صديق ليا عندو الفتيس فيه نتشة راح التوكيل قالولو يغير الفتيس لو في حد يعرف ميكانيكي كويس يا ريايت يقولي؟
عرض للطباعة
صديق ليا عندو الفتيس فيه نتشة راح التوكيل قالولو يغير الفتيس لو في حد يعرف ميكانيكي كويس يا ريايت يقولي؟
نتشة إزاى يعنى مع النقلات ولا إيه بالظبط أصل نتشة عن نتشة تفرق فيه نتشة وفيه هبدة ورزعة
وبتحصل إمتى بين الغيارات مثلا ولا فى بداية التحرك عشان الناس تقدر تفيدك
هي هبدة في الفتيس و هو بجيب على الدي بتهبد مع رجة جامدة في العربية كلها و بتعمل نفس الحركة و هي بتنقل من الاول للتاني و ساعات اخر نقلة بتعلق و غالبا بيحص اكتر وهو مشغل التكييف
شوف خد كلامى دا كتخمين مش أكتر لأنى مش خبرة فى الأعطال الميكانيكية
ممكن يكون قواعد فتيس أو شداد موتور أو قواعد موتور
ممكن يكون سولونيد فتيس عندنا فى الميجان أعراضه إن الهبدة بتحصل بين الغيارات خصوصا الأول والثانى
واحد تانى قال ممكن يكون مسامير الكوبلن الداخلى مش مربوطة
واحد قال سويتش النقلات
وإنتظر آراء الملاك
انا العربيه عندي بتنط ما بتاخدش النقلة بسلاسه لا بتنط كده بس ما فيهاش اي ترزيع
كورسا الجديدة اتوماتيك. .... وللاسف ما فيش حد من صحابي معاه نفس العربيه علشان اقدر اعمل مقارنة
إنت لازم تروح التوكيل خصوصا العربية جديدة
حتى لو لا قدر الله الفتيس هو اللى بايظ هتروح التوكيل هيتكلف كتير هاته استيراد احسن
الراجل بيقولك العربية جديدة ممكن يكون لسة فى الضمان
لو الكلام عليا ففعلا عربيتي ما كملتش 3000 كيلو.
العربيه بتنط بين الاول والتاني وما بتاخدش الغيار بسلاسة. وفي حاجه كمان اكتشفتها.
لما بكون علي سرعه 30. واشيل رجلي من البنزين وادوس تاني. العربيه بتنتش وبحس برزعه او خبطة فيها.
بتحصل علي سرعة تلتين بس مش اي سرعه تانيه. ..
سؤال بعد اذنكم. لو العربيه اتوماتيك وانا علي مطلع قاسي. وجايبها علي ال D. هل ممكن تريح لورا وترجع. ولا مهما كانت قسوة المطلع العربيه لا يمكن ترجع طالما علي ال d
اول شى لاازم العربية تتحط على جهاز كشف الاعطال علشان نعرف الكود اللى طالع
بيقول ايه عند اى مركز عنده الجهاز ويكون نازل عليه موديل السنة
الاحتملات ...
ضقيرة فتيس - كنترول يونت - فالف سونليت