عندى مشكلة فى كيا سيراتو

**EmadHelal** · 13-09-2012 03:48 PM

ياريت تقولولى اية المشكلة لما اسمع خبطة تحت رجلى والعربية ماشية على اى سرعة من وقت للتانى وبعدين العربية تلخبط شوية بسيطة وبعدين تمشى مع العلم ان تجميع العربية من الثبات الى الحركة بطى . مع الشكر .

**hany121** · 13-09-2012 04:59 PM

محتاج تجاوب علي الاستفسارات ده علشان الاعضاء تقدر تفيدك
موديل العربيه ؟
عداد الكيلومتر ؟
الصيانات في ميعادها ولا لأ وبتعملها فين؟

وبعدين

ايه شكل اللخبطه اللي بتحصل للعربيه؟
الخبطه اللي بتسمعها بتسمع في عصاية الفتيس ولا لأ؟
هل ال rpm بيعلي وانت ماشي علي سرعات متوسطه بدون استجابه من العربيه (زيادة السرعه ) او تأخير في الاستجابه؟
لما بتدوس فرامل وتنقل علي ال d وترفع رجلك من علي الفرامل العربيه بتتحرك بدون الضغط علي الاكسراتير ولا لأ؟

**EmadHelal** · 13-09-2012 05:55 PM

العربية 2008 وعملت 80000 وكل الصيانة فى التوكيل ( ابو رواش ) - اخر صيانة من يومين وكنت فاكر ان العربية حتضبط زى ماقلى المهندس بس ما حصلش . فعلا العربية مش بتجمع بسرعة ولازم ادوس بنزين فى الطلع .

**temo85** · 15-09-2012 04:44 PM

جرب و انت كاسر الدركسيون على الأخر و أطلع مره واحده لو سمعت الخبط ده بصوت ملحوظ يبقى الكبالن عاوزة تتغير

**EmadHelal** · 19-09-2012 05:07 PM

اشكركم على المساعدة بس المشكلة كانت فى الفتيس كنترول اللى ظبط العربية دلوقتى .
المشكلة ان توكيل أبو رواش دفعنى تمن زيت و فلتر فتيس مرتين . مرة مع الصيانة
و مرة مع التصليح فى خلال أسبوع مع ان العربية فى الضمان