الموضوع: تقرير 2x1 على السريع استابلايزر واستهلاك الصنى للبنزين

السلام عليكم ورحمة الله وبركاته
بعد تقرير الاخ العضو احمد والخاص بالاستابليزرالامامى للنيسان وتناوله فى هذا اللينك http://www.nilemotors.net/Nile/307953-ex.html اتصلت بالاخ حسين واستفسرت منه على اماكن الشراء وقررت تركيب الاستابليزر فتوجهت صباحا للقاهره وقمت بتفويل السياره حتى الزور وتصفير عداد الرحلات .....حتى اقطع الشك باليقين فى موضوع استهلاك البنزين ........المهم وصلت للحرفيين الساعه الثانية عشره وقمت بشراء بار الميزان كاملا ........وذهبت لشراء كاوتشات تيش الميزان جديده فوجدت مجموعة التيش كامله عباره عن ميزان وعدد 2 اطباق وعدد 2 كاوتش لكل جنب وفى نفس المكان اتفقت مع ميكانيكى على تركيب الميزان وفى خلال ساعتين كان كله تمام
وبعد الانتهاء وعمل جوله فى وسط البلد بدأت العوده من القاهره لارى تأثير الميزان على عفشة السياره .....بصراحه فيه اختلاف كبير تحسه من اول ماتركب العربيه بعد تركيب الاستابليزر ومع السير العفشه اصبحت ناعمه والنقر والمطبات لاتحس بها مع العجل الامامى ........اكيد فيه فرق .....ليه المصنع منع تركيبه مش عارف ليه ؟ سوى توفير
التكلفه
الاستابليزر كامل ...............270 جنيه بدخان الفك
2ميزان الجنب كامل تايوانى.......110 جنيه
مصنعية تركيب .................50 جنيه
اجمالى التكلفه
430 جنيه
المهم وصلت للبنزينه اللى مفول منها..........قلت اشوف اخبار الاستهلاك ايه.....برضه فولت حتى الزور كان الاستهلاك 16.33 لتر
والمسافه المقطوعه 208.4 كيلو
ليصبح الاستهلاك 12.78 كيلو لكل لتر
بصراحه اول مره اوصل لاستهلاك مثالى والسبب مافيش حرق غيار ........مافيش سرعه اكتر من 110 .......الار بى ام لم يتعدى 3 الا نادر ومن غير تكييف
شكرا خاص للباشمهندس حسين والعضو fibahmed صاحب التقرير

المشاركة الأصلية كتبت بواسطة amr2004ibm

الف مليون مبروك

الله يبارك فى حضرتك

المشاركة الأصلية كتبت بواسطة land_cruiser

الف شكر على نقل التجربه السريعه دى و السعر ما شاء الله كويس. انا بافكر فى الموضوع ده بقالى فتره بس كنت متردد فلو هناك حد ناوى يعمله قريب ياريت يقوللى و كنت عايز اعرف من حضرتك هل التركيب سهل و لا بياخد وقت و اذا كان بيفك حاجات كتير و لا ايه. انا كنت اتمنى يبقى الموضوع ده فى التوكيل علشان ما باحبش اخللى الميكانيكيه يلعبوا فى العربيه بس هنعمل ايه فى التوكيل فى الموضوع ده

الموضوع بسيط جدا ومافيش اى شىء يخوف كل الشغل خارجى حتى الكبوت مافتحهوش وبياخد ساعه بالكتير فى التركيب مع دلع الصنايعى والاشياء اللى بتتفك حوالى 4 مسامير فقط وفردتين الكاوتش الامامى .....لو حضرتك ناوى ممكن ابعتلك العنوان على الخاص واتفقت معاه اى حد يروح من طرفى يكون ليه تخفيض كويس

الف الف مبروك يا عاطف باشا تركيب الميزان .. بس انا عارف انك هادئ جدا في سواقتك .. اكيد الميزان بيفرق مع الجري و الغرز اكتر .. مش كده

المشاركة الأصلية كتبت بواسطة peaceman

الف الف مبروك يا عاطف باشا تركيب الميزان .. بس انا عارف انك هادئ جدا في سواقتك .. اكيد الميزان بيفرق مع الجري و الغرز اكتر .. مش كده

ربنا يخليك يابيشو .....الدور عليك .....الصنايعى بيأكد ان التجميع المحلى غير موجود فيه الميزان عدا السوبر صالون ياريت تأكد او تنفى المعلومه د. يوسف بيقول موجود لغاية موديل 2009.......ربنا يسمع منك ويجعلنا من اصحاب السواقات الهاديه .....بحاول اتعود

المشاركة الأصلية كتبت بواسطة aboamr

ربنا يخليك يابيشو .....الدور عليك .....الصنايعى بيأكد ان التجميع المحلى غير موجود فيه الميزان عدا السوبر صالون ياريت تأكد او تنفى المعلومه د. يوسف بيقول موجود لغاية موديل 2009.......ربنا يسمع منك ويجعلنا من اصحاب السواقات الهاديه .....بحاول اتعود

هو اللي انا اعرفه ان جميع موديلات EX saloon مش بينزل بالميزانين الامامي و الخلفي .. بينزلوا فقط في السوبر صالون
علي العموم انا هشوف العربية و اتأكد بس المعلومة ديه اعرفها من زمان