الموضوع: شكرا توكيل فولكس فاجن شكرا شركه فولكس فاجن

بجد احساس جميل جدا لما تكون عربيتك من شركه محترمه بتحترم العميل وتعترف باخطائها وتصلحها كمان

الحكايه بتبدى صاحبى معاه فولكس فاجن 2010 هاى لاين خليجى

تمام حصلت معاه مشكله الفتيس العربيه على اى وضع مبتحركش نهائى كلمنى جيت ليه بونش وخدنها على مركز الخدمه كشف على العربيه قالنا العربيه الفتيس باظ ومحتاجه ميكاترونك وتكلفه مبدائيه 12 الف جنيه ومفيش حل تانى

العربيه عامله 27 الف كيلو بس

جتلنا فكره كويسه اننا نطلع على توكيل فولكس فاجن ونقوله على المشكله وده عيب معروف ولازم الشركه تتحمل الخطاء ده والكلام ده ملهوش دعوه بوكيل او خليجى ده عيب موجود فى معظم العربيات

رحنا التوكيل قابلنا شخص محترم اسمه أ. مينا استقبل العربيه وقلنا هكشف على الفتيس وهقولكم ايه المشكله بالظبط وقلنا ليه ان هو بعد ما يكشف ويحدد العيب اللى احنا عارفينه يعبت لفولكس فاجن المانيا ويقولهم على العيب ده وانهم يغيروا فى الضمان لانه ده عيب صناعه مليون الميه والمفروض لو كنا فى بلد تانيه كانت العربيات دى كلها انسحبت واتغير الجزء ده
المهم لقينا تجواب منه الصراحه وقالنا ان فيه مشكله واحده ان العربيه مش متسجله عند التوكيل فى اى صيانه وده ممكن ياثر على الحاله ككل قولتله انا بعمل الصيانه بانتظام فى مركز خدمه باتعامل معاه قالى انا عارف باين من حاله العربيه لكن لازم علشان ابعت الملف فى المانيا يكون العربيه متسجله صيانه فى التوكيل قولت ليه طيب تمام ايه الحل ؟
قالى احنا هنعمل صيانه ال 20 الف وده هيساعدك اوى فى الحاله قولتله ماشى ضربوا الاعور على عينه تكلفه بتكلفه

المهم قالى هكلمك لما يجى الرد كلمته انا بعديها بيومن قالى احنا كشفنا على العربيه وطلع العيب ميكا ترونك وبعتنا الملف بالحاله للشركه فى المانيا ومستنى الرد

عدى يومين تالته تقريبا كلمنى وقالى الف مبروك تعال استلم العربيه العربيه اتصلحت فى الضمان بدون اى تحمل التكلفه فى التوكيل 26 الف جنيه اتحملتهم فولكس فاجن المانيا بالكامل
وعملت ليك خصم على المصنعيه بتاعت الفك والتركيب الفتيس 50%

المهم لقيت الفاتوره 600 جنيه مصنعيه فك وتركيب وصيانه كامله دفعت تقريبا 2300 جنيه
واستلمت العربيه ورجعت احسن من الاول

فرق كبير جدا بين شركه بتحترم العميل وشركه بتبيع عربيه وخلاص

شكرا فولكس فاجن