عرض للطباعة
[overline]لاحظت وجود حدفة بالسيارة ناحية الشمال من فترة فقولت يمكن عايزة تظبط زوايا تم تظبيط الزوايا وقلة الحدفة لكن لاحظت ان الحدفة عادت مرة تانية تم تغيير اماكن الاطارات بناء علي كلام العفشجي وتم ظبط ضغط الاطارات ولكن لاحظت وجود حدفة لكن اقل من الاول
ممكن من السادة الاعضاء الافاضل افادتي عن سبب الحدفة دي ممكن تكون من اي
واخيرا اشكر كل من مر علي الموضوع ولم يرد وازيد في الشكر لكل من رد وعلمني وعلم غيري
شكرا[/overline]
هوا العجل
عجل ملووح
جنط ملووح او شفته معووجه
زوايا اماميه
زوايا خلفيه
دي الاسباب اللي اعفها بالتتيب من الاسهل فالاصعب
تحياتي
اول حاجه لو العفشه بتاعت العربيه فيها حاجه كان بتاع الزوايا قال لأ الزوايا متتظبطش لو فيه اي بوش فى علبة الدركسيون او الاتياش بتاعتها الي واصله للعجل لحد كده كويس ده لو بتاع الزوايا مضمون وده بيبقى اكبر سبب لحدف العربيه ( علبة الدركسيون او الاتياش)
بعد كده بنشوف الترصيص عشان لو الجنوط فيها عوجه
فى الاخر بيبقى الكاوتش يا اما ملووح وده بيبان والفرده مفكوكه بتلاقى تناسق النقشه مش متساوى ومعووج
او بيبقى الكاوتش فيه بلالين يعنى فيه كور منفوخه وده بيبعمل حدفه كبيره مع السرعات
ده كل الي ممكن يسبب الحدف
تحياتى
ورأيي بما انك جربت كل حاجه ولما نقلت الكاوتش الحدفه قلت يبقى اكشف على الكاوتش بتاعك عند حد محترم واتأكد ان مقاس الكاوتش متساوى
بجانب اللى ذكره الأساتذه قبلى ......... شوف إرتفاع الياي ناحية الشمال ممكن يكون helical spring الــ pitch اللى هيا المسافة بين كل لفة يكون قل فهيخلى العربية تميل ميلان بسيط ممكن يسبب حدفه كبيرة ........ تجربة عاشها واحد صاحبى الأسبوع اللى فات
اشكر كل من تفضل بالرد
اولا : هتاكد ان الكاوتش مش معوج مع ان فكيت 3 فرد مش لاحظت فيهم حاجة بس هأكد عليهم تاني
ثانيا : ان شاء الله هراجع تاني علي الترصيص وظبط الزوايا مرة اخري
ثالثا : هتأكدمن ارتفاع الياي
واخيرا عند الوصول للحل هكتبه حتي تعم الفائدة علي الجميع
واشكر كل من اهتم ورد علي الموضوع
كان عندي حدفه يمين طلعت العجله اليمين مرحله سم و عملتلها زرجينه
ممكن كمان والله أعلم تكون البلية الشمال بتاعة الصرة خشنة شوية فبتعمل مقاومة تؤدي إلى إن الجر من العجلة اليمين يكون أقوى فالعربية تحدف شمال...
كلام جميل