العربيه لفت 180درجه بس ربنا سترها

**macdiv** · 16-09-2012 12:27 PM

يا استاذ جاليليو ... ١٦٠ بلوجان يا مفتري امال لو راكب بي ام هتلفف العداد مرتيين و لا ايه !!! نصيحه من خبره ٢٥ سنه سواقه طرق السفر اخرك ١٢٠ و داخل المدينه و على الطرق الدائريه اخرك ٩٠ .. عشان تقدر تلحق نفسك في حاله الطوارئ ... اما بالنسبه للكوتش ....خلي حد بتاع كوتش عنده ضميير و خبره يفحصهولك و يقولك علي حالته

**Galilioz** · 16-09-2012 04:26 PM

المشاركة الأصلية كتبت بواسطة Egyzizo

ست سنين .. دول عمر الكاوتش الافتراضى ..
وبتعرف تاريخ صناعة الكاوتش من طباعة غائرة على جانب الكاوتش كما هو موضح فى الصورة. هتاخد آخر 4 أرقام على اليمين وأول رقمين منهم هم رقم الأسبوع اللى اتصنع فيه الكاوتش (من 1 إلى 52 لأن السنة 52 أسبوع) والرقمين التانيين هم سنة الصنع ، يعنى مثلاً فى الصورة الكاوتش ده اتصنع فى الأسبوع الثامن من سنة 2006. أول 3 أرقام مالناش دعوة بيهم لأنهم كود المصنع.

والمفروض برضه تخللى بالك من التاريخ ده وانت بتشترى الكاوتش وتختار الكاوتش ذو التاريخ الحديث بقدر الامكان.

وده مثال تانى التاريخ فيه فى مربع مستقل بعيد عن كود المصنع (الأسبوع الثالث من سنة 2004)

تمام انا بصيت على العجل بهذه الطريقه لقيته سنه 2009 الاسبوع ال45

**A.Saad** · 16-09-2012 04:42 PM

ممكن تكون مش بتظبط الهوا فى الكاوتش بصفة دورية
او فترة مرت وفراملك على الاخر او تزحف منك فالسلك ضرب

**NaderNabil** · 16-09-2012 05:08 PM

انا كنت مثبت 140-160 على طريق مطروح باللوجان و ساعات كنت بطلع ل170....بس بصراحة العربية مش مريحة على السرعات دي...بسبب صوتها المرتفع و الدركسيون مش ماسك العربية كويس...

120-130 ممتاز عليها...و مش محتاجين أكتر من كده

**zkralla** · 16-09-2012 08:54 PM

الحمد الله انها جت على كده وفعلا على السرعات العالية مش بتقدر تلحق نفسك وتلم العربية
احمد ربنا انه كان فى عونك وقدرت توقف العربية
بس ليا استفسار
انت حاطط نتروجين ولا هوا عادى ؟
شيكت على ضغط الهوا قبل السفر ؟ كان كام ؟
لو حاطط هوا عادى على السرعة ديه وللمسافة الكبيرة الى مشيتها -حوالى 200 كيلو -هتسخن العجل وضغط الهو جوه هيزيد ؟

**Galilioz** · 16-09-2012 11:29 PM

المشاركة الأصلية كتبت بواسطة zkralla

الحمد الله انها جت على كده وفعلا على السرعات العالية مش بتقدر تلحق نفسك وتلم العربية
احمد ربنا انه كان فى عونك وقدرت توقف العربية
بس ليا استفسار
انت حاطط نتروجين ولا هوا عادى ؟
شيكت على ضغط الهوا قبل السفر ؟ كان كام ؟
لو حاطط هوا عادى على السرعة ديه وللمسافة الكبيرة الى مشيتها -حوالى 200 كيلو -هتسخن العجل وضغط الهو جوه هيزيد ؟

الحمد لله
وانا مكنتش حاطط نتروجين كنت حاطط هوا عادى وظابط هوا قبل ما اتحرك الامامى 28 والخلفى 32
ووقعت قبل الحادثه فى بنزينه من الحراميه بتوع التعاون ومصر للبترول فى طريق مصر اسكندرية الصحراوى اللى بيقلولك العجل مريح تروح كاشف عليه تلاقي العجل فيه 11 خرم ودفعتلى 100ج على الفاضى بعد خناقه ومكنتش نفس العجله اللى ضربت سلك دى كانت عجله تانى اللى اشتغلها خوازيق للاسف دى تانى مره اقابل الحراميه دول بتوع العجل وكنت احيانا لما بدخل بنزينه بيمسكوا فيه ان العجل مريح وانا بنفض ليهم عشان عارف انهم حراميه بس ساعتها كنت على الطريق وقلقت قولت اكشف بس الواد راح شغال 11 خزوق ورا بعض ونصيحه لاى واحد لو دخلت بنزينه مصر للبترول او التعاون واللى فيها قالك العجل مريح تعالى اكشف عليه ... قوله وانت مال اهلك وسيبه وامشى لانه معاهم سائل ابن لذينه بيبين ان العجل فيه اخرام وهو مفيهوش حاجه اصلا عالم حراميه بنت ....

**blackhorse123** · 16-09-2012 11:30 PM

الحمد لله ربنا ستر عليك وانت كويس الباقى كله سهل

160 باللوجان بلاش السرعه العاليه دى

وكمان ياباشا انت سمعت الصوت من الاول ليه ماوقفتش العربيه ونزلت شوفت الصوت ده ايه حتى لو كنت شاكك انه الطريق كنت نزلت ...... على العموم انا مش بلومك المهم انك بخير والعربيه كمان والحمد لله

وحمد لله على سلامتك

**Galilioz** · 16-09-2012 11:47 PM

المشاركة الأصلية كتبت بواسطة blackhorse123

الحمد لله ربنا ستر عليك وانت كويس الباقى كله سهل

160 باللوجان بلاش السرعه العاليه دى

وكمان ياباشا انت سمعت الصوت من الاول ليه ماوقفتش العربيه ونزلت شوفت الصوت ده ايه حتى لو كنت شاكك انه الطريق كنت نزلت ...... على العموم انا مش بلومك المهم انك بخير والعربيه كمان والحمد لله

وحمد لله على سلامتك

الله يسلمك ياباشا
الموضوع مااخدتش اكتر من 20 ثانيه تقريبا 5 ثوانى صوت الدقدقه ده و15 ثانيه بتعوم وبتلف عكس الحركه يعنى مفيش وقت ان الواحد ياخد قرار انه يوقف العربيه مش ينفذه

**zkralla** · 17-09-2012 12:33 AM

المشاركة الأصلية كتبت بواسطة galilioz

الحمد لله
وانا مكنتش حاطط نتروجين كنت حاطط هوا عادى وظابط هوا قبل ما اتحرك الامامى 28 والخلفى 32
ووقعت قبل الحادثه فى بنزينه من الحراميه بتوع التعاون ومصر للبترول فى طريق مصر اسكندرية الصحراوى اللى بيقلولك العجل مريح تروح كاشف عليه تلاقي العجل فيه 11 خرم ودفعتلى 100ج على الفاضى بعد خناقه ومكنتش نفس العجله اللى ضربت سلك دى كانت عجله تانى اللى اشتغلها خوازيق للاسف دى تانى مره اقابل الحراميه دول بتوع العجل وكنت احيانا لما بدخل بنزينه بيمسكوا فيه ان العجل مريح وانا بنفض ليهم عشان عارف انهم حراميه بس ساعتها كنت على الطريق وقلقت قولت اكشف بس الواد راح شغال 11 خزوق ورا بعض ونصيحه لاى واحد لو دخلت بنزينه مصر للبترول او التعاون واللى فيها قالك العجل مريح تعالى اكشف عليه ... قوله وانت مال اهلك وسيبه وامشى لانه معاهم سائل ابن لذينه بيبين ان العجل فيه اخرام وهو مفيهوش حاجه اصلا عالم حراميه بنت ....

اعتقد كده الامور بقت اوضح
غالبا هتلاقى المقاس بتاعهم كان بايض - زى غالبية بتوع الكاوتش - وزود الفرده الى ورا زيادة عن 32
ارجع كده بالذاكره وشوف لو كان زودلك الفرده ديه
ويا ريت تشيك على ضغط باقى الفرد عند حد كويس
أنا قبل كده رحت عند 3 بتوع كاوتش كل واحد قاس وقالى رقم مختلف
عشان كده بقالى سنتين مش باقيس غير عند بريدجستون لانهم بيهتموا بمعايرة المقاس بتاعهم
والاحسن الواحد يجيب مقاس هواء من شارع زكى ويخليه فى العربية ... هو تقريبا فى حدود 20 جنيه ...