الموضوع: جنط ١٧ !!!!! ابدا تاني ابدا

ربنا معاك ياباشا.

الحمد لله عندي في التيريوس r16 215/65 بروفيل كبير.

المشاركة الأصلية كتبت بواسطة ahmed_su

حمد لله على السلامة يا سامى ...

سو حبيبي معاك عالفيس بس واحشني هنا su

المشاركة الأصلية كتبت بواسطة Ahmed_Adham

الراجل ده بيقول انه جايب الفرده يوكوهاما 17 للسيراتو ب 900 جنيه للواحده

http://www.nilemotors.net/Nile/308184-17.html

مش عارف ممكن فرق التمن (ضعف السعر) ممكن يفرق فى الجوده فى الحاله دي ولا العربيه أصلا مش ماشي معاها ال 17 وهتعمل بلالين فى أى كاوتش 17 مهما كانت جودته؟

المشاركة الأصلية كتبت بواسطة Hosam_Optrawy

17 ايه وبتاع ايه :) المهم اننا شوفنالك مشاركه ياكبير

الف مليون حمد الله على السلامه يادكتور ليك وحشه كبيره

المشاركة الأصلية كتبت بواسطة ahmed1981

بعيد عن الجنط والسيراتو والكوتش ومأساتو
فطالما هل علينا أحمد المعروف بحصرياتو
نشتريلوا جنط 13 وعليه كوتش نسر ببلوناته


عوداً حميداً يا دكتره

ــ

وحشتني يا صاحب اجمل مواضيع

المشاركة الأصلية كتبت بواسطة M7amD_7amDy

حمدلله على السلامة يادكتور :) على الرغم انى زعلان منك .. بس المهم انك بخير

وانا من خلال تجربتى وداخل على 3 سنين برده

أحب أقول انى لسه مغيرتش ولا فردة :)) وعامل 52 الف تقريبا

والحمدلله مظهرليش بلالين

بس طبعا أكيد محتاج أغير الطقم عشان كفاية عليه 50 الف اوى :)

قولى بقه أجيب ايه؟ :)

ماقدرش على زعلك ، قوللي اصالحك ازاي
هات كومهمو ياعم كبر دماغك

المشاركة الأصلية كتبت بواسطة Amr A.salam

حمد الله على السلامة يا دكتورنا الحبيب ..... وحشتنا مشاركاتك

كدة القسم هيصحصح تاني :))

المشاركة الأصلية كتبت بواسطة ابو ليلى

يانهار ابيض الكبير احمد سامى وحشنى جدا جدا يا دكتور .... لا استنى اعرف عليك الناس الاول

احمد سامى دكتور اسنان من المنصورة من اوائل الناس اللى اشترت سيراتو الشيب الجديد فى مصر ، كان من مؤسسى قسم كيا فى المنتدى ومعاه كبيرنا المهندس احمد اسماعيل ...واحد من الناس اللى عمل تست دريف للسيرتو قبل ما تنزل السوق من خلال التوكيل .
كبير القسم فعلا وعلى ايده اتعلمت كتير من اشهر
موضوعاته الشكوى الجماعية لكيا فى كوريا
وقت منع دخول العربيات الخليجى للصيانة فى التوكيل .
عاوز تعرف يعنى ايه سيراتو اسال الدكتور احمد سامى

حبيبى يا احمد وحشنى جدا وانا عمرى ما هزعل منك ....
بنا تليفون يا دكتور الكلام هنا مش هينفع

ايه الكلام الكبير ده بس انا غلبان يا وائل :)
بينا تليفون

المشاركة الأصلية كتبت بواسطة karim_monir

امســــــــــــــــــــــ ــــك دكتور ميكانيكي سابقا وميكانيكي تقويم اسنان حاليا :-)
سامي حصرياته ما تنتهيش
بس مانساش اني اول واحد قاللي تعالي معايا مشوار في ليلة شتوية في مصر الجديدة وقاللي عايز اوريك حاجة
قولت في عقل بالي الواد بتع المنصورة ده عايز ايه :-)
روحنا لحد هناك ووقف جنب عربية متغطية ورفع الغطاء وكانت العروسة ما شاء الله لسه ماستلمهاش
وقاللي عربيتي

15 فردة
يا ديني
وانا كنت زعلان ان الكرولا بتنزل بروفايلة 70 زي الجيب وغيرته ل 60 على 15
الحمد لله حمد كثيرا طيبا مباركا فيه :-)
بس بصراحة يا سامي
مرة نزلت المنصورة وخدت طريق زراعي فردي كدة وبجري وهووووب لقيتني طيرت بدون مبالغة واتارية كان مطب مخفي :-)
المصيبة ان مفيش حد يشاورلك ويقولك هدي ولا بالراحة
لاء تلاقيهوم بيضحكة ضحكة شماتة فظيعة :-)

واحشني يا سامي مش ناوي تشوفلي الكبوت بقي
اجيلك المنصور بس اغير عفشة الاول :-)

يااااااااه فاكر
والله ياكيمو انا فاكر اليوم ده كأنه امبارح و كانو نافخين العجل على ٤٠ تقريبا وانا مروح وكنت زي اللي راكب عجلة حربية هههه

اما بالنسبة للكابوت ... فهو مابقاش كابوت بس الصراحة ، بقت مقاولة كبييييرة هههههههه

المشاركة الأصلية كتبت بواسطة normal

الحمد لله على سلامتك يا دكتور ومصدقتش نفسي لما لقيت أسمك بعد غيبة :)
طيب دلوقتي بيقولو السيراتو الجديدة 18 :)

١٨ ها هاااااي ( وهنا يبرز ميزة الفيس بوك اني كان ممكن اتفك بكلمتين مش لطاف)
والله وانت كمان يا نورم واحشني جدا

المشاركة الأصلية كتبت بواسطة ahmed_adham

يا جماعه الخير طب ما فيه عربيات جيب 17 و 18 و19 كمان وبتمشي في مصر من غير مشاكل - العيب يا اما فى تعليق العربيه يا اما فى نوع الكاوتش. طب يا استاذ احمد هل ال 15 فرده كانو كلهم نوع واحد وبنفس السعر (450 جنيه) ولا جبت أنواع ايه؟

كنت باجيب كومهو او مارشال
معنديش استعداد ادفع 1000 في فردة رايحة لأجلها في اقل من شهرين