العربية بتخبط مع المارشدير يكون إيه دا ؟؟؟
مع ال دى بتطلع عادى لكن ترجع لورا تحس بخبطة جامدة فى الأول بعد كدا عادى
عرض للطباعة
العربية بتخبط مع المارشدير يكون إيه دا ؟؟؟
مع ال دى بتطلع عادى لكن ترجع لورا تحس بخبطة جامدة فى الأول بعد كدا عادى
طيب ممكن تكون قواعد فتيس أو موتور ؟؟
حدش يعبرنى
ممكن كبالن داخلي او القاعدة السفلية اللي تحت الموتور اسمها الشداد .
ع العموم أنا الخبطة النهاردة حاسس إنها شبه راحت بس برضه عايز أعرف إيه اللى بيحصل
مش عارف يا محمد...........لو الخبطة بين الأول و التاني بيبقى سولونيد فتيس..........في المارشدير أول مرة أسمعها.
لو ينفع توصف الصوت أكتر خبطة جاية منين.....صوت عالي و لا واطي....الخ
أحسن تكشف على العربية.
نفس المشكلة عندى
يا كبالن يا اما من الفتيس نفسة
لو من الفتيس جرب غير الزيت فقط لو مزبطش متعملش فية حاجة علشان ممكن يبقى اسوء ومتقلقش كبر دماغك ومش هتزعلك فى حاجة بس لما تجيب المارشدير ابقى شيل رجلك من على الفرامل ومش هتحس بالخبطة
بس لاحظت حاجة لو جبت على ال n واستنين ثانيتن كدا وبعدين جبت المارشدير الخبطة بتبقى خفيفة قوى تعشيق عادى
هو صوت الخبطة زى ما يكون تعشيق مفاجئ وبعدين العربية تبدأ تسحب بسرعة لورا كأنك على آربى إم عالى وبتدى الغيار
خبطة تعشيق التروس يعنى أنا هجرب فكرة هعملها هجيب كوريك تانى وأرفع بوذ العربية من قدام وأدورها وطبعا هبقى ماسك فرامل يد ورا وهجرب وأشوف الخبطة جاية منين ولا مش مستاهلة ياجماعة أنا مش فارقة معايا يعنى بس أهو بتسلى هههههههههه
أوصفها بشكل أوضح هى جاية من قدام طبعا تحس إن العربية عايزة تنط لورا وتجرى بالفعل تلاقيها خدت المارشدير وأنا مش دايس فرامل طبعا وابتدت تسحب بس بيبقى عادى المشى مفيش حاجة
طبعا الزنة بتاع كهرباء الفتيس دى شئ طبيعى هو الوحيد اللى بسمعه
الخبطه دى من شداد الموتور غيره وكل حاجه هاتكون تمام
بص يا باشا ... انا عندي نفس الموضوع ده بيحصل لما تكون مسامير "المناول" الكوبلن الداخلي تكون مفكوكة ....
هما تلات مسامير .. روح عند صيانة رينو و خلوهم يربطوهملك كويس او يركبولك المسمار الناقص ...
انا بالنسبة لموضوع النطة او القفزة اللي بنحصل فجأة لما تجيب المارش و بعدين تطلع عال d بتنطر ...ده بتحصل لما يكون عصا الفتبس مش محطوط على وضع الr مظبوط .. يعني بيكون ما بين الn و r ... إبقى إتأكد دايما إن الفتبس منور عالr ....
هو انت بتنقل وانت مش دايس فرامل؟؟؟
لو كده ده هو السبب ياعزيزي
تحياتي
على العموم يا أصدقاء أنا قربت أكتشف العيب
أنا ملاحظ حاجة إن العيب بسبب إن الفتيس مش بيسكن صح على وضع المارشدير لما بكون على n وأجيب على r الشاشة أحيانا مش بتكتب rولازم ألمسه بإيدى عشان الشاشة تكتب الغيار فى الحالة دى بس العربية بحس بخبطة دا ممكن يكون إيه
لكن لو على وضع p وجبت على r مفيش أى مشكلة
يعنى الخبطة مع مشوار عصا الفتيس من n ل r أعتقد إنها حاجة بسيطة تكون إيه دى بقى سويتش نقلات ولا إيه بالظبط ع العموم أنا هفك الفبر اللى حوالين الفتيس وأشوف إيه النظام وهقولكم
سؤال يا محمد................انت بتركن فى حتة مايلة ؟؟؟
يعني وش العربية أعلى من ضهرها او العكس ؟؟؟
لأ طبعا أنا بركن فى حتة عادية خالص بس مش أسفلت يعنى بس مستوية إلى حد كبير
لو جبت الفتيس على ال R ودست كويس الخبطة مش بتحصل خالص لكن لو جبته عادى كدا أحيانا بتحصل فاهم إنت لما تكون حاجة مش بايتة فى مكانها صح
أنا على فكرة مش بركن العربية على وضع p خالص بشد فرامل اليد وعلى N أفرض مثلا وأنا راكن فى الشارع واحد بموتوسيكل صينى أو توكتوك وخبطنى خبطة حلوة فعشان كدا مش برضى أركن على p حتى عندنا فى البيت هنا
اللى عاوز اقوله أنك لو بتركن و العربية مايلة بيبقى فيه نسبة ترييح على الفتيس مش على الفرامل (ألا فى حالة معينة)
و بالتالي لما تيجي تطلع بالعربية و تجيب النقلة سواء مرشدير أو d بتلاقى فيه زى عضة مع هبدة كده.
لو هو ده اللى بيحصل معاك يبقى مفيش مشكلة عندك............ده طبيعي.
شداد الماتور الى تحت هتلاقى الربر بيودع لسه مغيره