استفسار بخصوص توضيب لانوس : شراء قطع الغيار من القاهرة أم من بورسعيد ؟

السلام عليكم زملائى الكرام
ليا صديق عايز يوضب عربيتة اللانوس (موديل 2000) وعايز يشتريلها الآتى (جديد مش استيراد) :
طقم دبرياج
طنابير أمامية وتيل
مسامير ميزان
مساعدين أمامى
وشوية حاجات تانية
وبصراحة أنا عندى 3 أسئلة :
1) هل حد قبل كدة جرب يشترى حاجات للانوس من بورسعيد ؟ بمعنى هل فرق السعر يستاهل المشوار ولا الأسعار متقاربة بين القاهرة وبورسعيد ؟
ولو فرق السعر يستاهل , ياريت تقولولى الحاجات دى تتجاب من عند مين فى بورسعيد (تكون حاجتة مضمونة وأصلية)
ولو الأسعار متقاربة , الحاجات دى يشتريها منين هنا ؟
2) ياريت لو حد من الخبراء يعرف الأسعار التقريبية للحاجات دى
3) وياريت تدلونى على ميكانيكى كويس يركب عندة الحاجات دى (فى القاهرة)
أرجو الأفادة وشكرا مقدما

متابع

معتقدش انه هيوفر حاجة
لانه هيدفع بنزين بس مش اقل من 80 جنية !

طيب فى حاجة مبهمة... طالما هوا هيشترى جديد.... ليه يروح بورسعيد..؟؟

وبعدين لو غير رأية وهيشترى إستيراد.... الحاجت اللى حضرتك كاتبها... متستهلش إنه ينزل بورسعيد ليها

اقتباس:

---

المشاركة الأصلية كتبت بواسطة jam

طيب فى حاجة مبهمة... طالما هوا هيشترى جديد.... ليه يروح بورسعيد..؟؟

وبعدين لو غير رأية وهيشترى إستيراد.... الحاجت اللى حضرتك كاتبها... متستهلش إنه ينزل بورسعيد ليها

---

كلام سليم جدا ربنا يكفينا الشر مشوار بورسعيد ده فى المصايب يعنى هاتجيب ربع او نص باللوازم الداخليه يعنى رايح تجيب من 20-30 % من اجزاء السياره ربنا يكفينا جميعا شر الطريق مادام هايجيب جديد ينزل التوفيقيه ويتوكل على الله

اقتباس:

---

المشاركة الأصلية كتبت بواسطة jam

طيب فى حاجة مبهمة... طالما هوا هيشترى جديد.... ليه يروح بورسعيد..؟؟

وبعدين لو غير رأية وهيشترى إستيراد.... الحاجت اللى حضرتك كاتبها... متستهلش إنه ينزل بورسعيد ليها

---

حضرتك هو دة بالظبط اللى باسأل علية , هل فرق السعر كبير بين هنا وبورسعيد بحيث يستاهل المشوار ولا لأ
وحضرتك كدة وضحت ان مافيش فرق كبير
شكرا جزيلا أخى الكريم

اقتباس:

---

المشاركة الأصلية كتبت بواسطة zomzom11

كلام سليم جدا ربنا يكفينا الشر مشوار بورسعيد ده فى المصايب يعنى هاتجيب ربع او نص باللوازم الداخليه يعنى رايح تجيب من 20-30 % من اجزاء السياره ربنا يكفينا جميعا شر الطريق مادام هايجيب جديد ينزل التوفيقيه ويتوكل على الله

---

شكرا جزيلا أخى الكريم على الرد

طيب حضرتك تعرف حد معين فى التوفيقية تكون حاجتة أصلية يروح علية على طول ؟

الجديد الاصلى هتلاقيه عند محل اسمه الهاشميه فى احمد سعيد او الصعيدى فى التوفيقيه او من عند منصور شفرليه فى الحى السابع

تحت أمر حضرتك...إحنا كلنا هنا لمساعدة بعضنا

حاجة بقى مهمة... أنا أغلب قطع الغيار بشتريها من التوكيل... والله فى بعض الأحيان بتكون أرخص من عند التجار اللى بره... ويكفى إنك هتشترى حاجة اصلى وإنتا مغمض

وبالنسبة للمساعدين... أنصحك وبشدة بالمونرو... هما أنشف من الأصلى بحاجة بسيطة... بس مناسبين جدآ جدآ للطرق اللى زى الحلاوة بتاعتنا.. وسعرهم فى حدود 400 جنيه للأمامى من عند لهيطة فى التوفيقية.. وفى واحد فى شارع شبرا عند الخلفاوى شفته بيشتغل فى المونرو

تقبل تحياتى
م/ أحمد نبيل

اقتباس:

---

المشاركة الأصلية كتبت بواسطة bravehorse

الجديد الاصلى هتلاقيه عند محل اسمه الهاشميه فى احمد سعيد او الصعيدى فى التوفيقيه او من عند منصور شفرليه فى الحى السابع

---

شكرا جزيلا على المساعدة والأفادة

تقبل تحياتى