تسريب زيت جين 2

**RedBull_30** · 15-09-2012 12:29 AM

السلام عليكم
لاحظت تسريب زيت جاي من عند وش التاكيهات او وش السلندر .. بصراحة معرفش اسمه ايه بالزبط .. غسلت المحرك عشان كنت شاكك انه يكون احتمال وانا بغير الزيت يكون نقط الزيت عليه وهي اللي عملت كده و بعد الغسيل بقى واضح انه تسريب ..
العربية جين تو 2008 معملتش فيها اي شغل غير تغيير سير الكاتينة و كان في مركز الاغلبية بتشكر فيه ..
انا سواقتي عادية جدا مش من النوع اللي بحرق حتى على الغيار و وقت السفر السرعه القصوى بتكون 120 .
يا ريت اعرف ايه اللي ممكن اعمله عشان اوقف التسريب ده ولو فيه قطع غيار هجيبها يا ريت اعرف منين و بكام ؟
شكرا لوقتكم

**ganash** · 15-09-2012 01:38 AM

ممكن يكون الوش عاوز يتربط عليه اعتقد استنى رأي الخبراء برده

**MohammedAladel** · 15-09-2012 01:55 AM

متابع باهتمام

بس غسلت الموتور إزاى ؟

**mido_soliman** · 15-09-2012 03:12 AM

الوش بس حيتربط علية ولو التسريب استمر حتغير جوان وش الكامة او جوان التاكيهات
اهم حاجة تتابع مقاس الزيت وخلاص
انصحك ترجع لنفس المركز علشان من الممكن ان السير يكون السبب فى كدة وان التقسيمة مش مظبوطة

**DESIGNER105** · 16-09-2012 01:47 PM

لازم تتابع مستوى الزيت كل يوم الصبح قبل متمشى بالعربيه ولو لقيتو نقص زودو لحد متصلح العيب...لان نقص الزيت ده خطير جدا وممكن يكسر اجزاء الماتور لو نقص بكميه كبيره ...اتاكد وانت بتقيس الزيت ان العربيه على سطح مستوى تماما .. وتكون ركنا اكتر من سعنين بدون تشغيل الموتور طبعا ... لو لقيت مستوى الزيت ثابت بعد 3 مرات كده يبقى مفيش تسريب غالبا ...وبردو الخبراء يفيدوك اكتر

**RedBull_30** · 17-09-2012 02:17 PM

المشاركة الأصلية كتبت بواسطة mido_soliman

الوش بس حيتربط علية ولو التسريب استمر حتغير جوان وش الكامة او جوان التاكيهات
اهم حاجة تتابع مقاس الزيت وخلاص
انصحك ترجع لنفس المركز علشان من الممكن ان السير يكون السبب فى كدة وان التقسيمة مش مظبوطة

شكرا يا اخي الكريم لاهتمامك بالرد ..
اجابتك هتخليني اسئلك سؤال وهو : هو تغيير سير التقسيمة بيتم عن طريق انه يفك وش الموتور؟
كمان ازاي لو التقسيمة او السير مش معمولين بالشكل السليم ينتج عنهم رشح الزيت اللي انا شوفته ؟
يا ريت يا فندم تجاوبني واشكرك لاهتمامك

**RedBull_30** · 17-09-2012 02:19 PM

المشاركة الأصلية كتبت بواسطة mohammedaladel

متابع باهتمام

بس غسلت الموتور إزاى ؟

امتلك انا و اخواتي مغسلة سيارات عندنا فيها جهاز بخار عالي الجودة و قوي جدا لغسيل المحرك و بنستخدم معاه مواد المانية

**RedBull_30** · 17-09-2012 02:26 PM

المشاركة الأصلية كتبت بواسطة designer105

لازم تتابع مستوى الزيت كل يوم الصبح قبل متمشى بالعربيه ولو لقيتو نقص زودو لحد متصلح العيب...لان نقص الزيت ده خطير جدا وممكن يكسر اجزاء الماتور لو نقص بكميه كبيره ...اتاكد وانت بتقيس الزيت ان العربيه على سطح مستوى تماما .. وتكون ركنا اكتر من سعنين بدون تشغيل الموتور طبعا ... لو لقيت مستوى الزيت ثابت بعد 3 مرات كده يبقى مفيش تسريب غالبا ...وبردو الخبراء يفيدوك اكتر

هو فعلا فيه تسريب .. بس مش بالشكل اللي حضرتك متخيله .. مش لدرجة انه يعمل نقص في الزيت .. بس انا حابب اقول معلومة للجميع ولكل واحد استعجل و غير سير الكاتينة زيي على 60 الف .. سير الكاتينة بيتغير على 80 الف كيلو وانصحكم تبقو واقفين فوق دماغ اي واحد بيغيره ..
مبقاش فيه ضمير ..
مشكلتي ان بعد ما غيرت السير و في نفس غيرت الزيت برضه وافتكرت ان اللي غير الزيت وقع منه زيت على الموتور ومتخيلتش ان بسبب تغيير السير حصل معايا كده ..
والله يا جماعه ما اعرف الناس دي بتعرف تنام ازاي بعد انعدام الضمير

**eng.m7md.ali** · 17-09-2012 03:01 PM

الله يكون في العون
من الاحسن فعلا ترجع للمركز وتروح للمهندس .... شخصياً
وتحكيله اللي حصل والمشكلة اكيد من الصنايعية الاغبية اللي عنده

**K3A** · 19-09-2012 11:00 PM

المشاركة الأصلية كتبت بواسطة redbull_30

هو فعلا فيه تسريب .. بس مش بالشكل اللي حضرتك متخيله .. مش لدرجة انه يعمل نقص في الزيت .. بس انا حابب اقول معلومة للجميع ولكل واحد استعجل و غير سير الكاتينة زيي على 60 الف .. سير الكاتينة بيتغير على 80 الف كيلو وانصحكم تبقو واقفين فوق دماغ اي واحد بيغيره ..
مبقاش فيه ضمير ..
مشكلتي ان بعد ما غيرت السير و في نفس غيرت الزيت برضه وافتكرت ان اللي غير الزيت وقع منه زيت على الموتور ومتخيلتش ان بسبب تغيير السير حصل معايا كده ..
والله يا جماعه ما اعرف الناس دي بتعرف تنام ازاي بعد انعدام الضمير

الحمد لله انك عرفت سبب المشكلة ... بس ممكن حضرتك توضح أكثر كيف يكون تغير السير سبب في تسريب الزيت ... وكيف تمت المعالجة وعند مين ..

تحياتي

الموضوع: تسريب زيت جين 2

LinkBack

أدوات الموضوع

عرض

-

-

-

-

المواضيع المتشابهه

تسريب زيت

تسريب زيت

تسريب زيت

تسريب زيت

تسريب زيت

الكلمات الدلالية لهذا الموضوع

المفضلات

المفضلات

ضوابط المشاركة