الموضوع: احلى قرى الساحل الشمالى...؟؟؟؟

بصى اغلب القرى خلاص شطبت والعماله اللى فيها روحت لانهم بدأو البيات الشتوى

ده حتى مارينا كان اخرها الاسبوع اللى فات واغلب الشواطئ والمحلات وكده قفلت خلاص لو رحتى دلوقتى حتلاقي مفيش صريخ ابن يومين

خليكى فى السخنه افضل حاليا

حسب انتى محتاجه ايه فى القريه دى عندك مثلا لو انتى من محبى الهدوء والخضره عندك قريه مرابيلا والمنتزه واليوم فيهم يبدا من 400 وانتى طالعه لو انتى عايزه حاجه اقتصاديه وهاديه عندك قرى زى عايده وحورس وهناك اليوم يبدا من 200 وانتى طالعه وفى برضه الكروان بس معرفش اسعارها ايه دلوقتى هتلاقيها فى نفس رنج عايده او اعلى شويه فى قرى كتييير محترمه بس اسعارها معرفهاش زى مرسيليا و السراب وسيدى كرير القوات المسلحه وتيباروز الدفاع الجوى
وفى قرى تانيه كتير بس حسب ميزانيتك وانتى عايزه ايه متوفر فى القريه نفسها وعايزه تبقى قريبه من ايه
وفعلا زى ميسو مبيقول ....*فينك يا راجل واحشنى والله....* الساحل من 15/9 بيبتدى يشطب والمحلات تصفى بضايعها

المشاركة الأصلية كتبت بواسطة eslamrace

وفعلا زى ميسو مبيقول ....*فينك يا راجل واحشنى والله....* الساحل من 15/9 بيبتدى يشطب والمحلات تصفى بضايعها

موجود يا عم بس كنت مش بدخل نت كتير ولما بدخل على المنتدى مش بدخل الاجتماعى عشان كده مختفى :)

وفعلا الناس لمت حاجتها ومشيت يعنى تقريبا مفيش خدمات وكافتريات والكلام ده
اللى بيروح هناك الوقت ده ياخد كل حاجته معاه ومستلزماته ويروح يستمتع بالهدووووووووووء والراحه والله احلى جو دلوقتى بس زى ما بقول لو عندك شاليه وحاجتك معاك ومش عاوز تشوف حد

المشاركة الأصلية كتبت بواسطة menna hassan

ايوه انا عارفة كده ......
لانى من زوار قرية اللوتس ومش بروح غيرها بقالى 3 سنين..
وهى فعلا هااااااااااااااايلة واقرب قرية لبورتو مارينا
واكتر قرية فيها خدمات متكاملة هى فى الكيلو 92
انا بس كنت عايزة اعرف هى اسعار باقى القرى ايه.......
وشكرا على اهتمامك

العفو
يبقى خليكى فى اللوتس لو حتروحى الايام دى
او جربى مارينا 2 وبلاش بورتو مارينا 2 افضل فى الخدمات والاسعار من رأيى وونس شويه والامن فيها كويس جدا وفيها كل حاجه انتى عاوزاها انتى والاسره ده فيه ناس عايشه هناك طول السنه عادى