مساعده فى الامان تامين السياره ضد السرقه

**drttemon** · 15-09-2012 05:16 PM

مساعده فى الامان تامين السياره ضد السرقه

انا عربيتى كانت اتسرقت فى رمضان اللى فات والحمد الله لقيتها بس كانت مخبوطه فى النص اللى ورا غيرته وكله تمام الى الان

العربيه نوعها النترا 2008 خليجى

قبل السرقه كان فيها سنتر لوك بس من غير سرينا

ناس كتير قالولى غير مفتاح الكونتك - وركب سنتر جديد

انا بصراحه مش عارف اعمل ايه

ايه الحاجات اللى ممكن اركبها علشان تقلل من فرص انها تتسرق

شكرا مقدما

**mahmoud_afifi** · 15-09-2012 05:45 PM

قدر الله وماشاء فعل والحمدلله انك عرفت تصلحها :)

بالنسبه لحماية العربيه في كذا حاجه لازم تعملها واولها انك ماتركنهاش في حته بعيده عنك او في حته ضلمه وكمان ماتكونش بعيده عن الناس. انا في الايام الاخيره بقيت ادي السايس فلوس عشان يخلي باله من العربيه

ومن الحاجات المهمه انك ماتسبش حاجه ملفته للنظر حتى لو كيس جوه العربيه.
وتحط كلابش دركسيون وده اهم حاجه عشان الحرامي لما يشوفه من بره مايفكرش حتى انه يسرقها. والاهم من ده كله تحط نوع انذار من الي بيفصل الكهربا عن العربيه لو اتشغلت بغير مفتاحها. وربنا يسترها علينا جميعا