-
درجة حرارة اللوجان
السلام عليكم ورحمة الله وبركاته
كنت عايز استفسر عن حاجة حصلت معايا من يومين فى العربية وعايز اعرف ايه السبب ارتفعت درجة الحرارة عن اربع شرط وصلت لسته ونزلت تانى وقاعدت شويه لمدة 3 دقائق سته ونزلت تانى عملت كده فى المشوار ده اكتر من مره بس كان الطريق زحمه قوى بس اول مره تعمل كده وقفت جبت حاجات وبعدين اتحركت كانت تمام على اربع شرط و بعدين اليوم ال بعديه نزلت بيها كانت تمام النهاردة نزلت بيها زادت درجة الحرارة لمدة ثانية ونزلت تانى اتمنى حد يفيدنى ايه المشكلة
وجزاكم الله كل خير
-
ممكن من الترموتسات عليك وعلى التوكيل يكشفو عليه
ننتظر اراء الاخوة
-
ترموستات الكوعه قارب علي مفارقة الحياه اكشف عليه ضروري عشان ميعملهاش معاك
-
بس يا باشا اسباب سخونة الموتور علميا علي الانترنت حوالي 30 سبب
فيهم اسباب شائعة الأنتشار زي كلام الاخوة الافاضل (الثرموستات)
وفيهم اسباب بسيطة وسهلة تبدأ من (اتوماتيك مروحة الريداتير)
وفيهم اسباب صعبة ومش كويسة وربنا يكفيك شرها .
عموما المهم لازم تلاحظ الاعراض في السيارة بتاعتك كويس
ولازم تبص علي أربة المية والريداتير كويس اول بأول .
ولازم بعد كده تروح التوكيل معاك وصف شافي وافي للاعراض
والمهم انك لما تيجي تستلم منهم العربية تعرف منهم . هل اكتشفوا عيب في العربية .
وما هو السبب في هذه السخونة . لأنها لا قدر الله لو لم يتم معرفة السبب الحقيقي سوف تدور كعب داير علي حاجات كتير ملهاش علاقة بالعيب ...
ربنا معاك
إلا سخونة الموتور
-
بنسبة 90 فى المائه هو الترموستات وانا غيرته فى الضمان
-
الموضوع بيتوقف علي توقيت ظهور السخونة دي
يعني هل و انت ماشي بالعربية علي الطوالي بتسخن و مؤشر الحرارة بيرفع ؟؟؟ لو كدا يبقي هناك مشكلة
لو انت تقثد ان العربية و انت ماشي بيها في زحمة و لوقت طويل و بطلت العربية و دورتها تاني في وقت قصير يعني خلال دقائق هتلاقي مؤشر الحرارة بيرفع معاك لمدة ثواني و تلاقي المروحة اشتغلت و خلال الثواني دي (5 ثواني تقريبا ) الحرارة بتنزل تاني لمستواها الطبيعي دا طبيعي جدا و مفيهوش مشكلة
يا ريت كمان تراجع علي قربة الميه و تشوف مستوي الميه فيها عامل ايه ؟؟
شوف المروحة بتشتغل و لا لأ ممكن تكون المروحة ما بتشتغلش بسبب عيب كهربا مثلا
و باذن الله تكون حاجة بسيطة
-
السلام عليكم
جزاكم الله كل خير على الردود بالنسبة للمياه فى القربة مقاربة للmax وبتقليش و دايما بتابعها والموضوع ده حصل وانا فى طريق زحمة فعلا وكنا ماشين براحه قوى لفتره اكتر من نصف ساعة بس درجة الحرارة بتقل تانى لاربع شرط هى فى مره قعدت زى مكتبت قبل كده 3 دقائق بس نزلت تانى ومبتعملش كده مدام العربية ماشية فى طريق مفتوح والمروحه بتشتغل لانى وقفت وشوفتها وابتديت ازود بنزين وهى واقفه علشان اشغل المروحه واشتغلت لمدة دقيقة وقامت وقفه ربنا يكرم ان شاء الله ان هحاول احجز ميعاد فى التوكيل لان انا قربت على 20 الف كيلو وهسئلهم والله المستعان
-
انا عندي مشكلة مشابهه في لوجان 2012 ساعات في الزحمة الاقي مؤشر الحرارة يعلي شرطتين و بعدين ينزل تاني و ساعات المؤشر بيقفل بدون ظهور لمبة الحرارة التحذيرة (هما الاتنين مش بيخدوا من نفس الحساس؟؟) فكينا ال thermostate valve و جربناه في ميه سخنة و تماام، سيخنا الراديتير و لقيناه تقريبا نظيف، مفيش قدامي غير حساس الحرارة في صنايعي بيقول نفكة ننظفه او نسنفره يمكن يكون حساسيته قلت بسبب ترسبات خارجية...يا تري المشكلة اتحلت ازاي؟؟ شكرا عالرد
Content Relevant URLs by
vBSEO 3.6.0 PL2