الموضوع: رأي في العدسة canon 50mm f/1.8 ومقارنتاه بالعدسة الكيت

انا هتكلم في الموضوع هنا عن رأي في العدسة الكانون ال50مم ال f/1.8
وهقارنها بالكيت الي جايه مع الكاميرا الي هي 18-55
وطبعا رأي ده كمبتدأ في التصوير وأعتقد أنه هيكون عملي أكتر لكل مبتدأ بدل الكلام المجعلص بتاع الريفيوهات والي بتتكلم معظم الوقت عن حاجات مبتفرقش معانا قوي (أو خالص)
ومش هتكلم عن الفرق بين العدسة البرايم والزوم على إعتبار إن أي حد بيفكر يشتري عدسة عارف الفروقات دي


اول حاجة صورة علبة العدسة


ودي العدسة نفسها (انا رافع كل الصور بالريزليوشن الكامل عشان لو حد عاوز يدقق في التفاصيل)


تحبوا نبتدي بالعيوب ولا المميزات
هبتدي بالعيوب الأول
*العدسة تصميمها قديم ورخيصة وده هينعكس بالسلب على كذا حاجة هتشفوهم تحت
1) الأوتو فوكش فيها دايما بيجيب فوكس غلط لو جوه البيت وإضاءة ضعيفة بره البيت لو الإضائة ضعيفة بيظبط الفوكس صح
زي دي كده

2) فتحة العدسة الf/1.8 لحد ال f/4لو الفوكس مش مظبوط 100% هتلاقي العنصر طلع بره الفوكس بسهوله جدا وده مثال بسيط للغلطة دي
الفوكس ظبط على حافة الكبايه والمشرميلو راح


3) حده الصورة تحت ال f/2.8 مش حلو أو بالأصح الصورة مش بتطلع شارب

4) لو عاوز تصور بوكيه والعدسه فتحتها أصغر من f/2.5 الدوائر هتطلع خماسيه لكن لو فتحة عدسه أكبر من الرقم ده هتطلع تمام ودي صورتين يبينوا الفرق



5) أخر حاجة الماكرو فيها 0.45 متر العدسة الكيت 0.25 متر
فلو بتحاول تعمل فوكس على حاجة قريبه ممكن متعرفش

كفاية قوي كده


نيجي للميزات بقى
1) العزل فيها تحفة ممتاز


2) حده الصورة نفس فتحة العدسة ال50 مم أحسن من ال18-55 مع إن ال50 مفيهاش image stabilizer
دي ال50


دي ال18-55


3) التصوير الخارجي بليل ال50 مم أحسن بمراحل ممكن تطلع بصور كويسه بس مش في الأوتو مود لأ هتلعب في الexposure بإنك تقلله شويه لكن مع ال18-55 ولا لو عملت إيه خصوصا لو بتصور وإنت راكب العربيه دي كام صورة لل50مم ومفيش صور لل18-55 لإني فشلت بكل الطرق إني أطلع صورة محترمة لازم تريبود






رأي النهائي
لو إنت جديد وعاوز عدسة رخيصة وفيها شويه عيوب وهتعلمك أكتر ما هتطلعلك صور كويسه من أول صورة يبقى جيبها لإن في أوقات هتتزنق في الفوكس مثلا هتقوم قالبها مانيوال وتظبط
الصورة هتطلع مهزوزه عشان مفيش is هتثبت إيدك وتلعب في الشتر سبيد عشان تقللها
هتلاقي اوقات الكاميرا تختار فاتحه واسعة قوي وتلاقي إن بتصور كام object هتلاقي حاجات منهم طلعت بره الفوكس
طبعا الfocal length الثابت هيزنقك في بعض الأوقات زي مثلا في الصورة دي والي إضتريط أطلع الفندق أجيب العدسة التانيه ودي طبعا غلطتي لإني لسه جديد ومش عارف الموقف هيحتاج أنهي عدسة
يعني في المسجد النبوي بالعدسة ال50 مم مكنتش عارف أجيب المأذن كاملة
ودي أحسن صورة



لو معاك فلوس كفايه وعاوز تتفادى العيوب دي تجيب العدسه الCanon EF 50mm f/1.4 USM
هتتفادى موضوع الblades الي بتخلي البوكيه خماسي ومشكلة الاوتو فوكس الي مش دايما بيظبط