السلام عليكم
ممكن الناس اللى شغاله فى مجال هندسه حاسبات تقول لى سوق العمل عامل ازاى ؟
عشان انا محتار ادخل حاسبات واللا اتصالات ! :36_7_4[1]:
انا فى عين شمس
و بفكر فى حاسبات بس Hardware مش software
و شكراً :213-1107231241[1]:
عرض للطباعة
السلام عليكم
ممكن الناس اللى شغاله فى مجال هندسه حاسبات تقول لى سوق العمل عامل ازاى ؟
عشان انا محتار ادخل حاسبات واللا اتصالات ! :36_7_4[1]:
انا فى عين شمس
و بفكر فى حاسبات بس Hardware مش software
و شكراً :213-1107231241[1]:
اتصالات مجالها اوسع و لو هاردوير يبقى اتصالات مش حاسبات
حاسبات ممكن تشتغل في الـ embedded systems
وخليك حاسبات عشان المستقبل كله حاسبات ، وهتدرس اللى انت عايزه من اتصالات ، digital communication وخلافه ...
في حاسبات هتتعلم computer architecture صح و programming صح
ومفيش حاجة اسمها هاردوير بس لان الهاردويرر مالوش لزمة من غير سوفتوير ، يعنى لو بقيت مهندس في الـembedded مثلا يبقى لازم تبقى قوى في الـC والـ VHDL و RTOS و و و و..
ومش هقولك بقى الـ embedded linux وده ليلة لوحده ...
وطبعا الـ microcontrollers معاك ولعبتك
انما اتصالات هو كورس ccna و gsm و الكلام ده ، وتلم الحاجات اللى بتشغل اتصالات في السوق
غير كدة في الكلية هتلاقى عك مالوش لزمة في اتصالات عن الـ waves والـ antenna والتلفزيون والراديو والهجص ده ..
من الاخر لو عايز الجد العملية ما بتتوقفش على القسم تتوقف على الشخص نفسه ، يعنى اللى انت بتحبه هتذاكره وتكمل فيه حتى لو مش خدته في الكلية او في قسمك ( وده اللى بيحصل غالبا هههه ;)
ربنا يوفقك بس صدقنى المستقبل كله حاسبات وكله دلوقتى بقى سوفتوير بينزل على chip او kit وشكرا ، ما بقاش فيه الهاردوير بالمعنى بتاع زمان
واسف للاطالة
بما إنى كنت هندسة عين شمس- حاسبات . و الحمد لله كنت عاوزاها من صغرى .
فأنت محتاج تدرس فى الجامعة كل ما يتعلق بالبرمجة و الهاردوير . و انت تتعلم البرامج على حسابك بره فى كورسات و تعمل مشاريع . مش لازم تربط نفسك بدراستك فى الجامعة لأنها ما هى إلا بداية . كلنا عملنا كده كملنا دراسة أكاديمية . أما الشغل العملى فكله لازم تذاكر له أو تاخد كورسات .
بالنسبة للشبكات أو التحكم الالى . طبعا التحكم الالى كويس . بس مجالاته فى مصر مش كتير الحقيقة . يمكن قسم ميكاترونكس يكون مطلوب اكتر .
بالنسبة لشبكات فأنت محتاج تكون عندك خبرة و certified طبعا .و أنا شايفة شوية أن مجالها مزدحم حاليا و فى تشبع فى السوق. فنصيحة شوف سوق العمل محتاج ايه و أبدأ أدرسه . و عود نفسك تكون fixable فى أى وقت تحتاج تغير المجال لمجال قريب منه مثلا ميكروسوفت و أوراكل وهكذا .
بالنسبة لاتصالات . فكل الطلبة بتعمل كده بيكونوا كلهم عاوزين يدخلوا اتصالات وخلاص . الفكرة أنت حابب تدرس ايه و تكمل ايه ؟ مش عشان زمايلى كلهم دخلوا اتصالات و فيه الاوائل فأدخل أنا كمان . لأ لأن ده أسلوب تفكير غلط . أنت ممكن تدخل اتصالات و ماتحبش مجال الدراسة فيها .
فحدد بالظبط أنت عايز تكمل فى ايه و ادرسه و خد فيه كورسات و خبرة كويسة عشان تتميز فى مجالك
و بالتوفيق
يا باشا مفيش اختلاف ولا حاجة
انا طبعا ما لفيتش جميع اقسام اتصالات في كل الكليات عشان اعمم ، انا بقول حاجة صادفتها فعلا
يعنى اللى انا قلته ده موجود فعلا في كلية ما .. ، ومش لازم يكون هو ده الحال في كله ..
وعايز اقولك انهم كانوا في سنة رابعة بيدرسوا فكرة عمل التليفون القرص :d
ويعنى يوم ما القسم يكون جامد اوى وبيواكب العصر ، يجيلهم دكتور كدة ما جابتوش ولادة ويشرح gsm :d
انا فعلا بتمنى تعرفنا اي معلومات مختلفة عن ما يتم تدريسه في قسم اتصالات في الكليات الاخرى للافادة :)
ممكن تشتغل في الـ embedded systems
وممكن تشتغل في الـ software developing
وممكن تشتغل في الـ Data networks
وممكن تشتغل في الـ IT
وبالمناسبة أنا خريج حاسبات وشغال في الأتصالات
أنا رأيي خليك حاسبات مجالتها كتيرة ورائعة بس لازم تحدد أنت عايز إيه بالظبط ممكن في تالتة عشان تطور نفسك فيه
حاجة تانية سيبك الناس عايزة إيه والأوائل هيدخلوا اتصالات والجو ده وشوف أنت عايز إيه
إحنا عندنا الأول على الدفعة الخمس سنين كان حاسبات (ما شاء الله)
هو انت كلية ايه؟
اتصالات بيدرس ٥ فروع: اتصالات وده ليه علاقه بالشبكات و المحمول و حاجات دى
الكترونيات و ده ليه علاقه بتصميم الدواير و الميكرو الكترونيكس
حاسبات و غالبا بيبقى ليه علاقه ب computer architecture و assembly و سوفتوير و شغل embedded
تحكم
موجات
كل كليه بتلاقى فيها فرع او اتنين او تلاته (حسب الكليه) اقوى من الباقى و بتفرق برضه حسب دكتور الماده
ارجع لكلمتك ... اللى عايز يبنى نفسه هو المسئول و يقدر يطور فى الحاجات اللى بياخدها واللى مبياخدهاش
بالنسبه ان بقالى ١٣ سنه فى السوق اقدر اقلك ان خريج اتصالات عنده base اوسع من حاسبات و يقدر يشتغل فى اى حاجه من الفروع الخمسه اللى فوق بمعنى بتاع اتصالات لو عنده programming skills يقدر يشتغل embedded و يتفوق انه عنده هاردوير اعلى .... بس عمره ما هيفكر زى بتاع حاسبات لان بتاع حاسبات درس بطريقه مختلفه ..... الخلاصه شغل الطبيعي ٩٠ فى الميه من الحالات بتاع اتصالات يقدر يشتغل فى نفس مجال بتاع حاسبات بينما العكس مش صحيح بتاع حاسبات يشتغل مكان اتصالات فى ٥٠-٦٠ فى الميه من الحالات بس
فى بعض الاحيان البسيطه بيكون مطلوب خريج حاسبات بس
انا مش بقول مين احسن من مين ..... انا بس بوضح سوق العمل باصص للاتنين ازاى
بالمناسبه انا اتصالات و شغال فى شركة سوفتوير بس شغلانه ليها علاقه بالالكترونيكس و بتكلم وانا شايف مهندسين اتصالات و حاسبات قدامى و شايف بيشتغلو فى ايه و بيطلبو ازاى
من وجهة نظر الالكترونكس كلامك صح جدا ، اتصالات هيبقى افضل لانى اعتقد ان في الكليات العادية اتصالات بيشمل الكترونيات .. بس مش متأكد اوى ..
انا كليتى كانت هندسة الكترونية يعنى فرقة اولى وتانية كلهم الكترونيات وحاسبات وتحكم واتصالات مع بعض (عام) وتالتة ورابعة بس هى اللى تخصص حاسبات او اتصالات او تحكم فمكنش عندى اي مشكلة في موضوع الالكترونيات والكهربا ، وعشان كدة نسيت النقطة دى في المقارنة عموما ..
يعنى اانا مثلا بالنسبة لى شايف ان في اولى وتانية خدنا اساسيات كويسة جدا في الالكترونيات و الاتصالات والتحكم الى حد ما ، انما في البرمجة مثلا ( اللى هى عصب كل حاجة اساسا دلوقتى ) مش اوى ، فعشان كدة كنت شايف قسم حاسبات افضل وهيكمل الناقص ..
كمان حاسبات ميزته انه بيشتغل في اماكن كتير اكتر من اتصالات لان شغل الامبدد والالكترونكس في مصر وحتى الموبايل والانترنت ( لان اغلبه عند مزودي الخدمة فقط ودى شركات معدودة ) مش بنفس كمية شغل الاي تى مثلا او الداتابيز ، او حتى الويب ديفيلوبمنت والسوفتوير ديفيلومبنت عامة و طبعا شغل الشبكات بيشتغل فيه اتصالات وحاسبات ، فحاسبات معاك في كل حتة
كمان زي ما قلت قبل كدة الاتجاه في التكنولوجيا حاليا زي ما كلنا شايفين رايح لـ embedded operating system وكلام من ده ، يعنى مش مجرد دايرة الكترونية وترنزستورات عادية و transmitter و receiver أو حتى ميكروكنترولر ...
فده محتاج واحد فاهم يعنى ايه OS ويعنى ايه process و thread و kernel و memory management مثلا ، ودى حاجات اعتقد ماحدش هيفهمها اكتر من مهندس الحاسبات ، ولو اساسا كان دارس الكترونيات هيبقى مالوش حل فعلا بالذات لو ملم بكل الحاجات دى مع بعض وبنفس التعمق
فخلاصة الكلام عشان انا حاسس انى مش مرتب كلامى اوى انى دلوقتى مقتنع بوجهة نظرك في الحالة العامة ان اتصالات هتبقى افضل في حتة الالكترونكس والهاردوير بشكل عام ، وانا فعلا كنت ناسى النقطة دى خالص لانى زي ما قلت في الاساس كنت هندسة الكترونية وتخصص الحاسبات كان اخر سنتين بس ،
يعنى ممكن نقول حاسبات هتكون افضل فقط في حالة دراسة الالكترونيات مسبقا ، والله اعلم .. .
الكلام ده صح جدا و عشان كده قلتلك ان فى نسبه (للاسف بالنسبه للسوق اللى انا شايفه) مش كبيره بتكون عايزه حاسبات و بس عشان الكلام اللى انت كاتبه ده ... بس خلى بالك ان ممكن بتاع اتصالات لو حابب موضوع الحاسبات و بيركز على كورسات ال architecture يبدأ يطور نفسه فى المجالات اللى انت كاتبها فوق (و ده عن تجربه شخصيه و من خلال ناس شايفهم قدامى)
و للاسف تانى فى 90% من المطلوب فى مجال حاسبات ممكن اتصالات يشتغلو ...
ربنا يوفق الجميع
خليك في حاسبات وهي مش بتدرس هاردوير خالص لان سوقه في مصر تعبان مش قد كده او علي الأقل مش زي السوفتوير ومرتباته حلوه قوي
ياتروح خاسبات عين شمس او الأفضل القاهره غير كده يبقي بلاش حاسبات خالص
شكراً ليكم على المساعده :d
انا خلاص هدخل حاسبات ان شاء الله و ربنا يوفقنى فى القسم ده
حاسبات 4 اقسام ودوول اللي في القاهره وباقي الجامعات شبهها
1- Computer Science
Core Progamming concepts, OS, Compilers, Artifical Inteliigene, Software Engineering concepts, networking, multimedia, database
2- Information Technology
Networking & Multimedia
3- Information System
Databases, data mining
4- Operations Research and Decisions Support
Business intelligence