الموضوع: أحنا بندفع ضريبة ليه ؟ و هل دفعنا للضريبة بيكون مقابلة طرق نضيفة ؟

مش هعرف أرد على الردود كلها بس هوضح كام نقطة كدة
أنا يا جماعة مش ضد الجمارك ولا الضرايب ولا ضد الضريبة السنوية
لكن أنا مع توضيح الكلام دة بيروح مرتبات للعمال
ولا بيروح لتطوير مصر ؟

و أقروا كل الردود هتفهمونى جدا جدا جدا

المشاركة الأصلية كتبت بواسطة tutankhamoun

6 مليون موظف حكومي ( و الأصل لا يجب أن يزيد عن 800 ألف زي أي بلد في حجم مصر على سبيل المثال أنجلترا أو تركيا )
مرتبات رايحة في الهوا ..... (تعتبر مساعدة حكومة للي مش لاقي شغل )
أدي عندك مصدر للصرف في الهوا

مليارات على دعم البنزين و المحروقات و الكهرباء (أدي مصدر تاني للصرف رايح في الهوا )

مليارات بتروح على دعم رغيف العيش للغلابة و معدومي الدخل ( الحكومة يجب أن تستمر في هذا الدعم لحين ازالته تدريجيا مع تحسن الوضع العام للناس )

أحنا عايشين في بلد كل حاجة فيها دعم (جزء منه بيتسرق ) بس الدعم ده كارثة على أي أقتصاد .
دعم يعني ...... واحد بيأخد فلوس من غير ما ينتج .
و بالتالي صعب البلد يكون فيها فائض ...... لأن الناس بتاخد الدعم بدون انتاج .


كلنا نفسنا في بلد نظيفة (يبقى أحنا كشعب ما نرميش زبالة في الشارع )+ الحكومة تلم زبالة المنازل بمقابل مالي .

كلنا نفسنا في شوارع متسفلتة كويس ... أكيد ده تقصير حكومي .

كلنا نفسنا في وظائف كويسة و بدخل كويس .

و بالتالي مش لازم نلوم الحكومة على كل حاجة .... معلش يا مانولي أحنا دايما مختلفين في الرأي .
بس أنا لي منظور أوسع شوية للحاجة قبل ما ألوم أي حد .
أحب أبص للشئ بزاوية أوسع و من بعيد و من كل الجوانب ... علشان أقدر إلى حد ما أضع رؤية صحيحة و حُكم صحيح لما يجري حولي .

بالنسبة للضرائب اللي أحنا بندفعها سنويا (دي لا شئ في عالم الطرق و الكباري )

أنا مثلا مرخص 3 سنين و دافع كامل مصروفات ضرائب تقريبا 600 جنيه .
يعني 200 جنيه في السنة ........ يعني 16 جنيه في الشهر ......
تعالي نتخيل ان فيه في مصر 10 مليون عربية (مثلا و هما أقل من كدا على فكرة )

16 جنيه (متوسط أغلب العربيات في مصر أنها 1600 سي سي )
16 مليون جنيه في الشهر يعني 200 مليون حنيه في السنة لكافة العربية اللي موجودة في مصر .

200 مليون جنيه ميعملوش طريق طولة 30 كم .

أنا كنت سألت في شركة مقاولات عن تكلفة الطرق
الطريق بيتكلف لحارتين تقريبا رايح جاي مليون جنيه سفلتة و مش فاكر الكلام ده كان شامل الاضاءة و اليفط ......... الخ . و لا لاءة ؟

بس تكلفة انشاء الطرق عالية جدا ..... ده غير الكباري و الانفاق .

حاجة تانية ال 16 جنيه اللي انا بدفعهم ضرائب شهرية على عربيتي مقابل دعم البنزين هي صفر على الشمال بالنسبة للي الحكومة بتدفعه في دعم البنزين .

مين الناس إلى بتخلى الدولة منتجة من دولة أستهلاكية ؟
يعنى لما شوفنا البرازيل و كوريا و هكذا كان شعبها أرجل من شعب مصر ؟ لو أرجل يبقى دة عيب فى الجميع و ممكن أتفهم الموضوع تماما و أقولك كلامك صح
لكن الفرق الوحيد فى الحكومات إلى خليت بلاد زحمه و فيها بيوت عشوائية و فيها مجارى و زباله بتعتبر شريك لسكن كل واحد لدول من أفضل الدول الانتاجيه
و أشمعنى مصر إلى حالها واقع و مالهاش حل زى مانت شايف ؟
عدد السكان يعنى !! دى ثروة بشريه ولا أحنا عنينا مش بتشوف غير مصر و مش بتشوف الصين ؟
رغم أن مشكلة مصر أقل بكتيـــــــر من مشاكل دول تانيه بقيت من أعظم الدول الأنتاجيه
أقولك مثال بسيط جدا بيدل على أن الحكومة سبب تعاسه الجميع و يا أما عقلهم محدود يا أما هما مستفيدين من كدة يا أما كسل
منجم السكرى طيب بلاش ندخل فى حاجات فيها قانون و عقود
عندنا رمله فى الصحرا و طبعا زى مانت شايف الصحرا دى فى الخريطة عاملة أزاى
ممكن حضراتهم يتفضلوا يزوروا الصحرا و يحطوا كام مولد كهربا و يغطوا أحتياجات الشعب من الكهربا بدل أستيراد المازوت و بدل أستهلاك الغاز و يبقى عندك كهربا ببلاش أو عشان أبقى واقعية معاك أكتر هيتصرف تكاليف صيانه وممكن يتم تصدير الكهربا دى للدول العربيه أو الدول الأفريقية أو غزة بدل مانصدر لهم غاز و فى الأخر يوصل لإسرائيل

و معلش لو طولت عليك أو زعلتك فى ردى بس أصلى أندمجت شوية و أنت عارف بقى الفكر الأشتراكى بيبقى عامل أزاى

و متزعلش بقى أحنا جيناوية مع بعض

المشاركة الأصلية كتبت بواسطة matrix_it

اسف يا فندم !! انا متعلم و بقولك لو لغوا الجمارك البلد هتبقى جراج كبير !! لان لو العربيات رخصت معظم اللى معهوش عربية هيقول ليه مجيبش عربية ! ما كلوا عايز يركب عربية هو الناس غاوية ميكروباصات و قرف ! يا متعلمة !!!!!!!!!!!!!!!!

و مين قالك الكلام دة ؟
إلى معاه 3 ألاف جنيه بيروح يشترى فيات 126 أو سيات 133 و بيعمل بيها مليون حادثة و لو هتقول كل واحد هيمتلك عربيات كتيرة هقولك برضة دة فكر و ثقافة خطأ تماما
لأن بدل ما واحد يجيب عربيه بـ400 ألف جنيه ممكن يجب 10 بالمبلغ دة دا لو كان عنده ثقافة حب أمتلاك سيارات بالعدد
ولا هيا العربيات الزباله مش هتعمل زحمه و العربيات الأدميه هتعمل زحمه ؟
الحل الأمثل أنا شايفة
أولايتم توضيح الجمارك و الضرايب على دخول السيارات يتعرف بيروح فين بالظبط
ثانيا يتم عملية تكهين للسيارات التي يمر عليها 15 عام على أساس أنها سلعة معمرة و لو صاحب السيارة مش راضى يكشف عليها سنويا بضمير يعنى لو العادم بيطلع دخان يدفع غرامة و يتحددله كشف بعد 15 يوم و بالتالى يتم تغيير السيارات القديمه زى الأنواع المعفنه التي تم ذكرها من قبل بسيارات أحدث بدون دفع إلا جزء بسيط جدا من الجمارك و الضرايب حفاظا على البيئة و الحكومة مش خسرانه حاجة بل بالعكس هتكسب أكتر بكتير من الأول
ثالثا يتحط قانون أن أى فانوس حتى لو أشارة مكسور صاحبه ياخد غرامة و لتكن مثلا 10 جنيه و دا طبعا حفاظا على سلامتة و سلامة الأخرين لحسن يفرمل فجأة و الناس كلها تموت و دا طبعا غير العادم و غيره و غيره و على ماأظن نظام الفوانيس دة متطبق فى أمريكا

المشاركة الأصلية كتبت بواسطة benmatar

الإجابة: الدولة بتعمل كده إتــــــــــــــــــــــا وة
وده أقرب تعبير وأبسط شرح للي بيحصل لنا، ومش في جمارك وضرايب العربيات والتراخيص وإنما في كل حاجة ولكل واحد من أول عم عبده اللي فاتح كشك جرايد وبيتاخد منه إتاوة (وتحت أي مسمى مش هيفرق) ونهاية برجل الأعمال أو المستثمر اللي بيشوف المرار لما يستورد منتج معين أو عنده مصنع وبرضه بيشوف مرار المرار عشان يمشي حاله واللي فاكرها وردي يسأل قريب أو معرفة له يكون بيتعامل مع هيئة الاستثمار أو له سجل صناعي أو معاه بطاقة استيرادية وشوف بيحصل له إيه في الميناء وهو بيخلص بضاعة (ده حتى اسمه استخلاص) ودياولو... موضوع ضرايب وجمارك العربيات ده قشرة بسيطة.

أيوووووة عليك نور و الحكومة بتدعم الحرامية بكل ما تحمله الكلمة من معنى







و معلش عشان مقدرتش أرد على كل الردود
بس يا رب يكون وجهة نظرى وضحت و يا رب متزعلش حد لانى كنت مندمجه شوية

المشاركة الأصلية كتبت بواسطة shaddadfalcon1

لو الجمارك اتلغت مش هتبقي جاراج ولا حاجه

اللي معاه 40 الف دلوقتي بيجيب لانوس مستعمله بعد كده هيجيب بيهم اوبترا جديده مثلا
اللي بيجيب سي كلاس 180 ب 400 الف ساعتها ممكن يركب e63 amg

يعني الدنيا هتتشفت مش اكتر بس قصاد كده مش هنلاقي كل شويه الطريق واقف عشان عربيه بقالها 30 سنه عطلانه
مش هتلاقي ازمات بنزين عشان العربيات القديمه السفاحه للبنزين
مش هتلاقي تلوث بسبب القرف اللي بيطلع من العربيات القديمه

دة إلى بتكلم فيه بالظبط و يتحط ضوابط و قوانين لكدة
يعنى حضراتكم لو قريتوا أخر رد ليا كان فيه نقطة عن تكهين السيارات القديمه
و طبعا زى مانتم عارفين أن التكهين بيتم أستبدال السيارة القديمه بعد عمر من أنتاجها و ليكن 15 أو 20 سنه بسيارة حديثة نفس الموديل و بيبقى الضرايب و الجمارك عليها قليلة جدا أو تعتبر معدومة و لتكن 5% أو 10% بالكتير من سعر السيارة
الأستفاده هنا هتكون للشخص و للحكومة و للدولة فى نفس اللحظة
للشخص أنه هياخد عربيه بسعر رخيص جدا و يمكن كمان بتسهيلات فى الدفع و هيحمى نفسه من الأعطال الدايمة و هيزود وسائل الأمان و هتقل عدد الوفيات من حوادث المواصلات و هيقلل من المصروفات عليها من بنزين و أصلاحات
للحكومة أنها هتاخد السيارة القديمه و الجزء البسيط جدا بتاع الجمارك و الضرايب
للدولة أن البنزين مش هيتم أستهلاكة بالشكل المبالغ فيه الموجود حاليا زى ما أستاذ shaddadfalcon1 قال و هتقلل من الأنبعاثات و فى نفس الوقت مش هيبقى فيه زحمه بسبب الحوادث أو التعطيل أو غيره

بس برضة التكهين مش هيكون أجبارى لكل السيارات
لأن طبعا فيه ناس بتمتلك سيارات نادره أو تعتبر تاريخيه موديلات مثل ستينات أو سبعينات أو حتى ألفينات بس عزيزة عليهم
أكيد الحل مع دول سهل جدا و هو زى ماقولت الفحص بضمير
يعنى يتعمله فحص كل سنه للعادم و للميكانيكا بشكل كامل و العفشة و الفرامل يعنى بمعنى أصح تتجرب مش يتبص عليها من بعيد لبعيد و شغل العشرين جنيه يشتغل و الكوسة لأن دى أرواح بنى أدمين مش قص ضوافر
و لو فيه خلل فى حاجة معينه أثناء الكشف سواء كان فى العادم أو الميكانيكا أو الفرامل يتم تغريمة و أعطاءة فرصة 15 يوم لتجديد الفحص
يعنى الحكومة هتكسب يعنى هتكسب و الشعب هيرتاح

و الموضوع بمعنى أصح محتاج أنضباط و ألتزام و حكومة بتحب الشعب و بتفكر عشانه
فاهمين وجهة نظرى ؟

المشاركة الأصلية كتبت بواسطة matrix_it

يا فندم الشيفت دة هيحصل للناس اللى معاها عربيات !! الناس اللى معهاش عربيات هتحوش عشان تشترى !!! لاااااااازم مدن جديدة مش شوارع بس

مانا قبل كدة قولت فى أخر رد حضرتك أن ممكن واحد يشترى عربيه بـ 400 ألف جنيه فى وقتنا الحالى و تكون دى الوحيدة إلى معاة و السعر دة يجيبله 10 عربيات
و واحد تانى معاة 100 ألف جنيه و بدل مايجيب عربيه واحدة يجيب 10 عربيات
الفكرة كلها فى ثقافة حب أمتلاك عدد كبير من السيارات من عدمها
و أحب أقولك أن موضوع الناس تحوش عشان تجيب عربيات دة موجود حاليا أكتر بكتير بسبب بهدلة المواصلات

المشاركة الأصلية كتبت بواسطة ahmed_adham

يا جماعه لو الجمارك اتشالت اللي هيتغير الكيف مش الكم. زياده عدد العربيات هيبقى ضئيل جدا يمكن أقل من 3% بس اللي هيتغير موديلات العربيات اللي في الشارع. تيجو نتكلم عن الدايو لانوس والفيرنا اللى من أقل العربيات فى السعر في السوق؟ تمن الواحده 70-80 الف جنيه ولو اتشالت الجمارك هتبقى بكام ب 50 مثلا؟ لاء فعلا 50 الف جنيه مبلغ قليل جدا في متناول أى مواطن. بذمتكو؟

اللي هيفرق بقى ايه؟ ان اللي معاه 50 الف ومضطر يجيب عربيه مستعمله هيجيب عربيه زيرو أعطالها أقل. واللي معاه 30 الف بدل ما يجيب عربيه مودل التمانينات ولا التسعينات بتعطل اكتر ما بتمشي هيجيب فيرنا ولا لانوس موديل 5 سنين فاتو أعطالها أقل بكتير.

كام مره كانتو تلاقو طريق ماشي بطيء قوي اكتر من نص ساعه وفي الاخر يكون السبب عربيه قديمه عطلانه على كوبري؟

الله ينور عليك بس على فكرة الأسعار هتكون أرخص من كدة بكتيــــــر
بس على المواقع السعودية و أنت هتعرف و أل أية كمان مكانش عاجبهم و عملوا حملة أسمها خليها تصدى و موديلها يعدى وبالفعل قللت الحكومة من قيمة الجمارك و الضرايب
لكن أحنا للأسف حكومتنا مش هتسئل فى المواطن حتى و لو قام بثورة و دا بالفعل حصل

و هوضح تانى يا جماعة
موضوع ان الناس بعد كدة هتشترى عربيات كتيرة دة أستحاله يحصل زى ماشرحت لأن الموضوع مش حب أمتلاك

و نقطة تانيه أن الناس هتحوش عشان تشترى ماهو حاليا برضة الناس بتحوش عشان تشترى ولا إلى بيبقى معاة عربيه بتطلعة فى مسابقة جبنه مثلثات مثلا ؟