الكورسا بتاكل بنزين جامد . أية الحل ؟
بسم الله الرحمن الرحيم
هحكى من الأول الحمد لله أشتريت كورسا سيدان 2005 من راجل محترم و كان راكن العربية من فترة المهم أول أما رحت أتفرج على العربية دورت العربية و كبست بنزين العربية طلعت دخنة سودا جامدة جدا المهم الميكانيكى قالى دا من الركنة خت العربية و عملتلها صيانة كاملة سيور و فلاتر و زيوت و تنضيف أنجكشن و حساسات شوية شغل فى العفشة
المهم دور يا عم لسه فى دخنه على خفيف و الميكانيكى قالى أمشى بيها شوية و تعالى تانى المهم فولت العربية و لاحظت أنها بتاكل بنزين جامد أوى رجعت للميكانيكى قالى الرشاشات عايزة تتنضف أفتكرت موضوع أخ عزيز هنا عن التنضيف و فعلا خليتو فكهم و عملت زى الأخ العزيز ما عامل بالظبط و فعلا كان المنظف بينزل أسود المهم ركبنا الرشاشات و كبست بنزين الدخنة قالت بس لسه موجودة و لو وقفنا ورا العربية هنشم ريحة بنزين مش محروق
فضيت العربية من البنزين خالص و حطيت 20 لتر و حسبتها لقيتها مشيت بـ 20 لتر 100 كيلو بس :dzey:
السؤال بقا ممكن يكون العيب من أية لأن العربية بتصرف بنزين جامد أوى هل ممكن يكون من حساس الشكمان و الأكسجين أو مثلا من قواعد الصبابات محتاج رأيكو ضرورى جداً
و شكراً و أسف على الأطالة
