ربنا يستر طريقك يا مايسترو الياريس--
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
السلام عليكم ورحمة الله وبركاته
المنتدى نايم نووم السنين !!!
سواء اقسام كيا - هيونداي اللى دائما كانت بيبقى فيها مواضيع نار نار نار !!
وحتى قسم تويوتا الغلبان اللى برضوا علطول نايم
فانا قلت لازم اديكم موضوع كدة يشعلل الدنيا شوية كدة ويخلي الناس تفوق وتصحى معانا
كنت مركب في العربية عندي فلتر هوا رياضي لكن كنت مركبه نوعا ما بطريقة خطأ او عشوائية وكان يكاد يكون قريب جدا من مروحة الراديتر !! فماكنتش حاسس بفرق يذكر في الاداء
شلته وبعدين عدلت نظام العادم Header Back Exhaust - jasma -
وده اللى فعلا حسيت انه عمل فرق جامد
قلت لما اركب الفلتر تاني واشوف لما افتح للعربية من ال Intake/Exhaust اكيد هتفوق
حاولت بقدر المستطاع اني اركبه بطريقة صح او زي ماهو Recommended للعربية من موقع K&N وبالفعل قدر اعمل كدة وركبته يكاد يكون زي الطريقة الموجودة في الفيديو ده بالظبط
K&N Typhoon for Toyota Yaris - Revving the engine - YouTube
وساعدني في الموضوع ده "lanos2004" قعدنا قعدة حلوة كدة في المخزن عنده لحد ماظبطنا الكلام
بس للاسف لقيت العربية ادائها اقل !! ؟ هنا استنتجت ان الفلتر بقاله معايا 3 شهور استخدام وغالبا متوسخ فقلت اشيله لحد ماروح لعادل وجدي في الحرفيين انضفه وابقى اركبه
وقد كان رحت لعادل وجدي نضفته بالزيت بتاعه كلف الموضوع بالظبط 35 جنيه
وركبت الفلتر وبدات فعلا احس العربية بقت اقوى من الاول بفرق ملحوظ خصوصا على العالي + اني لما كنت مركب الفلتر في مكان غلط كان استهلاك البنزين عالي جدا
دلوقتي موضوع استهلاك البنزين بقى نوعا ما متحسن لكنه عالي برضوا مقارنة بالاول
وطبعا نتيجة انك فتحت للعربية Intake/Exhaust كمان متركبين بطريقة كويسة ده عمل فرق حلو في الاداء خصوصا على السرعات العالية فوق ال 120
نرجع للموضوع
النهارده المدير فحتني في مشوار شغل في حلوان !! على اساس اني لسه جديد في الشركة فلازم انزل Double visit اشوف الدنيا فيها ايه
قلت اتجنب زحمة المنيل والجيزة واطلع دائري من طلعة صفط
وفي اثناء ما انا على الدايري بالاخص على وصلة المريوطية - طبعا انتو عرفين انها متسفلتة كويس ومغرية للجري -
لقيت عربية جاي من ورا ولازق فيا عمال يقلب نور !! وانا الحركة دي بتستفزني جدا
قلت هوسعله اعديه ولو عربية في حدود امكانيات عربيتي هدوس وراه لو عربية تعبانة او عالية هسيبه وربنا يسهله
وسعت ولقيت اللى معدي E230 غالبا كدة عيون او موديل قبله مش عارف بالظبط في موديلات المرسيدس بس هي كانت في الشكل ضهرها شكله قريب من ضهر العيون
قلت لا ياعم ده مرسيدس سيبه
لكن شوشو ماسابنيش وقلت ماتجرب ايه يعني هتخسر ايه !! ؟ خصوصا ان بتاع المرسيدس كان طاير وفي نفس الوقت ماكنش بيتغاشم في الغرز يعني يدوس لما الطريق يفتح الطريق يقفل يهدي !!
الطريق كان بيقفل ويفتح تاني ويرجع يقفل وهكذا !! فحصلت بيني وبينه كام شداية كدة ملخصها
تحت ال 100 كنت بطلع منه بداية من 120 ولحد 150 تقريبا كنا بتثبت مع بعض او هو بيطلع بفرق قليل جدا
فوق ال 160 كان بيطلع مني بفرق حوالي عربية عربيتين بعدين الطريق يقفل نقوم مهدين
كذا مرة انا اتزنق في كام غرزة هو يطلع وكام مرة هو يتزنق اقوم انا طالع وهكذا
وفي هذه الاثناء واذا بالنترا الشكل القديم " HD " سخن معانا
سعتها كانت الوصلة تقريبا خلصت ونزلنا على الدايري
بتاع الالنترا كان بياخد غرز غريبة ماشاء الله عليه قلبه ميت
بتاع المرسيدس غالبا كدة مالوش في الغرز لان اول مالطريق قلب غرز خد جمب ومشي مع نفسه وماشوفنهوش تاني
انا كنت بغرز على خفيف ورا الالنترا ماكنتش عايز اتخاشم اوي في الغرز بس كنت عايز افضل قريب منه لحد ماشوف ايه اللى هيحصل لما الطريق يفتح !! وكنت متوقع اني هطلع منه لما الطريق يفتح
وفعلا الطريق فتح والمتوقع حصل ان الالنترا رجعت لورا بداية من سرعة 120 فما فوق !! يمكن ماقدرتش ابعد عنه جامد لان الطريق قفل علطول فمش عارف بالظبط الفرق كان هيبقى قد ايه لو كملنا !!
الطريق قفل بتاع الالنترا شغال غرز لحد مرحت واخد منه غرزة من شماله وهنا فرقت عنه وفضل ورا بفرق مش قليل وماشوفتوش تاني الا على النزلة !!
نزلت نزلة كورنيش المعادي ماشي على النزلة براحة لقيته جاي من ورا بيكلكس و بيقلب نور هديت شوية
لقيته جيه جمبي واداني بحبك بحبك بالكلاكس -- والله طلع عنده ذوق
رحت انا كمان مديله بحبك بحبك بالكلاكس وطلعلته ايدي بعلامة اللى هو برافو !!
ورحت نازل نقلة ومدي Kick down
هو سمع صوت الفلتر مع علبة الشكمان قام هو كمان دايس !!
لكن ماقدرش يطلع وانا كمان كنت معاه يعني كنا مثبتين تقريبا وده كان من سرعة 60 لحد مثلا 100 او 110 لان بمجرد نزلنا الكورنيش كان واقف
الجدير بالذكر اننا نازلين من النزلة دايسيين بسرعة قريبة من بعض نسبيا وانا كنت فارق بالكبوت ومع ذلك انا فرملت قبل الزحمة ووقفت قبله بحوالي عربية ونص في حين هو زحف شوية وكان هيلبس في اللى قدامه
يمكن عشان انا استخدمت ال Engine brake ونزلت نقلة فالعربية مسكت نفسها علطول !!
بعد كدة على الكورنيش لقيته واقف مدي انتظار ومستنيني ولقيته بيقولي معاك سجاير !! ؟ قلتله لا والله مش بدخن قالي ماشي
لكن الالنترا كدة ماكلتش عيش لا فوق ولا تحت امال ال 124 حصان فين !! ؟؟
وعلى فكرة !! دي يمكن كدة الالنترا رقم 5 ال HD اللى يتعلم عليها
@ هيونداي تيم :: لازم نظبطلنا طلعة على ال NA نشوف اللى بيحصل في الالنترا ده حقيقة ولا خيال !! ؟؟
----
شداية كدة تانية حصلت على السريع احب احكيها عشان الموضوع يولع ويسخن بزيادة
من كم يوم تقريبا كنت خارج من الجامعة وورايا واحدة زميلتي بعربيتها - ياريس موديل 2006 - 1300 اتوماتيك
يعني تقريبا اخت عربيتي
انا مش حاطط في دماغي وقلت بنت يعني واكيد لا هتشد ولا حاجة
ماشيين على الطريق مرة واحدة اسمع صوت ماتورها وبتطلع !! قلت طب دي حاجة كويسة اوي اهو على الاقل الواحد يشوف المصاريف اللى صرفها دي هتجيب فايدة وتعمل فرق ولا لاء خصوصا الطريق كان مفتوح ومافيش غرز ؟؟؟
انا سمعت صوت ماتورها من هنا وقمت نازل تاني ودايس - كنا ماشيين في حدود 70 -
مافيش الا ثواني معدودة ولقتها بقت في المرايا الخلفية بفرق حوالي اربع عربيات - لحد سرعة 150 - تقريبا
الله واعلم بصراحة ان كانت هي كانت جايبة اخر عربيتها ولا لاء عشان برضوا الواحد يبقى بيتكلم بامانة
بعد كدة فضلت انا ماشي براحة وعلى مهلي وهي ورايا على نفس سرعتي 100 تقريبا
لحد ماطلعنا على المحور في اتجاه ميدان لبنان
وفجاءة اذا بتيدا وسيات ليون طايرين واحدة من اليمين والتانية من الشمال !!
التيدا كانت مزحفة الليون وبتاع التيدا كان بياخد غرز جامدة جدا
المنظر سخني بصراحة فقلت مابدهاش وقمت دايس
غرزة في التانية في التالتة جبت بتاع الليون وبقيت في ضهره مباشرة الطريق فتح طلعت بسهولة واترمى ورا !!
وحاجة من اتنين يا العربية دي اداءها ضعيف جدا ياما اللى سايق كان في حاجة غلط معاه او ماكنش جايب اخر عربيته لانه اترمى ورا وماشوفتوش تاني
فضل قدامي التيدا ماشاء الله واخد المحور بالطول وبالعرض ومش بيهدي !! ولانه اصلا جاي طاير من جمبي فكان قدامي بفرق حلو
لحد مالطريق ماقفل عليه قمت انا جاي من ورة وبقى عندي فرصة اني اجيبه
جبته ورحت مرخم وواخد الحارة بتاعته وبقيت قدامه مباشرة وماشي على سرعة 100 وهو ورايا في ضهري
الطريق فتح وخلي المواتير تقول كلمتها !! مع ملاحظة :
الساعة كانت 2 الضهر + انا كنت مشغل التكييف = مروحة الراديتر شغالة = الفلتر بياخد هوا سخن = العربية مكتومة
من النحية التانية التيدا - كانت هاتش باك - كان فاتح جزء بسيط من الشباك بتاعه = مش مشغل التكييف !!
نرجع لموضوعنا انا قدامه وهو ورايا مباشرة على سرعة 100
الطريق فتح انا دست قبله ففرقت بعربية وهو ورايا ! صراحة كنت متوقع انه هيطلع
لكنه فضل ورايا بنفس الفرق يعني اكننا ثابتين لحد سرعة 130/140
بعدها بدأ يرجع لورا بس مش بفرق جامد لحد سرعة 160
فضل ورا بعدها حبة حلوين مش عارف يجبني ولا يقلل الفرق مابينا
لحد مانا اتنزقت في الشمال والطريق قفل عليا اضطريت انزل لسرعة 100 تقريبا هو عدى من اليمين
حاولت اجيبه تاني ماعرفتش لان الطريق كان خلص !!
لما وصلنا ميدان لبنان لقيته بيطفي السجارة نحية عربيتي وقام رميها عليا !! - بس انا عملت من الهند هههههههههه
انا مش هقدر اقول اني كاداء مواتير افضل من التيدا لان دي اول تجربة شد معاها فجايز تكون العربية دي فيها حاجة الله واعلم
بالمناسبة كمان زميلتي اللى كان معاها الياريس ماشفتهاش برضوا الا على ميدان لبنان !! والله واعلم ان كانت سخنت معانا ومعرفتش تجبنا ولا كانت ماشية على مهلها
ملخص الموضوع
التعديلات البسيطة زي ال Intake/Exhaust بتفرق جامد جدا خصوصا على السرعات العالية وده حسيته اكتر لما شديت مع الياريس اللى المفروض انها اخت عربيتي
حجات بسيطة جدا في التركيب خصوصا تركيب الفلتر وانه يكون نضيف وبياخد هوا على الاقل مش سخن برضوا بتفرق جامد جدا سواء في الاداء او استهلاك البنزين
بالاضافة ان العربية بتبقى اكثر حساسية للزيوت والفلاتر !!
يعني دلوقتي اول مالفلتر الهوا يبدا يتوسخ تلاقي العربية اداءها قل !!
زيت الماتور - موبيل 1 - اخره معايا 7500/8000 كم ! فضل اكتر من كدة ممكن تلاقي 128 بتطلع منك
العربية عشان تاخد منها اداء لازم كل حاجة تبقى متظبطة غير كدة الاداء هيقل
الياريس كل مدى كل مابيزيد اقتناعي بيها والحمد لله ماكسفتنيش ولا مرة او حتى حسيت انها ماتور 1.3 !! يمكن على السرعات العالية فوق ال 160 فئة كبيرة من ال 1.6 هتطلع
لكن على الاقل في ال Mid range من 80 : 160 اداء ممتاز جدا لا يقل عن اي عربية 1.6 ان ماكنش افضل
يمكن الحاجة الوحيدة اللى عملالي مشكلة ان الوزن بيقتل سحب العربية !!
يعني لو معايا 3 افراد فما فوق انسى انك تشد مع حد !!
لو معايا شخص واحد بس وزنه تقيل من الناس المليانة 100 كيلو فما فوق هتلاقي برضوا اداء العربية قل
واعتقد ان ده عشان الماتور 1.3
ده كان ملخص تجارب عديدة في موضوع ال Intake/Exhaust وكام شداية كدة على السريع
ياريت ماكنش طولت عليكم
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
ربنا يستر طريقك يا مايسترو الياريس--
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
بص ...انا مقرتش موضوعك كله يا احمود :)
وقفت عند انك طلعت من ال e230 تحت ال 100
والكلام معجبنيش
انت مسقط ولا ايه يا احموووووووووووووووووووووو وووود
ولا انا فاهم غلط ولا ايه
م/ احمـد عـزت
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
ربنا يخليك حبيبي والله يابوحميد
حبيبي يا كبير منورني
لا مسقط ولا حاجة يا معلم
وبعدين دي مرسيدس قديمة مش جديدة
والمرسيدس القديم شديد على العالي انما على الواطي مش بيبقى جامد
ماهو عادي يعني الواحد ممكن لو شد مع 320 موديلات حديثة تحت ال 100 تلاقي نفسك معاها او ممكن كمان تطلع انما فوق هتنفخك
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
لالالا
لا تحت ولا فوق
سيبك يامعلم من الاشاعات دي ...مصر بلد الاشاعات
يقلك اصل المرسيدس تقيل في الاول والبي ام تحت ال 100 مش عارف ايه
العربيات دي بتجيب من 0 ل 100 ف مفيش خالص
انا دخلت علي اليوتيوب شوفت تسارع ال s500 اللي هيا عامله زي الباخره دي وتحس انها بطه
جابت ال 100 ف 5 ثواني بالظبط
انت لو قصدك بقي المرسيدس القديم اكيد تعبان
لكن من اول 2000 وانت طالع صعب جدا
م/ احمـد عـزت
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
رقم العضوية : 85958
تاريخ التسجيل : 15Jan2011
المشاركات : 3,132
النوع : ذكر
الاقامة : Egypt - Faisl
السيارة: Verna , 1.5 , M/T
السيارة[2]: Toyota Yaris , 1.3 , A/T
دراجة بخارية: لا يوجد
الحالة :
سيبك من ال S
ال E Class عموما معروفة انها مش بتاعة جري
عارف لو C class كان قلت ماشي !! انما ال E معروفة انها اقل في الاداء
كمان انت بتتكلم في عربية مثلا بقالها مدة والماتور اه حجمه كبير بس كتكنولوجيا تلاقيه مش زي المرسيدس الجديد
انا معرفش هي بالظبط كانت موديل كام بس ضهرها شبه ضهر العيون شوية
عموما وارد تكون العربية دي فيها حاجة او ماتورها مفوت والله واعلم
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
رقم العضوية : 33117
تاريخ التسجيل : 16Feb2009
المشاركات : 4,097
النوع : ذكر
الاقامة : 6 Of October
السيارة: Peugeot 508 GT Max
السيارة[2]: Range Rover Velar
دراجة بخارية: VTX 1800
الحالة :
الـ hd تقريبا نفس موتور السيراتو .. انا بطلع منها اه بس مش بفرق كبير
التيدا فوق الـ 120 مش قد كدا بعد ال140 متكولش عيش
ركز كويس بس p: ..
رقم العضوية : 119672
تاريخ التسجيل : 27Jan2012
المشاركات : 6,807
النوع : ذكر
الاقامة : النزهه الجديدة
السيارة: اتباعت
السيارة[2]: lanos 1.5 16 v
دراجة بخارية: لا يوجد
الحالة :
المفضلات