انا كون عايز اسئلكم عن ورشة ضبط الزوايا (العفشة)بالمنيل
حد يكون جربها قبل كده
لانى سمعت انك لازم تحجز قبلها
ولو عند حد نمرة تليفون الورشة ياريت يكتبها
وشكرا:scooter:
عرض للطباعة
انا كون عايز اسئلكم عن ورشة ضبط الزوايا (العفشة)بالمنيل
حد يكون جربها قبل كده
لانى سمعت انك لازم تحجز قبلها
ولو عند حد نمرة تليفون الورشة ياريت يكتبها
وشكرا:scooter:
اضبط زوايا عند اى فكهانى و متضبطهاش عند الناس دى
دول عكوا فى عربيتى و بعد ما اخدتها بقت تحدف مع الفرملة و فى عربية واحد صاحبى لحموا المساعد فى الركبة... من الاخر شغل عك... ميغركش الحجز و الكلام الفاضى دة
MMamdouh
+100000000000
على فكرة انا متربي في المنيل وقريب من الناس دي كمان وهمة شية عيال متخلفين مابيفهموش حاجة وعندهم أجهزة كانت ايام ماجابوها مش موجودة عند حد تاني في مصر وهوة ده اللى شهرهم لكن دلوقتي الأجهزة دي وأحسن منها موجوده عند الناس كلهاومافيش أي فرق بينهم
على فكرة يامحمد باشا مشاركاتك منورة المنتدى من تاني وده أول رد لية بعد عودتك الحميدة
روح لدرش زوايا في جسر السويس
ممكن وصف لعنوان مركز زوايا درش ، مع الشكر الجزيل.
الصيت ولا الغنى يا صاحبى
ورشة عادية بدون حجز أبرك وأحسن ألف مرة
متشكرين على النصيحة
وربنا يكرمكم
لو المقطم قريب منك، انصحك تروح لعادل زوايا فى بنزينة موبيل
فى مركز كويس جدا جدا وشغلهم ممتاز اسمه هنتر سنتر
أمام محطة مترو أنفاق كوبرى القبة بس مش من ناحية القصر الجمهورى هو الناحية التانية قدام باب المحطة عدل روح ظبط عندهم والعربية هتبقى Perfect معاك ان شاء الله
أنا مجربهم طبعا وزبونهم