عرض للطباعة
كنا بنتكلم النهاردة انا وجماعة اصحابى
و تطرق الموضوع للمقارنة بين الجولف 5 (1600) و السيات الليون
و استبعدنا عاملي السعر في مصر و ووجود ناقل الحركة الأوتوماتيكي
و كانت مناقشة حامية و لم نخرج بمفيد
اعتقد هنا ...في المنتدى ممكن نخرج بمفيد
افيدوني افادكم الله
الصراحه الاتنين جامدين فحت
انا بحب الجولف بالذات بس الليون تحس ان ليها جاذبيه خاصه
almost the same but still the golf is the legend
ما هذا الهراء أيفتى في الليون وانا في المنتدى !
صبراً أل جولف أنا هخليكو تبيعوها عن قريب وتشتروا ليون إن شاء الله :)
إستنو شويه وحرد على المقارنة دي بجد بس على فكرة يا دكتور أحمد السعر من أهم أسلحة الليون في مصر ماينفعش نشيله علشان الجولف متسعرة بجشع بصراحة
Thanks
Eng.Sherif Shaker
معلش :)
هانجرد الليون من هذا السلاح و هانشوف ها تصمد امام الجولف وللا لأ ;)
بس برضه احنا جردنا جولف من ميزة الأوتوماتيك ...
الليون متشابها جدا مع الجولف وأنا من عشاق الليون لكن الجولف عزلها داخل المقصورة أفضل من الليون (وده مش معناه إن عزل الليون وحش) وكمان الهاندلنج بتاع الجولف أفضل
يعني الجولف تقريبا أفضل في كل حاجة ولكن بفارق بسيييط جدا لايقارن بفارق السعر الكبير الذي بينهم وأنا شايف إن سعر الجولف وأختها جيتا مبالغ فييه جدا
وكمان غباء إن الواحد يسيب الليون بكل كمية الكماليات دي وبالسعر الجامد ده ويتجه للجولف
لكن لو حتستبعد عامل السعر فأنا شايف إن كراسي وتابلوه الليون ووسع الكراسي الخلفية أحسن من الجولف لكن الجولف تتفوق في الحاجات إللي أنا ذكرتها في أول الرد
الليون حتصمد
لسبب بسيط و هو انها هيا هيا الجولف و نفس الموتور و قاعده العجلات باختلافات طفيفه جدا في التصميم
زمان كانت فولكس بتسعي ان سيات تكون الواجهه الرياضيه لمنتجاتها
لكنها فشلت في الحكايه دي الي حد كبير و الدليل ان موديلاتها بينافسوا بعض
بعيد عن التفاصيل التقنية اللي أكيد الناس الجامدة اللي هنا أحسن مني فيها ..... الليون اختيار العقل ....الجولف اختيار القلب ههه
اقتباس:
المشاركة الأصلية كتبت بواسطة Chicco
يا عيني عليك يا دكتورنا لما بتبقى رايق كده و تقول أحلى كلام :)
الله يخليك يا دوك ...و ربنا يوفقك في الأختيار :)