-
تكييف الصني 2013
العربية عندي عاملة 2000كم بس أن حاسس أن التكييف مش قوي زي ما الأخوة بيقولو يعني أن كان عندي الأنوس التكييف لم بيتوجه على الدركيسيون بيخليه ساقع جدا لدرجة أن مش بتقدر تمسكة.
بس ان ملاحظ حاجة أن العربية طول ماهي واقفة في السلانسة صوت الكباس والمروحة يخش 20 ثانية ثم يفصل 10 ثواني . أن مش عارف كد طبيعي ولا ايه . لأني كده حاسس أن العربية بيركبها عفريت لما بشغل التكييف الصوت بيعلى وكل شوية تك المروحة والكباس يشتغل وتك يفصل .التبريد المروحة الداخلية على 3 في يوم مش حر زي النهاردة والجو لطييف جوه العربية (المفروض أن يكون تلج).
-
حضرتك ممكن تروح التوكيل تقولهم الموضوع ده ممكن يكون ناقص فريون او حاجة
-
شوف حضرتك انا عربينى ماكملتش 250 كم ولما بشغل التكييف بسقع بطلت أشغله لأن معظم تحركى بيها ليلا ممكن حضرتك تروح أقرب مركز خدمة نيسان وخليهم يشوفوه ويشيكوا عليه متستناش الصيانة الدورية وخير إن شاء الله
تحياتى لحضرتك
-
كده فيه حاجة غلط بالتأكيد .. لأن تكييف الصنى نادرا ما حد بيقدر يستحملها على 3 اصلا واخره 1 او 2 حتى لو معاك حد فى العربية
ياترى عملت صيانة ال1000 كم ولا لأ ؟
ممكن تروح اى مركز خدمة معتمد لنيسان يكشفوا عليه وعلى ضغط الفريون فيه
-
فيه حتة تانية محتاجين نعرفها ... لو عربية حضرتك لونها اسود أو مركونة في الشمس فترة طويلة التكييف هاياخد وقت علشان يديك الحرارة المناسبة .... عن تجربة لو العربية حر جداً من جوة شغلها على 3 وبعد كدة امشي على 2 عادي
زائد ان كفاءة التكييف بتتحسن بعد صيانة ال 5000 مش لسة في الأول .... وبتحس ان التكييف فعلاً بدأ يبرد بشكل كويس بعد سرعة 40 علشان فيها سينسور لضغط الفريون بيحافظ على تكييفك
لو كل ده مش نافع توكل على الله واكشف عند التوكيل ...ولو اني بانصحك تنتظر لحد صيانة الـ 5000 وربنا يباركلك في عربيتك ويكفيك شر الطريق
Content Relevant URLs by
vBSEO 3.6.0 PL2