-
صورة العفشة الخلفيه لكيا سيراتو الجديده2013+مواعيد نزول السياره+صور رسميه
-
-
اقتباس:
المشاركة الأصلية كتبت بواسطة ahmad--ezzat
شكلها حلو على فكره
طبعا ياباشا شكلها حلو
لكن الناس هاتقول ان عفشتها مش تعليق منفصل وده مش هايديها ثبات قوي ولا نعومه قويه.
ويارب يكون تعليقها أفضل من التعليق الحالي للسيراتو الشكل الحالي أو حتي علي الأقل يكون مماثل لتعليق الالنترا الجديده
-
ماينزلوها مالتي لينك..ايه اللي هايحصل يعني!!
-
ياباشا الكوريين دول باين فاكرين ان طرق مصر زي العسل وممهده تمام التمام, فامش هاتفرق معانا قصة عفشه منفصله أو متصله.
-
محدش عنده فكره عن الأسعار هتكون فى حدود كام ؟
-
شكرا على المعلومات والصور
بس انا حاسس ان الالنترا الكامله احلى بكتير من بره
اما بخصوص التعليق فهيا كده زى السيراتو والانترا من حيث التصميم الخلفى
بس فين ميعاد نزولها الشرق الاوسط هما نسو ولا ايه ؟؟
وعجبنى التصميم الداخلى وكمان شكل العدادات مميزه ... وكمان واخده كتير من روح الالمانى
بس ايه الكربون الى عند فتحات التكييف دى هيا بتواكب الموضه ولا ايه !!!!!!!
تحياتى وشكرا مره تانيه
-
اقتباس:
المشاركة الأصلية كتبت بواسطة temo85
محدش عنده فكره عن الأسعار هتكون فى حدود كام ؟
متضامن معاك فى السؤال
-
اقتباس:
المشاركة الأصلية كتبت بواسطة hossam_elwani
شكرا على المعلومات والصور
بس فين ميعاد نزولها الشرق الاوسط هما نسو ولا ايه ؟؟
بس ايه الكربون الى عند فتحات التكييف دى هيا بتواكب الموضه ولا ايه !!!!!!!
تحياتى وشكرا مره تانيه
أعتقد انه هايبقي علي شهر تلاته أو أربعه الجايين ان شاء الله.
والكربون مدي شكل حلو برضو
-
اقتباس:
المشاركة الأصلية كتبت بواسطة temo85
محدش عنده فكره عن الأسعار هتكون فى حدود كام ؟
معرض القرش كاتب في الجورنال انهارده قريبا و هتبدأ من 105000 !!!!!!!!
-
بيتهيألي لو نزلت بالسعر اللي قايله القرش هتأكل ال elantra
-
اقتباس:
المشاركة الأصلية كتبت بواسطة ahmed-adel
معرض القرش كاتب في الجورنال انهارده قريبا و هتبدأ من 105000 !!!!!!!!
105 ده سعر تنافسى رهيب وخصوصا انها حتنزل بموتور الالنترا.......... الا صحيح معلومة الموتور دى صحيحه ولا لا ؟؟
بس برضه بعد تفكير صعب انها تنزل بلسعر ده لانها حتدمر مبيعات وحصة الريو تماماً
-
جميله اوى
و باذن الله هتاكل الالنترا
و العفشه مختلفه عن الشكل القديم على فكرخ
المساعد اقصر و السوسته مختلفه
شكلها كده هتبقى انشف من الحاليه و اثبت بفرق ملحوظ
و الله اعلم
-
اقتباس:
المشاركة الأصلية كتبت بواسطة moha4tec
جميله اوى
و باذن الله هتاكل الالنترا
و العفشه مختلفه عن الشكل القديم على فكرخ
المساعد اقصر و السوسته مختلفه
شكلها كده هتبقى انشف من الحاليه و اثبت بفرق ملحوظ
و الله اعلم
يارب يكون ظبطو العفشه وبقت افضل وأحسن من الشكل الحالي.
وان شاء الله لو نزلت بالسعر المنافس ده هاكون أول واحد مشتريها هنا في الكويت
ولو ماإشترتهاش هاشتري أختها الكارينز الجديده ان شاء الله.
-
105
اعتقد انه قليل علي الفئة الي هي فيها
-
اقتباس:
المشاركة الأصلية كتبت بواسطة s o p h o s
105
اعتقد انه قليل علي الفئة الي هي فيها
ممكن السعر ده يكون للمانوال؟
-
اكيد هيبقى المانوال والى يروح يحجز كمان قبل متيجى
-
-
اقتباس:
المشاركة الأصلية كتبت بواسطة ahmed-adel
معرض القرش كاتب في الجورنال انهارده قريبا و هتبدأ من 105000 !!!!!!!!
مستحيل
-
كنت معدى على القرش النهاردا قالى انها نازله ب 105 الف لى اول فئه بس اعتقد خليجى
العربيه دى هتزعل عربيات كتير جدااااااااا
-
اقتباس:
المشاركة الأصلية كتبت بواسطة minicooper20
كنت معدى على القرش النهاردا قالى انها نازله ب 105 الف لى اول فئه بس اعتقد خليجى
العربيه دى هتزعل عربيات كتير جدااااااااا
مستحيل يعنى تفتكر يا محمد هاتبئى ارخص من ال rb اول فئه اتوماتيك .... وكمان قالك هاتنزل امتى
-
اقتباس:
المشاركة الأصلية كتبت بواسطة minicooper20
كنت معدى على القرش النهاردا قالى انها نازله ب 105 الف لى اول فئه بس اعتقد خليجى
العربيه دى هتزعل عربيات كتير جدااااااااا
مستحيل طبعا!!!! هو اكيد قصده على الشكل الحالى موديل 2013 ... بعدين هى نزلت اصلا فى الخليج!!! بياعين فتاين و عيزين الحرق.
العربية دى عمرها ما حتنزل بسعر اقل من سعر الالنترا!! يعنى اول فئة اتوماتيك حتكون فى حدود 130 الف.
-
اقتباس:
المشاركة الأصلية كتبت بواسطة devil_storm
مستحيل طبعا!!!! هو اكيد قصده على الشكل الحالى موديل 2013 ... بعدين هى نزلت اصلا فى الخليج!!! بياعين فتاين و عيزين الحرق.
العربية دى عمرها ما حتنزل بسعر اقل من سعر الالنترا!! يعنى اول فئة اتوماتيك حتكون فى حدود 130 الف.
معاك حق بس السعر اعتقد حيبقى اقل من الالنترا لانها دايما كده الكيا اقل من الهيونداى .. يعنى تبتدى زى ما الالنترا ابتدت بــ 123 الف على اقل تقدير ودى طبعا اول فئه اوتو
-
انا شايف الشكل الحالي افضل خصوصا بعد التعديل الجديد لكشافات الشبوره
-
القرش حاطط صورة الموديل الجديد و ب 105 .... أكيد طبعا اقل فئة
بس حتى لو كانت اقل فئة فالسعر ده خطير جدا جدا و هيخليها تاكل السوق