الموضوع: تقرير عن تغير قاعدة فتيس وتيل فرامل خلفى وامامى

السلام عليكم
امبارح كنت زهقان قولت اروح اقعد عند الميكانيكى شوية وبالمرة يشوف زيت الفرامل ناقص ليه وحظى الهباب انه مكنش عنده شغل وقاعد رايق ، المهم فك الاربع عجلات قالى التيل خلاص خلص وعايز يتغير ، ماشى يا عم ايه تانى راح ما صدق نزل تحت العربية وخد عندك يا معلم ، قاعد فتيس ( الجمل ) طقم تيل خلفى وامامى ، فلتر بنزين ، فلتر هوا ، طقم بوجهات ، وعايز يغير زيت موتور وفتيس ولقيته عايز يقلب العربية من فوق وتحت وكان ناقص يقولى هنعمل سمكرة ودوكو بالمرة ، لقيت نفسي نزل على صمت رهيب ، وفقد الذاكرة ومعرفتش انا كنت جيله ليه ، المهم فوقت وقولته بس يا اسطى كتر خيرك العربية انا شحتها من واحد صحبى وهرجعها تانى وانا خلاص مش هركب عربيات تانى ، نص الحاجات دى انا مغيرها فى رمضان ، وزيت الموتور والفتيس لسه ممشتش بيهم 2000 كيلو ولسه بدرى جدا على زيت الموتور ، المهم قولت اغير القاعدة فعلاً علشان كانت مقطوعة ولازم تتغير علشان باقى القواعد ميحصلهمش حاجة والتيل كمان ، المهم انا ساكن فى الوراق اجبهم منين يا اسطى قالى يا من الاخوة يا من عند السنى ، واللى اعرفه ان الاخوة بتاع الحاجات الاصلى بس معندهمش حاجات مضروبة وانا كل اللى فى جيبى حوالى 300 جنيه قولت يا واد لم نفسك وخليك مع السنى اهو حد محترم ، ( السنى ده مشهور جداا ومكانه عند محكمة امبابة ) ركبت عربيتى تانى وروحت عنده من فضلك عايز قاعدة فتيس وطقم تيل ، راح باعت معى واحد من عنده علشان يشوف القاعده شكلها ايه ( ناس محترمة جدا ) جبتهم كام الحساب ؟ قالى القاعدة 100 جنيه قولت الحمد لله زى الفل وطقم التيل امامى 75 قولت الحمد لله لسه معى المصناعية ، ورجعت على الميكانيكى يلا يا عم اشتغل بس الغريبة انى لما رجعت كان عنده كام عربية كده راح مسجدنى وقالى انت صاحب الورشه وخليك معى للاخر علشان اشتغل بمزاج وبينى وبينكم انا كنت زهقان وقرفان قولت احسن ، فضلت قاعد لحد الساعه 11 المهم خلص وجالى بقى فك العجل اللى ورى وغير التيل وشد فرامل اليد ، العجل الامامى غير التيل وربط العفشة ، الحمد لله زى الفل ، غير بقى القاعدة طلع عينه واخد فيه اكتر من ساعة اللى ربع علشان تتفك وعمل قرد بصديرى وصعب على والله لأن مكانها رخم شوية ، خلصنا الحمد لله الساعه بقت واحدة بعد منتصف الليل ، جيت بقى للحساب ، طبعا عمل الشوية بتاع الصنايعية وخلى ومش عايز فلوس ومش عارف ايه والله كنت عايز اسيبه وامشى وقولت اوفر ، الشهر ده اساسا معرفش ماله كده كائيب ومش عايز يمشى والفلوس مبصوص فيها ، المهم كام يا بنى خللص جعان وعايز اروح قالى 150 جنيه ، فكرين الموقف اللى حكيته فوق بتاع انى فقد الذاكرة ، ده حصل تانى لما قالى المبلغ ده ، روحت مدور العربية وسبته ومشيت ، ضمير وجعنى رجعت تانى ، قولتله انا عايز اعرف ليه وروحت مديله كل الفوس اللى معى وشوية فضية كان فى درج العربية للعيال اللى معه ، يعنى اخد حوالى 100 جنيه انا حاسس انهم كتير شوية علشان كمان مش حاسس بأى اختلاف فى العربية كاصوت ونقلات والفرامل متغيرتش غير بس ان فرامل اليد مجالها قل شوية ، ده كل اللى حصل امبارح العربية تويوتا كورولا 2004 ،