واخيرا غيرت كاوتش للجنوط 17

**excel_team2000** · 16-09-2012 05:38 PM

المشاركة الأصلية كتبت بواسطة moha4tec

عوزينك كده يا باشا بعد مرور 1000 كم تقول رقيك فى الكوتش من حيث الصوت و النعومه و عامل اه مع العفشه و البلالين و الفرامل و الثبات
بالنسبه للثبات انا متاكد انه اثبت من اللى كان نازل فى العربيه بغض النظر عن نوع ماده الكوتش
لسببين :
1- نقشه افضل
2- شاسيه الكوتش اعرض من اى نوع تانى يعنى المداس الملامس للارض فعلا هتلاقيه 215 فعلا مش زى بعض كوتشات بريدجستون هتلاقى المقاس مكتوب 215 و الفعلى هتلاقيه 205 لان المداس اصغر .
و طبعا نوع الماده المصنعه افضل و تكنولوجيا احسن
و اظن كمان هيبقى اطرى و صوته هادى عن النوع القديم و الفرامل كمان افضل
و الله اعلم
النقطه المنتظرينها منك هى موضوع البلالين
لان فى زميل معانا مركب كوتش فولدا لجنط 16 و بيلبس بلاعات و مطبات على سرعات و الحمد لله ولا بلونه خالص الحمد لله ربنا يحفظهاله من كل شر

فعلا انا حاسس ان الكاوتش اعرض من القديم و الشفة بتاعته عريضة لدرجة انها بارزة عن الجنط كمان قدام عينى تلاتة بيركبوا الكاوتش فى الجنط لأن جنب الكاوتش ناشف و مدعم بشفة عريضة بالنسبة لموضوع البلالين كاوتش محترم و نيتروجين 35 و ان شاءالله مش حتعمل بلالين على فكرة انا بسافر كل يومين على الزراعى مطبات بالهبل وعلى سرعات لحد دلوقتى عملت بيهم 500 كيلو ولو ظهر اى حاجة هقولها هنا عشان الكل يستفيد و ربنا يسترها

**excel_team2000** · 16-09-2012 05:44 PM

المشاركة الأصلية كتبت بواسطة mohammedaladel

الموقع المذكور أعلاه غير دقيق والنتايج بتاعته لا يعتمد عليها أبدا

يعنى انا حاولت قدر الامكان فى مواقع تقييم الاطارات لقيت الموقع ده نتائجه قريبة من الحقيقة بشكل كبير يعنى اليوكوهاما واخد فى الراحه و انعدام الصوت 90% ودى بالذات انا حسيت بيها و بعدين ياباشا اهم حاجة التقييم الأخير اللى بيحدد رأى العملاء فى اعادة شراء نفس الكاوتش

**ahmad--ezzat** · 16-09-2012 06:23 PM

لا معلش حد يفهمنى نقطه ال 215 دى

يعنى عرض ال 215 فى الريدجسنون اقل من عرض النكسن اقل من عرض كومهو !!!!!!

هو مش ال 215 دة ثابت لو افترضنا ان المقاس ثابت 215-45

**alaadeen55** · 16-09-2012 09:36 PM

انا معايا سيراتو ولسة مجبتش ال20 الف كم
والغريب ان لاقيت فى الاربع فرد بلالين والجنط طبعا 17
فهل دا طبيعى
وهو لازم اغير الفرد على طول ولا ممكن كمان كام شهر واية هى مشكلة البلالين دى لانى مش مستوعبهاا
وشكررراااااااااا

**rafeee2** · 16-09-2012 09:57 PM

غيرو أحسن عشان المرحلة اللي بعد البلالين هي إن الكاوتش يفرقع
و اوعى تجيب كومهو Solus زي إلي بينزل فيها
فردة تعبانة أوي من تجربتي الشخصية
أنا جبت لأختي Hankook Ventus ME01 و ديه فردة محترمة جداً ب-675 جنيه

و مشكلة البلالين إن السلك اللي جوا الكاوتش بيبقى ضرب في أجزاء و بكدة بيبقى ضغط الهواء محمل على الكاوتش نفسه و دة قد يؤدي إن الكاوتش يفرقع بسهولة
و دة حصل فعلاً مع أختي و العربية مكملتش 30000 كيلومتر فيه فردة ضربت و هي ماشية بالعربية

**moha4tec** · 16-09-2012 11:02 PM

المشاركة الأصلية كتبت بواسطة ahmad--ezzat

لا معلش حد يفهمنى نقطه ال 215 دى

يعنى عرض ال 215 فى الريدجسنون اقل من عرض النكسن اقل من عرض كومهو !!!!!!

هو مش ال 215 دة ثابت لو افترضنا ان المقاس ثابت 215-45

و الله زى ما بقولك
انا شفت بعينى الكلام ده عند بريدج ستون
ورانى نقشات عندهم الشاسيه قليل و التانى الشاسيه عريض
الشاسيه اللى هو المداس او الجزء الملامس للارض