سوست سبور ولا ultra racing bars ؟

الحمد لله الواحد هيخرج ان شاء الله من الضمان بعد تغيير ال 4 مساعدين في الضمان ( بعد ماروحي طلعت معاهم )
المهم دلوقتي فاضل شهر بالظبط على الخروج من الضمان
كنت هناك في التوكيل يوم الاربع تقريبا وحكيت كل حاجة للمهندس ( مش فاكر اسمه ) بس هو محترم جداً وطلع جرب العربية معايا وقال انها محتاجة مساعدين ورا .. بس قولتله ركز من قدام هتلاقي ترزيع جامد وبعد الكشف اتحجز 4 مساعدين وياعالم هيجو امتة
المهم عشان مطولش عليكم
بفكرر في سوست سبور او بارات
ياترى لو سوست هتنفع عليها ايه العربية دي؟
ولو بارات اجيب كام قطعة عشان احس بفرق في ال handling ؟؟!
وايه الاحسن من ناحية االاداء .. علما ً بان الجنوط 16 مع كاوتش 205-55 قدام .. و 225-55 ورا


اه صحيح
احب اشكر المهندس احمد ياسين مهندس الاستقبال الجديد

جيب البارات عشان متوطيش العربيه ويطلع عينك إلا لو طرقك كلها سريعة زي ساعتها حط سوست بس المساعدين هيضربوا بسرعة وهتضر تجيب مساعدين سبور والعربيه هتنشف جامد قوي بعد المساعدين

اقتباس:

---

المشاركة الأصلية كتبت بواسطة yoko

جيب البارات عشان متوطيش العربيه ويطلع عينك إلا لو طرقك كلها سريعة زي ساعتها حط سوست بس المساعدين هيضربوا بسرعة وهتضر تجيب مساعدين سبور والعربيه هتنشف جامد قوي بعد المساعدين

---

شكرا يا هندسة على الرد
العربية عندي فعلا عالية بغباء مانت اكيد عارف الواجا عاملة ازاي
وبقت اعلى اكتر مع الجنوط ده
وبالنسبة للنشوفية مش مشكلة عندي لان العربية كدة كدة ناشفة مع المساعدين دي ( محجرة)
وكمان معايا جولف 2 فيها كوني فالعملية مش مشكلة بالنسبة ليا :)

ايه رأيك ؟

راي حط الإتنين مع بعض وعيش

انا يهمني اكتر ان العربية متميلش في الملفات او الغرز الصعبة

اقتباس:

---

المشاركة الأصلية كتبت بواسطة yoko

راي حط الإتنين مع بعض وعيش

---

الماديات حالياً لا تسمح غير لحاجة واحدة
ابتدي بالبارات ولا السوست؟؟
ولا استنى شوية واجيب مساعدين وسوست مع بعض؟

إبتدي بالبارات هي السوست هتثبت اكتر بس بدام نو كاش يبقى بلاش سوست غير لما يكون معاك فلوس تكفي تكيب مساعدين بالمرة ومتغلطش غلطتي

انت مركب سوست سبور على المساعدين ستوك؟

أيوه وشهر بالظبط المساعدين سلموا نمر مع إني موطتش غير 3سم

بس انا اعرف ناس بتوطي العربية من غير مالمساعدين يبوظو بالسرعة دي
اكيد الاستهلاك اللي قبل التركيب ليه عامل بردو

أكيد بس عموما السوست الأقصر بتجيب مساعدين بدري

اقتباس:

---

المشاركة الأصلية كتبت بواسطة yoko

أيوه وشهر بالظبط المساعدين سلموا نمر مع إني موطتش غير 3سم

---

3 سم بس؟؟!!! :bee5:
يامفترى؟!! ههههههههههههههههه

اقتباس:

---

المشاركة الأصلية كتبت بواسطة eng f3lix

بس انا اعرف ناس بتوطي العربية من غير مالمساعدين يبوظو بالسرعة دي
اكيد الاستهلاك اللي قبل التركيب ليه عامل بردو

---

وكمان مساعدين اللينيا-الجراند التربو بـdamping-rate ومشوار قصير.. متوجهة Stability أكثر منها Comfort

بس عموما السوست اللى بتوطى 2.5/3.0 سم كتير،
والـ5.0 سم lowering بتبقى إفترا.. بس دى ماتتعملش إلا بدامبرات سبور!!

بالنسبة للموضوع الأساسى :backtotopic:
أنا لسه عند رأيى: العفشة قبل الـStrut-bars؟؟!!!
خصوصا لو إرتفاع العربية يسمح..؟!! :shyy:
Rgds،

أنا كنت مركب سوست eibach lowering 3 CM لمدة سنة فى عربيتى اللى بيعتها GP Tjet بتربو Abarth و exhaust Fredreich وكانت 185 حصان وما حصلش اى مشاكل خالص

اقتباس:

---

المشاركة الأصلية كتبت بواسطة formulator

3 سم بس؟؟!!! :bee5:
يامفترى؟!! ههههههههههههههههه




وكمان مساعدين اللينيا-الجراند التربو بـdamping-rate ومشوار قصير.. متوجهة stability أكثر منها comfort

بس عموما السوست اللى بتوطى 2.5/3.0 سم كتير،
والـ5.0 سم lowering بتبقى إفترا.. بس دى ماتتعملش إلا بدامبرات سبور!!

بالنسبة للموضوع الأساسى :backtotopic:
أنا لسه عند رأيى: العفشة قبل الـstrut-bars؟؟!!!
خصوصا لو إرتفاع العربية يسمح..؟!! :shyy:
rgds،

---

:)
مفيش فلوس :)
حتى فكرت اجيب استيراد بس المشكلة الكلام ده مبيبقاش مضمون

اقتباس:

---

المشاركة الأصلية كتبت بواسطة tfsi

أنا كنت مركب سوست eibach lowering 3 cm لمدة سنة فى عربيتى اللى بيعتها gp tjet بتربو abarth و exhaust fredreich وكانت 185 حصان وما حصلش اى مشاكل خالص

---

غالبا بيبقى على حسب الاستعمال وطريقة السواقة وان كان الواحد حذر في الطرق المكسرة اكتر ولالا

ان شاء الله قررت اجيب الباراات بس طبعا لازم احجز الاول عند عادل وجدي

يا فيلكس يا خويا
متجيبش البارات لانى عندى شبة يقين انها مش حتديلك اللى انت عايزة
اللى انت عايزة بجد هوة الاتى
مساعدين وسوست سبور
وفر فلوس البارات اللى انا حاسسها اشتغالة على العفشة الاستوك اصلا
وحوش لعفشة سبور على طول
وعموما مدام حجزت المساعدين وحيجوا زيرو
هات السوست وركبهم عليهم ولحد ما يبوظوا تكون ظبط فلوس المساعدين الاسبور
دة رائى ولك حرية الاختيار

يا بيه اسمع كلام فورميولاتور
هات عفشه سبور الاول و بعد كده تركب البارات
انا غلطت و ركبت البارات الاول و مدتنيش اللى انا عاوزه
البارات بتزود الثبات 30 %
السوست اللى عاوز اركبها هتدينى زياده عن 50% و يمكن اكتر بس هتوطى العربيه 3سم ل 4 سم
جبت طقم كامل بارات ب 3000 جنيه بعد التخفيض فى حين ان السوست الاسبور من رنج 1200 ل 1500
و العفشه الاسبور و هى افضل اختيار و بتعلى و توطى و تنشف و تطرى من 4500 ل 7000 و بتعيش و ثبات وهمى
رايى الشخصى تحوش و تركب عفشه اسبور .

اقتباس:

---

المشاركة الأصلية كتبت بواسطة mido_soliman

يا فيلكس يا خويا
متجيبش البارات لانى عندى شبة يقين انها مش حتديلك اللى انت عايزة
اللى انت عايزة بجد هوة الاتى
مساعدين وسوست سبور
وفر فلوس البارات اللى انا حاسسها اشتغالة على العفشة الاستوك اصلا
وحوش لعفشة سبور على طول
وعموما مدام حجزت المساعدين وحيجوا زيرو
هات السوست وركبهم عليهم ولحد ما يبوظوا تكون ظبط فلوس المساعدين الاسبور
دة رائى ولك حرية الاختيار

---

ربنا يسهل ياباشا ان شاء الله هيحصل موضوع السوست ده وممكن ابقى اجيب قطعتين من الطقم زي ال sturt bar وال anti roll bar

اقتباس:

---

المشاركة الأصلية كتبت بواسطة moha4tec

يا بيه اسمع كلام فورميولاتور
هات عفشه سبور الاول و بعد كده تركب البارات
انا غلطت و ركبت البارات الاول و مدتنيش اللى انا عاوزه
البارات بتزود الثبات 30 %
السوست اللى عاوز اركبها هتدينى زياده عن 50% و يمكن اكتر بس هتوطى العربيه 3سم ل 4 سم
جبت طقم كامل بارات ب 3000 جنيه بعد التخفيض فى حين ان السوست الاسبور من رنج 1200 ل 1500
و العفشه الاسبور و هى افضل اختيار و بتعلى و توطى و تنشف و تطرى من 4500 ل 7000 و بتعيش و ثبات وهمى
رايى الشخصى تحوش و تركب عفشه اسبور .

---

موضوع العفشة ده هيبقى صعب جداً الفترة دي خصوصا اني هرش العربية وداخل في قصة
يعني ممكن في المستقبل ان شاء الله موضوع العفشة دي ( رينج سنة او سنة ونص ) خصوصاً انها بشيء وشويات :)

ان شاء الله هجيب السوست وربنا يستر هركبهم بعد تغيير المساعدين في الضمان عشان اضمن انهم يبقو زيرو ومحدش يتلككلي هناك