدد ب 1600cc كحد أقصى؟؟!!

**شاهين - بنز** · 01-07-2008 08:12 PM

يعني الحكومة عاملة 65% على ال 1600 و200% على فوق ال 1600 مع العلم إن الفرق بين إستهلاك البنزين بين السعتين بسيط جدا لإن كلاهما 4سلندر يعني ليه الحكومة ماتخليش الجمارك 65% على ال 4سلندر أيا كانت السعة وتخلي ال 6 سلندر فما فوق 200%
-أو مثلا لماذا لاتحدد الجمارك باستهلاك للسيارة للبنزين يعني مثلا يقولوا العربية إللي بتستهلك أكتر من 10 لتر للمية كيلو جمركها كذا

-طب ليه مايفصولش جمارك البنزين عن الديزل يعني مثلا متور الباسات الديزل أقل حاجة 1900cc

لإن بجد لو خلوا ال 2.0 نفس جمارك ال 1.6 حنشوف عربيات كتيير زي السوبارو ليجاسي إللي حتبقى بتمن الأوكتافيا والسوناتا إللي حنجيبها كوري جاهز بدل التجميع المصري وحنشوف الأفنيسس نازلة بالأوتوماتيك بال2.0 وال X3 وال Z4 وhot hatches كلها وهيونداي توسان والباسات الجاموسة متورها حيكبر وتنزل بال 2.0 TFSI وغيره كتييير

حد ينورني لإني إتغاظت جدا إنهم زودوا البنزين وماخدناش أي حاجة مقابل للزيادة يعني كان المفروض بعد الزيادة الأخيرة على الأقل يفتحولنا مجال ال 2000cc

**Xpert** · 01-07-2008 08:22 PM

الفكره انهم يتحكمو في الناس .. و اللي عاوز يركب مزاج بقي يكع فلوس ...

**ramyso4** · 01-07-2008 08:39 PM

أول سبب هو القاله بيشو وهو غلاسة وال عايز يتدلع ندلعو بس نقلبه الأول

تاني حاجة ال-2.0 بياخد بنزين أكتر والحكومة مدعمة البنزين وعلى كل لتر بيطلع هي بتدفع وتكوع فمش عايزة الناس تركب عربيات ب-cc عالي وتخلي الحكومة تكوع

تالت حاجة الجري الشب من دول دلوقتي يبقى شب ولا مؤاخذة لو مقفلش عداد عربيته فصباح الحوادث لما الشباب يركب ال-2.0 د الناس بتجيب 170 بعربيات 1.3 فمابالك بال-2.0

**ASD peugeot** · 01-07-2008 08:46 PM

رخامه والله يا شاهين يا اخويا بس
الموضوع يعقد
انا معايا البيجو 2000 سي سي موتور حكايه بجد
السعه اللتريه العاليه كلها مزايا من غير حاجه واحده موضوع استهلاك البنزين
لكن لو معاك ومش هتفرق وياك يبقي كده تمام

**شاهين - بنز** · 01-07-2008 09:48 PM

المشاركة الأصلية كتبت بواسطة Xpert

الفكره انهم يتحكمو في الناس .. و اللي عاوز يركب مزاج بقي يكع فلوس ...

معاك حق يا إكسبرت باشا لكن العربيات المزاج بتبدأ من 3500cc والعربيات العادية ال 2000 بتاعها طبيعي زي السوناتا والليجاسي عربيات مهياش فخمة وعادية جدا وفي نفس الوقت 2000cc

أول سبب هو القاله بيشو وهو غلاسة وال عايز يتدلع ندلعو بس نقلبه الأول

ده شيء معروف ومتعودين منه في الحكومة في كل حاجة في مصر

تاني حاجة ال-2.0 بياخد بنزين أكتر والحكومة مدعمة البنزين وعلى كل لتر بيطلع هي بتدفع وتكوع فمش عايزة الناس تركب عربيات ب-cc عالي وتخلي الحكومة تكوع

مادا إللي أنا بتكلم فيه إن استهلاك ال 2.0 ميرفقش عن 1.6 إلا حاجة بسيطة جدا ده غير إنهم زودا أسعار البنزين فالدعم خف فكان برضوا المفروض يرفعوا ال سي سي شوية مقابل الزيادة في البنزين

تالت حاجة الجري الشب من دول دلوقتي يبقى شب ولا مؤاخذة لو مقفلش عداد عربيته

فصباح الحوادث لما الشباب يركب ال-2.0 د الناس بتجيب 170 بعربيات 1.3 فمابالك بال-

هنا مربط الفرس وهو الكبت الحكومة عامللنا بموضوع ال 1.6 كبت فظيييييع

وبالنسبة للحوادث فالحكومة لو ظبطت طرقها إللي كلها مقالب ومفاجآت نسبة الحوادث حتقل جامد حتى لو الشباب بيجري

رخامه والله يا شاهين يا اخويا بس

الموضوع يعقد
انا معايا البيجو 2000 سي سي موتور حكايه بجد
السعه اللتريه العاليه كلها مزايا من غير حاجه واحده موضوع استهلاك البنزين
لكن لو معاك ومش هتفرق وياك يبقي كده تمام

إزيك يا ASD peugeot :) والله حتى إستهلاك البنزين مش عالي برضه في ال 2.0 لدرجة إن بعض شركات السيارات قدرت تخلي ال 2.0 بتاع عربياتها موفر للبنزين أكتر من شركات تانية لفئة ال 1.6

**mohameduoser** · 02-07-2008 09:08 AM

يمكن علشان استهلاك البنزين المدعم

**شاهين - بنز** · 02-07-2008 12:48 PM

المشاركة الأصلية كتبت بواسطة mohameduoser

يمكن علشان استهلاك البنزين المدعم

هو مش يمكن هو عشان كده لكن كان المفروض بعد زيادة البنزين الأخيرة يبصوا لموضوع الجمارك ده

الموضوع: هو إيه الفكرة إن العربيات في مصر تحدد ب 1600cc كحد أقصى؟؟!!

LinkBack

أدوات الموضوع

عرض

-

-

المواضيع المتشابهه

علي اي اساس تحدد سعر سيارتك

كيف تحدد نوع البنزين لسيارتك

كورسا سيدان 2004 1600cc- فيكترا 1998 1600cc - لانوس 2004 1500cc

كيف تحدد تخصصك الجامعي ..؟

الكلمات الدلالية لهذا الموضوع

المفضلات

المفضلات

ضوابط المشاركة