الموضوع: الي كنت خايف منه حصل وفعلا عربيه اتسرقت

حمدا لله على السلامة
لو تعمل بلاغ للمباحث بالمكان ويمكن يعملو حاجة ويقبضو عليهم

المشاركة الأصلية كتبت بواسطة ahmedsrs

شكرا على التنبيه

العفو يا باشا

المشاركة الأصلية كتبت بواسطة al_manara

ربنا يحفظك ويحفظ الجميع .
ومشكور علي التنبية . بس ليا ملاحظة
لفظ (والنبي) "من كان حالفا فليحلف بالله أو ليصمت"

العفو يا زعيم وشكرا علي المعلومه

المشاركة الأصلية كتبت بواسطة s o p h o s

جزاك الله خيرا
علي التنبيه ..

العفو يا باشا

المشاركة الأصلية كتبت بواسطة assaf

الف شكر علي التنبيه

العفو يا زعيم

المشاركة الأصلية كتبت بواسطة mhabib86

ربنا يسترها علينا جميعا

امين يارب

المشاركة الأصلية كتبت بواسطة ahmed_adham

لازم تعمل محضر - قلتهالك فى الموضوع اللى فات وهقولهالك فى الموضوع ده كمان. تكرار البلاغات فى منطقه معينه هوه اللى بيخلى الشرطه تعرف ان فيه عصابه منتظمه فى الحته دي.

وحمد الله على سلامتك...

عملت بنصحك ياباشا وبلغت جدي عمده بلدنا وهوا هيقوم بللازم ويوم ما بلغته ماشي من البلد 1 بليل حصل علي كوبي بردين حوار التثبيت برضه ضربوا واحد بالرصاص في وركه وخدوا عربيته و 100 الف جنيه الحمد لله ان ربنا سترها معايا لانها كانت في نفس التوقيت الي ماشي فيه بس الحمد لله اني نزلت من تحت الكوبري
بص ملحظه صغيرة كده ده كله حصل بعد ما وائل فلاحه مشي وده الي ماسك قسم تاني عندنا

المشاركة الأصلية كتبت بواسطة elawany13

ياساتر يارب
اللهم استرها معانا ومعاك

امين يارب العالمين

المشاركة الأصلية كتبت بواسطة rmhb

الحمد لله ان انت بخير

بس قللى مش الساعة 12 ونص يعنى تعتبر بدرى شوية فى الصيف واللا ايه

بدري مين يا باشا ده الارياف مبيلحقوش يصلو العشاء اصلا بينامو الساعه 8-9 بالكتير وغير كده طرق الارياف معظمها فاضيه مبالك بقي في توقيت زي ده

المشاركة الأصلية كتبت بواسطة ahmed-moga

الحمد لله ان ربنا نجاك منها وطلعت منها بالسلامه
الموضوع ده انتشر بشكل بشع وبقي شغله البلطجيه وبقوا بيطلبوا اسعار مبالغ فيها وبترجع العربيه بعد كده متنفضه تماما ياريت ياجماعه اللي اتعرض لموقف زي ده او صديق ليه او جار اتعرض له يحذر منه ويقول علي الأماكن ومبدئيا خليكم في الزحمه واقفلوا السنتر بتاع الأبواب وتجنبوا الوقت المتأخر والطرق المظلمه الفاضيه لأنها بتكون انسب اماكن يتعمل فيها الكمين علشان يلحقوا يثبتوا ويجروا ومفيش حاجه تعطلهم والطريق يكون مفتوح قدامهم نفسي يكون معايا ار بي جي علشان انسف الناس دية الناس دية معندهاش شفقه ولارحمه في قلوبهم انا شوفت اكثر من موقف مأثرين فيه لحد دلوقتي وكانوا في رمضان واحد لقيته جاي عمال يصوت وعايز موبيل يتكلم بأي شكل كنت فاكره حرامي الأول لأن شكله متبهدل وغرقان دم واديته الموبيل وانا متردد لقيته بيتصل بأهله علشان يدوله رقم واحد من اقاربه علشان له معرفة برئيس المباحث علشان يرضوا يعملوله محضر علشان كانوا مش راضين بيقولوه وهنعملك ايه يعني استني لحد مايتصلوا بيك ويتفقوا معاك الراجل ده ثبتوه تحت كوبري مسطرد بعربيه نص نقل فيها 6 اشخاص معاهم اسلحه آليه ووقفوا قصاده وراحو ضاربين نار عشوائي واصابوا اتنين وضربوه بكعب السلاح في دماغه بعد ماثبتوه وخدوا منه العربيه والموبيل الراجل كان معاه هونداي اكسنت ار بي وشايل ايس بوكس فيه اكياس دم كان شاريهم علشان مراته ربنا يشفيها يارب هي واللي زيها عندها مرض خبيث ومحتاجه دم وكان رايح يودي الأكياس دية المستشفي وقعد يعيطلهم ويقولهم خدوا كل حاجه و سبولي اكياس الدم راحوا فتشوه وخدوا كل اللي معاه ومرضوش يدولوا الأكياس لأنه كان ملهوف عليها وقالوله دية لوحدها تمنها 3000 جنيه والله العظيم انا بكيت جدا لما سمعته عمال يبكي وهو بيحكي في التليفون وعمال يقول مراتي هتموت لو مرحلهاش الدم النهارده حسبنا الله ونعم الوكيل ربنا ينتقم منهم اشد انتقام
وانا هبدأ واقولكم علي كام مكان
الطريق الدائري وخاصة دائري شبرا الخيمه في الطلعه --تحت كوبري مسطرد وانت رايح بلقس علشان تاخد اليوتيرن وتخش لمسطرد والله العظيم كمين الشرطه بيبقي فوق وهما عاملين كمين تحت واكتر من 10 مرات ناس اتثبتت في الحته دية اخرهم جاري باردو تحت كوبري مسطرد اتاخدت منه هونداي النترا هاي لاين 2012 ودفع 40000 الف جنيه و1000 جنيه تأمين خروج ولو مدفعش التأمين هيثبتوه تانيه وياخدوها منه ويدفع 20000 الف جنيه تاني -----تحت كوبري السواح والطريق من جنب كوبري السواح علشان يدخلك علي طريق ترعة الأسماعليه والطريق ده كله لحد بنزينة موبيل باردو خطر جدا زائد من بعد نزلة كوبري السواح وانت رايح لمسطرد ----- طريق مزرعة البط وعزبة المرجوشي صاحبي احمد عبد الرحيم عنده 35 سنه وعنده طفلين طلعوا عليه وحاولوا يوقفوه فامرضاش يقف راحوا ضاربين عليه نار من اسلحه آلي وقتلوه ربنا يصبر اهله
ياريت ياجماعه اللي ساكن في منطقة شبرا الخيمه وخاصة شبرا الخيمه تاني يحفظ اسماء الأماكن والأماكن دية ويتجنبها ليل ونهار والله المستعان عليهم وربنا يورينا فيهم يوم اسود حسبنا الله ونعم الوكيل

ينهار ابيض ربنا يستر طرقنا وطريق ده في بلاوي و الواحد مش حاسس و
ويلاهوي والله انا لو مكان الراجل الي حضرتك حكيت عليه والله لكنت مثلت بجثتهم واحد واحد يارب بس كده ربنا يكرمني ي حقوق وابقي وكيل نيابه ويارب حد منهم يقع تحت ايدي ان ملبستوش اعدام ميبقاش انا احمد بس يارب نولهالي
والمفروض الشرطه تشد حلها شويه يعني قاعدين مامنين مداخل الزقازيق كلها بس في طرق تدخلك من غير ما تعدي علي اي كمين وخصوصا من ناحيه طحله بردين
____________________
سؤال عمومي بقي هو انا لو طلع عليا حاجه من دول ومثلا وقعت العربيه في الرشاح وموقفتش
لو مت غرقان او لو طلعت قتلوني ابقي شهيد؟؟

المشاركة الأصلية كتبت بواسطة amrico

الحمد لله على سلامتك

الله يلم حضرتك

المشاركة الأصلية كتبت بواسطة mesaharaty

بالضبط كده والتحذير مرة أخرى من منطقة مسطرد

بالأمس واحد صديقى بقالى أسبوع ما شفتوش بيصلى معايا فى الجامع قعد حكالى حكايته :
هو عنده عربيتين واحدة تويوتا 2008 أو 2009 تقريبا والتانية نيسان سوبر صالون موديل 2012
المهم هو ادى العربية التويوتا لواحد صاحبه يروح بيها مشوار فى منطقة السواح وهو راجع عربية بيجو كسرت عليه ووقفته ونزل منها 3 مسلحين بالألى وضربوا نار على رجله (تهويش ولم يصب) وخدوا منه العربية والتليفون وكمان 8 آلاف جنيه كانوا معاه .
الغريب فى الموضوع بقى إن الراجل فضل واقف فى مكانه والشرطة جت له وركب معاهم البوكس ومشيو لغاية ما خلصو طريق مسطرد بحثا عن العربية وهمه رايحين اتصلوا بتليفون الراجل (اللى اتسرق مع العربية) فرد عليه احد اللصوص وطلب منه 10 آلاف جنيه وييجى يستلم العربية ، الراجل اتصرف فى المبلغ وراح لهم ودفع وسلموه العربية كالآتى :
سرقوا الإستبن والكوريك والكاسيت وأطلقوا النار على الأربع فرد وبوظوهم خالص .
الراجل راح يستلم عربيته من قسم تانى شبرا الخيمة بعد ما ونش الشرطة رفعها ووداها هناك والراجل خد معاه أربع فرد من عربية تانية عند بيته وراح ركبهم فى العربي واستلمها بما فيها من تلفيات .

ربنا على الظالم والمفترى
اللهم اضرب الظالمين بالظالمين وأخرجنا من بينهم سالمين

يا ساتر يارب مسطرد ملها فيها حورات كتير ليه
انا برضه كان جالي تلفون غريب عن عربيتنا المسروقه من 2008 السنه الي فاتت وكان علي طريق مسطرد برضه ليكونش عايزين التانيه
و
امين يارب يارب اجعل كيدهم في نحرهم

المشاركة الأصلية كتبت بواسطة benmatar

حمدا لله على السلامة
لو تعمل بلاغ للمباحث بالمكان ويمكن يعملو حاجة ويقبضو عليهم

بلغت جدي واهو عمده بلدنا بقي وهوا هيعمل اللازم

تحذير من كوبري بردين
وانا راجع من البلد الساعه واحده بليل من حوالي 3 ايام قبلت جدي وبلغته بالي حصل
ولما بقي وصلت الزقازيق لقيت جدي متصل علي بابا بتاع 15 مرة كده ولما رد

قاله شوف ابنك يا اشرف فين ؟
ليه في ايه؟
ابنك لسه ماشي من حوالي نص ساعه وحصل كذا كذا علي كوبري بردين
اييييييه ؟ وقلق
وقفل معاه بسرعه لسه هيكلمني لقاني في وشه
ول كلمه قالهالي
الحمد لله
ملعون ابو الفلوس لابو الكلب
وحكالي علي الي حصل وطبعا من سعتها وانا مش راضي اروح اجيب الايراد من البلد