لوجي اللي مكملتش أسبوعين اتبهدلت

الحمد لله رب العالمين .. أكيد ربنا دفع شر أكبر ..
أنا جبت لوجي يوم الخميس قبل اللي فات .. و ديه أول عربية أركبها من ساعة ما اتعلمت السواقة ..

لسه امبارح الفانوس الأمامي بتاعها ااتكسر تماما .. و السوكة بتاعة الكابوت ديه اتعوجت ..
الحمد لله أنا لسه مأمن عليها .. بس لسه مرخصتهاش ..

قالولي أستنى أسبوع و أروح التوكيل عشان بس تبقى الوثيقة بتاعة التأمين سارية ..

دلوقتي السؤال .. موضوع الفانوس ده ممكن يأثر على الترخيص و لا لأ .. و هل فيه علاقة بينه و بين التأمين ؟؟

و بجد هو ممكن العربية ترجع زيرو تاني ؟؟
أصلي زعلان أوي على العربية إنها لسه جديدة و بقت خردة كده ...
بجد فعلا لو وديتها التوكيل هترجع تاني زيروو ؟؟ و لا برضه هيبقى فيه أثر ؟؟

الحمد لله على كل شيء

انا اول ماستلمت العربية نزلت لقيتها مرتين مخبوطة علطول شيلت الاكياس من الكراسي

اقرأ المعوذات دايما وربنا يحفظنا

قول الحمد لله اى حاجة فى العربية بصفة عامة
خدها قاعدة طالما بعيدة عن الشاسيه اى حاجة بسيطة اهم حاجة فى العربية الشاسيه
وانت بتقول فانوس وسوكة وكلام بسيط ان شاء الله
هى عين وخلاص خدت الشر وراحت
والحمد لله انت بخير وما تزعلش
من شاف بلوة غيره هانت عليه بلوته

فعلا حتت انك تسيب اكياس العربيه دي بايخه اوووووي بتفكرني بفيلم محمد هنيدي لما يقولي اسيب التكت اللي علي الهدوم عشان ماتقلش من تمانها :d xd .. اللي عاوز يحافظ علي عربيته يجبلها فرش نضيف وارضيه نضيفه .. وطبعا اولا واخيرا تحمد ربنا اي عربيه جديد لازم تحصل فيها حاجه عشان تغزي بيها العين .. في المرور هيتكلمو علي الكشاف .. تحاول تغيرو قبل ماترخص ومعتقدش ان التامين ليه علاقه لان دي حاجه بسيطه يعني مش كل مالعربيه تتجرح يروح يرشلك مكان الخدش فا ده هتغيرو انت فالتوكيل وحاول تسيب العربيه لو فيخدش ولا حاجه صدقني العين بتفلق الحجر وربنا يباركلك فيها ويكفيك شرها واسف للاطاله

ياعم الحمد لله حاجات بسيطه

انا بعد ماجبت العربيه بشهرين اتقلبت بيها واتبهدلت العربيه فعلا كلفتنى تصليح 40 الف جنيها

يعنى الحمد لله على كل حال ........... وبلاش السرعه العاليه بالعربيه

اقتباس:

---

المشاركة الأصلية كتبت بواسطة bkaltalamana

فعلا حتت انك تسيب اكياس العربيه دي بايخه اوووووي بتفكرني بفيلم محمد هنيدي لما يقولي اسيب التكت اللي علي الهدوم عشان ماتقلش من تمانها :d xd .. اللي عاوز يحافظ علي عربيته يجبلها فرش نضيف وارضيه نضيفه .. وطبعا اولا واخيرا تحمد ربنا اي عربيه جديد لازم تحصل فيها حاجه عشان تغزي بيها العين .. في المرور هيتكلمو علي الكشاف .. تحاول تغيرو قبل ماترخص ومعتقدش ان التامين ليه علاقه لان دي حاجه بسيطه يعني مش كل مالعربيه تتجرح يروح يرشلك مكان الخدش فا ده هتغيرو انت فالتوكيل وحاول تسيب العربيه لو فيخدش ولا حاجه صدقني العين بتفلق الحجر وربنا يباركلك فيها ويكفيك شرها واسف للاطاله

---

اصل الواحد كان اول مرة يجيب عربية زيرو من المعرض وفرحان وكده :shyy:

بس الخبطات ده نكدت عليا بجد

اقتباس:

---

المشاركة الأصلية كتبت بواسطة bkaltalamana

فعلا حتت انك تسيب اكياس العربيه دي بايخه اوووووي بتفكرني بفيلم محمد هنيدي لما يقولي اسيب التكت اللي علي الهدوم عشان ماتقلش من تمانها :d xd .. اللي عاوز يحافظ علي عربيته يجبلها فرش نضيف وارضيه نضيفه .. وطبعا اولا واخيرا تحمد ربنا اي عربيه جديد لازم تحصل فيها حاجه عشان تغزي بيها العين .. في المرور هيتكلمو علي الكشاف .. تحاول تغيرو قبل ماترخص ومعتقدش ان التامين ليه علاقه لان دي حاجه بسيطه يعني مش كل مالعربيه تتجرح يروح يرشلك مكان الخدش فا ده هتغيرو انت فالتوكيل وحاول تسيب العربيه لو فيخدش ولا حاجه صدقني العين بتفلق الحجر وربنا يباركلك فيها ويكفيك شرها واسف للاطاله

---

معلش .. يعني ممكن العربية متترخصش عشان الكشاف ؟؟
أصل بالشكل ده يبقى هتأخر أوي في الترخيص .. لأني لسه هوديها التوكيل و شغلانة .. و لا هو الموضوع بسيط و لا إيه النظام ؟؟

اقتباس:

---

المشاركة الأصلية كتبت بواسطة blackhorse123

ياعم الحمد لله حاجات بسيطه

انا بعد ماجبت العربيه بشهرين اتقلبت بيها واتبهدلت العربيه فعلا كلفتنى تصليح 40 الف جنيها

يعنى الحمد لله على كل حال ........... وبلاش السرعه العاليه بالعربيه

---

ياااه
بجد الحمد لله فعلا ..

لو الكشاف موجود في التوكيل يبقي مش مشكله طول مافلوسك حاضر مافيش حاجه هتقف معاك

انا عن نفسي بنصح اي حد يجيب حاجه جديده (عربيه /بيت ) لازم يدبح حاجه عشان يغزي بيها العين

انا كنت برخص قبل كده لادا عشان فنوس اشاره بتاعة الجنب ب 2 جنيه المهندسه ماكنتش عاوزه تمضي رحت للظابط وطلع معرفه واتوصالي عند المهندسه مبالك بقي كشاف وانت كده كده هتغيره اكيد مش هتمشي بعربيه زيرو عوره مثلا ولا انت ايه رأيك

ياسيدى الفاضل العربية زيرو يعنى كل اللى انت حتعمله أنك حتروح ترخص على طول و الراجل حيرفغ رقم الشاسيه و الموتور بص و لا بيفحص ولا حاجة أهم حاجة أنك تأخد بالك أن الغربية غاطسة لتحت يعنى أنت مش بتشوف أبعادها لازم تتخيلها بالنسبة للفانوس أعتقد أن في تركى و لازم تسمع نصيحة الأخوة في المنتدى بلاش السرعة العالية

اقتباس:

---

المشاركة الأصلية كتبت بواسطة adel_edrees

ياسيدى الفاضل العربية زيرو يعنى كل اللى انت حتعمله أنك حتروح ترخص على طول و الراجل حيرفغ رقم الشاسيه و الموتور بص و لا بيفحص ولا حاجة أهم حاجة أنك تأخد بالك أن الغربية غاطسة لتحت يعنى أنت مش بتشوف أبعادها لازم تتخيلها بالنسبة للفانوس أعتقد أن في تركى و لازم تسمع نصيحة الأخوة في المنتدى بلاش السرعة العالية

---

سيدي الفاضا اخلتف معك في نقطة انه بيرفع ارقام الشاسيه والمتور بس .. لان الزيرو في الفحص زيه زي تجديد الرخصه والموضوع ده كان قدام عيني .. المهندسه لفت حولين العربيه وقالت تمام هات جهاز العادم وفعلا قاست العادم بتاع العربيه وركب النمر وايام الكوسه عربيه كنت زيرو سقطت في اختبار العادم عشان ماعطاش للناس حاجه يحلو بيها بقهم

بأختصار الفحص موجود في الزيرو والفيصل بينا الراجل ده وهو هيقول علي اللي هيحصل معاه لما يعلق النمر

و لا تشيع في بالك
كل ده كلام صغير ثواني و هتبقي ان شاء الله زي الاول و يمكن احسن
انا اعرف ناس عربياتهم اتعجنت و تروح التوكيل تبقي زي القشطة
فانوس ايه و سوكة ايه يا راجل
متقلقش خالص
دي بسيطة جدا باذن الله