جنط ١٧ !!!!! ابدا تاني ابدا
حبايبي واخواتي واجدع رجاله في الدنيا
و اخص بالذكر ابو ليلى لاني مقصر في حقه قوي قوي
السلام عليكم ....
الموضوع باختصار نصيحة من مالك قديم للسيراتو هاي لاين
بلاش الجنط ١٧
مع انه كان حلو وعاجبني في الاول
بس خلاص بقى مش قادر .....
انا خلال تلات سنين تقريبا اهو غيرت ١٤ فردة
اربعة عشر فردة ايوة
و السيناريو ثابت ... السكة لملعونة المسماه هذيا و زورا " الطريق" الزراعي .
نقرة - كاللو- غير ياريس - بكام - ٤٥٠ جنيه ( و بقيت باخد خصم رحلات بعد الفردة الرابعة)
ده غير العفشة اللي واخده وصلة من ظهري ، هو زمان ماكنتش باحس بس لما ظهري بقى بيوجعني ، بقيت باحس .
اي ان الفكرة على المدى الطويل ... مؤذية جدا