الموضوع: خايف جداااااااااااااا

كنت باسوق عادى جدا و من ساعة ما ابتديت اسوق عمرى ما خفت و لا حسيت بالخوف و ربنا سبحانه و تعالى بينجى الواحد من حاجات كتير
لحد ما عملت حادثة من 10 ايام و من ساعتها و انا خايف اركب عربية ؟؟؟؟؟؟؟؟؟
رغم انى كنت باعمل حاجات كتير و بسرعة و الحمد لله كانت بتعدى سليمة
بس اللى مخوفنى المرة دى انى مش عارف ايه اللى حصل
اولا كنت ماشى بالراحة جدااااا(العربية كانت قاطعة كهرباء و كنت رايح اعملها اساسا )
الجو كان رايق
فى طلعة كوبرى و قبل الطلعة فيه دبابيس و بعدها مطب يعنى لازم تنزل للاول عشان العفشة
و فى نص الطلعة ماحستش بحاجة و لقيت نفسى فى نص النزلة بتاعة الكوبرى ؟؟؟؟؟؟؟؟؟؟؟؟؟؟؟؟؟؟؟
و الناس بتفتح عليا الباب و تقولى احمد ربنا انك ما طرتش من فوق ؟؟؟؟؟؟؟؟؟؟؟؟؟؟؟
و السمكرى مصمم ان الحادثة على سرعة مش اقل من 120 كم ؟؟؟؟؟؟؟؟؟؟؟؟؟
مع انى و الله ما فاكر انى جبت السرعة دى و بصراحة مش فاكر حاجة اساسا
ووش العربية راح بس كل ده مش السبب اللى مضايقنى
اللى مضايقنى انى ما عملتش حاجة و لا كنت ماشى بسرعة و لا عارف اساسا ايه اللى حصل
و ال120 كم دول بتوع ايه و فى طلعة كوبرى ؟؟
و انا كنت فين ؟؟ الفرق ما بين الطلعة و فتح الباب عليا انا كنت فين ؟؟؟ و ما حسيتش باى خبطة و لا لخبطة فى العربية و لا اى حاجة خالص ؟؟؟
و من ساعتها خايف اسوق توك توك حتى .
و ماليش نفس اركب اى عربية
انا لما كنت بامشى 150 و اكتر و غرز و فرامل و كلام من ده كنت بابقى حاسس بالعربية و بنفسى
تيجى تعمل كده بالشكل ده ؟؟؟
طبعا الحمد لله على كل شئ انى كنت لوحدى و مش معايا الاولاد
و الحمد لله قضا اخف من قضا يعنى ما حدش عارف لو كنت باجرى او العربية سليمة كان زمانى رحت فيها
بس برضه خايف اتنيل اسوق تانى و مابرضاش اركب اى عربية (اسوقها يعنى )
و الادهى من كده انى بقيت اقعد خايف جنب اللى بيسوق

الف سلامه .