بإختصار وبدون الخوض فى تفاصيل كتير يا أحلى أعضاء
اوبل فيكترا 98 2000 cc
ولا الفورد المونديو 2000 cc
عرض للطباعة
بإختصار وبدون الخوض فى تفاصيل كتير يا أحلى أعضاء
اوبل فيكترا 98 2000 cc
ولا الفورد المونديو 2000 cc
فيكترا لسببين اتنين
1-انتشار اكتر لفيكترا وبالتالي قطع غيار موجودة
2-سوقها احسن من المونديو
فكترا انتشارها فعلا اكبر بكتير و قطع غيارها ايضا
طيب يا جماعة بالنسبة للأداء وهو ده اللى بسأل عنه تحديدا محدش يعرف حاجة عن ايهما احسن فى الاداء
انا معايا فيكترا 1600ccبس الايكوتك مانيوال العربية ادائها بالنسبالي مرضي جدا بس هي تقيلة في اول الطلعة بس من اول الغيار التالت بتسحب وبتجري وثبات لحد 160 جربته بنفسي وفي ناس زودت عن كدة ومفيش مشاكل كمان
ثبات لغايه ال 200 مفيش اى مشاكل
طلعه بطيئه شويه لو ال 1600 لكا ال 2000 ايكو تك زى الفل ما شاء الله
اى راى هايتكتب راى شخصى لكن الراى الاول و الاخير ليك
اول حاجة صلى استخارة و ربنا يوفق للخير بس راى شخصى برضه
خاللى بالك فرق الاداء بين الاتنين طفيف جدااااااا
المونديو اسرع فى السحب بفرق بسيط جدااااااااا
الفكتر افضل فى الثبات بفرق بسيط جدااااا
لكن عفشة الفكترا اكثر تحملا و اداءا من المونديو و اطول عمرا
التكييف فى المونديو و الفكترا واحد و بالامانة بيعتمد على اللى بيظبطوا التكييف مش تعبان زى ما هاتسمع بس تقريبا بتوع التكييف فى مصر هم اللى اى كلام لان نفس التكييف هايفرق اداؤه حسب اللى بيظبطوا بس يمكن المونديو افضل من الفكترا
و حسب معلوماتى المتواضعة ان حتى الفورد اللى نزلت الشرق الاوسط كله المانى مش امريكانى فمش هاتلاقى فرق كبير
يبقى لك الاختيار حسب قطع الغيار و الصيانة لان فرق الاداء بينهم لا يذكر
كقطع غيار الاتنين غاليين و الاتنين معمرين و لكن ....
الفورد اغلى
فيه قطع غيار مش موجود منها الا استيراد و ما فيش جديد و لو فيه هاتلاقى اسعاره وهم؟؟؟؟
الفكترا غالية برضه بس اقل شوية من الفورد و اكثر انتشارا و لكن
المضروب بالهبل و لو انت مش فاهم هاتكره حياتك و الامانة عند التجار مافيش
الصيانة بقى قصة تانية
الناس تشوف الفورد تقولك ما اشتغلش فيها بس تشوف الاوبل عندها استعداد تفتى فيها للصبح و هى برضه ما بتفهمش فيها فاى عربية من الاتنين لازم تشوف حد بتاعها و الا هاتكره العربيات و اليوم اللى ركبتها فيه
و الاهم من الكلام ده كله الحالة
اللى تلاقيها انضف اتكل على الله و هاتها لانها لو تعبانة هاتكره الدنيا كلها
انا الفورد طلعت .................... اهلى بسبب حالتها مش عشان ماركتها
ربنا يكتب لك الخير