لحد أمتى هنفضل نتمرمط و نتسرق فى المرور بالطريقة دى؟؟!!

**Ghosts** · 16-09-2012 05:33 PM

قال الواحد كان فاكر أن مصر هتتغير بعد الثورة اللى أنهت عصر الفساد ....
بأختصار يا جماعة أنا الأسبوع اللى فات رحت عشان أجدد رخصة العربية لاقيت أن عليا مخالفات ب 700 جنية

وياريت المخلفات المكتوبة دى أنا كنت فعلآ عملتها ....
دول كاتبين أنى عملت مخالفات فى أماكن عمرى ما رحتها ولا حتى سمعت عنها ....

المهم أنا قلت مش داااااااااافع و عايز أقابل وكيل النيابة ....
قالوا لى ومالو روح قابلوة فى مرور الدراسة ....

رحت مرور الدراسة الساعة 9 الصبح لاقيت بشر بالعبيط جايين يقابلوا معالى الباشا وكيل النيابة ....
ستات ورجالة كبار فى السن قاعدين على سلم المبنى اللى مفيهوش حتى مروحة و حر مووووووووت ....

كان فيهم ناس جايين من الساعة 7 الصبح عشان يقدوا يقابلوا وكيل النيابة بدرى لكن سعادة الباشا وصل الساعة 9 ونص و مكانش راضى يفتح الباب ويقابل الناس ....

بدأت الناس تصرخ و تهلل ....
اللى يقول أنا عليا مخالفات فى سنة واحدة ب 5000 جنية و اللى يقول 7000 ....

حسيت أنة مفيش فايدة من الأنتظار و رجعت تانى على المرور ودفعت ال 700 جنية ....
وفى كل شباك أروحة لازم أدفع رشوة للموظف اللى قاعد وإلا الورق مش هيمشى؟؟!!

يعنى دة يرضى ربنا يا ناس؟؟!!
تقدروا تقولوا لى أية اللى أتغير فى البلد من ساعة الثورة لحد دلوقتى؟؟!!

**amr.elsayed** · 16-09-2012 05:45 PM

لا يغير الله ما بقوم حتى يغيروا ما بانفسهم ..
هو حد قال الثورة دى سحر ولا شعوزة ..دى عايزة شغل من كل الناس والا ولا ليها اى لازمة لكن الناس مش عايزة
.....
وبعدين يا جوست انت رايح تدور على الثورة فى معقل الفلول ؟؟؟؟؟ !!!!