الــEcotech 2000 باظ و شكلها عاوزة موتور !! أرجو المساعدة :(

**zalantaheee** · 15-09-2012 04:33 PM

السلام عليكم
يا رجالة انا عربيتي من فترة 3 شهور باين جابت اويل سيل جنب الموتور كدا الأمامي تقريبا و الزيت نقص فيها جامد مفضلش غير كيلو زيت واحد نزل منها في التغيير
المهم من ساعتها العربية صوتها عالي و فيه تكتكة عالية
انا قرأت المواضيع المتعلقة و لقيت أستاذ طناني بيقول البلابل بتتغير و كدا
بس قلة الزيت فوق شكلها بوظ الدنيا لأن انا غيرت الزيت مرتين بعدها و مازال الصوت عالي

انا حاولت احط اللي النقط اللي انا مش عارف افكر فيها و معلش الكلام مش مترتب عشان انا تايـــــــه و مش عارف اعمل ايه بجد

انا عرضت العربية علي ميكانيكي واحد بس عند نزلة القومية من الدائري اسمه سعيد
فكها و اتصل بيا و قاللي كلام كتير بس مش فاهم بجد
انا سيبتها علي اساس هانغير الكوستبنات و نلم الليلة عشان أبيعها
قاللي ان في دنيا تانية تحت في الموتور و لازم يتفور لأن تغيير الكوستبنات مش هايغير حاجة
و من ضمن الكلام بتاعه ...
1 - ضغط الزيت و دا محور الكلام اصلا ...
2 - السبيكة و ان هايريحها عند خراط في مكانها و دا عمره ما هايعرف حد يرجعها زي الأول ...
3 - و ان كدا الشورت بلوك أفضل حل ... و رجع قال ان الشورت بلوك اللي هاجيبه مش هايبقي احسن من اللي عندي و مش مضمونين
4 - ملاحظة : سحب العربية جميل و طبيعي لكن صوت وحش جدا في السلانسيه + ان ممكن ساعات لما أدور العربية تفضل تترجرج جامد ع السلانسيه كدا !! و حاسس اني مركب مكنة جاز في العربية !!!!!!!!!
5- انا اللي سمعته من ناس مروا بالموضوع بتاع الكوستبنات دا ... انها بترجع تضرب ... دا صحيح ؟
6 - و لو مضربتش الشورت بلوك دا مش بيظبط مع باقي الموتور
و بالتالي بترجع تجيب موتور من الأول بعد كل التكاليف دي
7- طيب لو جبت الموتور ... دا انا لسه بقالي اسبوع عشان اطلع تجديد الرخصة .. هارجع للذل دا تاني عشان اثبت الموتور علي العربية ؟؟ دا اصلا لو كان ملفها وصل للمرور الجديد عشان اعمل القصة دي ولا ملوش دعوة !!
انا عارف ان لو كل واحد موتوره حصل فيه كدا راح اشتري موتور كان زمان بتوع الاستيراد بقوا أغني طبقة في مصر :d:d:
بس اللي عارف الموتور دا .. هايعرف أد ايه انه زبالة بغض النظر عن قوته و عزمه لكن مشاكله مقرفة و تزهق في الطبيعي مابالكم بالأعطال كمان !!
8 - انا عاوز اعرف ابدأ منين ؟؟
9 - و أروح لمين ؟؟
10 - و أعمل ايه و بكام ؟؟
النصابين كتروا و لو مش عاجبك السعر بوسها و حطها مكانها يا باشا دا بيقوللي بادئة من 6000 جنيه و في لحد 7000 كمان
بجد محتاج مساعدة و توصيات عليا لو تعرف صنايعي او بتاع استيراد يا فاعل الخير :d:d:
11- أخر سؤال اجيبها من هنا اصلا ولا اجيبها من بورسعيد ولا من حد في محافظات تانية ارخص لو رسيت علي موتور
في انتظار ردودكم :( :(

**فادى محمد** · 15-09-2012 05:11 PM

ماتقلقش باذن الله بسيطه ,المهم دلوقتي نحدد المشكله فين ؟؟
-لو كستبانات تتغير ويرجع صوت الموتور زي الفل وفعلا قله الزيت تبوظها ومالهاش اي تاثير علي السحب
-لو في تاكل في السبايك ممكن تغيرها برده جديده (المصانع الحربيه بيعملوا سبايك ممتازه بالمقاس)
-اي مشكله تانيه كبيره جوه الموتور هتضعف السحب وتلاحظ دخان ابيض من الشكمان وصوت ترزيع مش تكتكه ومش هينتهي ,لو ده عندك اشتري موتور جديد احسن ولا شورت بلوك ولا شورت وفانله انما لو مش عندك الاعراض دي اطمن واكشف عند اكتر من واحد وماتقلقش
-اللي هيعرف يساعدك ي الاسعار والصنايعيه زميلنا ا احمد فهمي لانه كان راكب الايكوتك مرتين اعتقد

**فادى محمد** · 15-09-2012 05:38 PM

-هو عرف منين ان مفيش ضغط زيت ؟؟؟
الموضوع ده كبير والخبرا مختلفين عليه في اللي بيكتفي بملاحظه رزاز الزيت والموتور شغال لما يفتح غطا تزويد الزيت الاصفر وفي اللي مش بيقتنع الا لما يففك طرمبه الزيت اللي تحت البلوك
-وبعدين طرمبه الزيت عندك بالذات في قعر الكارتيره ومستواها واطي جدا يعني اقل شويه زيت يشغلوها . رايي تتاكد اول من ضغط الطرمبه وبعدها نحدد هنمشي ي اي اتجاه؟ لو الطرمبه سليمه غير الكوستبانات والدلايل بتاعتها والصوت هيختفي
-هقنعك بالمنطق وسيبك من الميكانيكي بما اننا متعلمين تعليم عالي والحمد لله..
-علي كلام الميكانيكي انك تحط زيت تقيل طب ازاي وضغط الزيت من الطرمبه ضعيف.؟يعني الطرمبه مش قادره نزودلها اللزوجه تففتكر هيبقي الوضع احسن ؟؟طبعا لا
-لو ضغط الزيت كويس والمشكله ي الكوستبانات بس وحطيت زيت تقيل فعلا الصوت هيقل بس ده حل مؤقت
-خلي بالك ان لو الطرمبه ضغطها ضعف اول حاجه بتتضرر عماويد الكامات (كل عامود جواه مجاري رفيعه لتسيير الزيت فيها للتليين ) فلو كان ضعيف لاقدر الله كان تضرر و اثر علي الصبابات والسحب
-اعتقد ان الرؤيه اتضحت قدامك دلوقتي..وماتسيبش نفسك للصنايعي

**zalantaheee** · 15-09-2012 06:04 PM

تمام جدااااا .. ممكن رقم تليفون حضرتك ؟؟
اسف اني صدعتك بجد بس انا تايه زي ما شوفت
بس هو ليه مغيرش الكوستبنات و كسب شغل و مصنعية ؟؟
سؤال اخير ... فيها حاجة لو سافرت بيها ع الوضع دا من القاهرة للاسكندرية ؟؟ لأن معايا شنط و محتاج عربية + تنقلاتي كتير و بتحرك بيها ع الوضع دا .. هايحصل حاجة ؟؟

**فادى محمد** · 15-09-2012 06:23 PM

-خلي بالك احنا اتفقنا في اول الكلام انك لازم تكشف علي الموتور عند كذا واحد وماتقولش ولا كلمه اشتري منهم بس علشان نتاكد .
-الطمع يعمل كل حاجه
- لو كستبانات بس سافر بس ماتزودش عن 80 كم علشان تحافظ علي الموتور
-تليفوني 01002720009 تحت امرك ..شغلي من 6 مساء الي 1 ليلا قبل كده فاضي ..تحياتي

**احمد فهمى** · 15-09-2012 09:51 PM

السلام عليكم يا رجاله واضح ان متورك جاب سبايك ولو الحراره عندك عاليه وفى نقص مياه يبقى وش السلندر اكيد اتبهدل وطبعاً افكار الشورت بلوك دى انساها هتصرف على الفاضى وبعد كده هتجيب برضو متور من الاخر انت محتاج ميكانيكى اوبل وشكل طرمبة الزيت عندك ضعيفه وهى اللى سببت الكلام ده غير لو اويل سيل بيسرب حاول تطلع على صابراكشف عندو ومتعملش عمره متور على طول اشتري متور وهو هيجيبهولك وده موضوع سهل جداً هتروح بيها في نفس يوم تركيب المتور

-

-

-

-

الموضوع: الــEcotech 2000 باظ و شكلها عاوزة موتور !! أرجو المساعدة :(

LinkBack

أدوات الموضوع

عرض

الــEcotech 2000 باظ و شكلها عاوزة موتور !! أرجو المساعدة :( - انشر الموضوع فى :

-

-

-

-

-

المواضيع المتشابهه

اوبل استرا 2000 عاوزة موتور

مشكله فى موتور السيارة ...... أرجو المساعدة

أرجو المساعدة في موضوع غسل ال موتور بزيت فلاش؟

اوبل موديل 2000 استرا عاوزة موتور

أرجو المساعدة بيجو 206 موديل 2000

الكلمات الدلالية لهذا الموضوع

المفضلات

المفضلات

ضوابط المشاركة