الموضوع: اية الفرق بين لادا 2105 / 2107

الفرق فى الشكل ومش كتير يعنى الشبكه الاماميه الطابلوه من الداخل السعه التريه يعنى هتلاقى لادا 2105 الموتور 1200 وممكن1500ccاما 2107تلاقى 1500و1600ccقطع الغيار سهله ومافيش فرق كبير يعنى فى قطع غيار تركب على الاثنين بس مافيش غير كده فى الفرق الروسى هتلاقى السياره فيها كمليات عن المصرى زى الانجكشن او ازرع تغيير مسار الهواء فى التابلوه الاكسدام استنلس بس المصرى الاكسدام انتومونيا وانشف من الروسى الصيانه اى ميكانيكى تعبان يشتغل فيها مشكلتها السخونه فى الصيف اما فى الشتا جباره استهلاك الوقود كل 200كم صفيحه ممكن بنزين 80 او 90 كله ماشى دايما لما تيجى تغير الزيت يكون 20w50وده افضل زيت لها والله الموفق

المشاركة الأصلية كتبت بواسطة mekawy2000

الفرق فى الشكل ومش كتير يعنى الشبكه الاماميه الطابلوه من الداخل السعه التريه يعنى هتلاقى لادا 2105 الموتور 1200 وممكن1500ccاما 2107تلاقى 1500و1600ccقطع الغيار سهله ومافيش فرق كبير يعنى فى قطع غيار تركب على الاثنين بس مافيش غير كده فى الفرق الروسى هتلاقى السياره فيها كمليات عن المصرى زى الانجكشن او ازرع تغيير مسار الهواء فى التابلوه الاكسدام استنلس بس المصرى الاكسدام انتومونيا وانشف من الروسى الصيانه اى ميكانيكى تعبان يشتغل فيها مشكلتها السخونه فى الصيف اما فى الشتا جباره استهلاك الوقود كل 200كم صفيحه ممكن بنزين 80 او 90 كله ماشى دايما لما تيجى تغير الزيت يكون 20w50وده افضل زيت لها والله الموفق

شكرا على سرعة الرد والمعلومات المفيدة وهل فى مشكلة فى المصري عن الروسي ولا زي بعض؟؟؟

المشاركة الأصلية كتبت بواسطة SYD

زي ماقال مكاوي
الفرق في الشكل
اولا في علبة العدادات 2105 مافيهاش ار بي ام ال2107 فيها ار بي ام وعداد استهلاك الوقود
الشبكة الأمامية والكبوت
فرق بسيط اوي في الشنطة
عصاية الفتيس
الدريكسيون
الفانوس الخلفي
ال2107 فيها ساعة في منتصف الطابلوه
الكراسي والكنبة الخلفية (كراسي ال2107 طيارة)

الفرق في المحركات
ال2015 الثمانينات كانت 1500 التسعينات نزلت تركي 1200 كاتينة كاوتش
ال 2107 1500 و 1600 كاتينة جنزير

فرق المصري عن الروسي
اولا الأكصدامات والباكتات علي الأبواب وطاسات العجل والجنط ايضا مختلف
ثانيا تغذية الوقود في الروسي انجيكشن مع المحرك ال1500
ثالثا احزمة امان خلفية في الروسي
رابعا سعر اعادة البيع لصالح الروسي
خامسا ايريال الراديو في الروسي بيبقي في الرفرف الخلفي اما في المصري فهو راكب علي القايم

اعتقد مفيش اي فروقات اخري

بالنسبة للصيانة - اي ميكانيكي بيعرف يشتغل فيها وان كان في بعض الأشياء احيانا بتحتاج ميكانيكي لادا زي ظبط الأسبراتير والتقسيمة وضبط التاكيهات

عربية قوية جدا ومريحة جدا وموفرة جدا جدا جدا

تحياتي

مشكوووور على التاكيد والمعلومات الدقيقة بس ممكن سوال بسيط هوا انا ممكن اركب عداد rpm فى 2105 ولا لازم اغير التابلوة كلة ولا مينفعش اصلا؟؟؟؟؟