الموضوع: هو فعلا لو العربيه عدت السنتين لازم اعمل صيانة الاربعين............بالرغم انى لسه 29

ال 40 تتعمل لما تتم ال 40 الف يباشا
فكك من الكلام الحمصى دة

انا شاااايف انك تعملها ضرووورى لان فى حاجات عمرها الافتراضى سنتين مثلا زى سيور كاوتش و زيوت و الدليل كاتبين ف الكتالووج
40 الف او سنتين !!!!!! لو مش مهم الفترة دى مكنووش كتبوها ف الكتالوج صح و لا انا غلطاان ؟؟؟؟؟
و ع العمووم الصياانة ف العربية مش بتخسر بالعكس بتفيد العربية الموتور و تفيدك انت

و ك مثاال لو مش مقتنع : الكااوتش اللى رااكب لو عدى عليه 5 سنين و لسة مكملش 40 الف لااازم يتغير ( حتى لو الفردة ب شووكها ) عشاان خواااص الماادة بتتغير و بيصبح خطر ع السياارة

و لو حد شايف رايى غلط يقوول :)

انا عربيتي عاملة 48 الف بقالها 3 سنين
نفترض اني عملت صيانة ال 40 من حوالي 6 شهور
محدش جابلي السيرة دي في التوكيل خالص ولا قالي اعمل الصيانة دلوقتي ولا بتاع

ايوه انا روحت امبارح اعمل صيانه 20000 الف وعربيتي موديل 2010
قالي مينفعش لازم اعمل ال 40 وعملتها
هو المفروض ان 20 الف في اول سنه وتاني سنه 40 وتالت سنه 60
عشان الزيوت ليها مده معينه ولازم تتغير والمده هي عباره عن سنه
عشان الزيوت اللي بتتغير في ال 40 اللي مفروض تكون بعد سنتين سواء جبت ال 40 او لا
هو فلتر الهواء وزيت الباور وزيت باكم وزيت فتيس المفروض الزيوت دي ميعديش عليها سنه في العربيه عشان هتكون خلاص مدتها الافتراضيه انتهت
وبصراحه انا مفرقتش معايا اوي يعني لما ازود شويه احسن مابص الاقي حاجه اكبر حصلت بسبب عدم تغيير الزيوت
انا حاولت اعمل 20 مش ال 40 بس مهندس أمر قالي كده هتتطلع بره الضمان وبصراحه بالعيوب اللي بتواجهني في العربيه مستحيل اخرج من الضمان

والله انتوا غلابة اوى :)
كل واحد ينام على الجنب اللى يريحة انا مالى
يابنى بيقولوكوا كدة علشان الضمان مش علشان حاجة تانية
ومفيش صلاحية للسوائل اللى فى العربية ولا فى اى سيور بتتغير فى صيانة ال 40 اصلا

يا جماعة الضمان على الموتور والفتيس 100 الف او خمس سنيين ، اى حاجة تانية لها مدد ضمان مختلفة.

بس إحنا بنعمل الأضمن وخلاص ، وبنشتري دماغنا وبنكسب التوكيل ، وكلام استاذ ميدو سليم ، وكل حاجة فى العربية حسب حالتها ،
أنت ممكن تغير زيت البارح وترميه بكره علشان أداه وحش او بينقص او ..إلخ.
و فلتر الهواء الاستوك اللى بينزل مع العربية ملهوش مدة تغيير معينة والمفروض يتغير حسب حالته ، بس هما بيريحوا دماغهم وبيحطوا عمر افتراضي لأي حاجة وخلاص

ومثلا معلومة زي بتاعه الفلتر الهواء دي انا سامعها بنفسي من المهندس آمر الكوافي
وهو اللى قال اننا بنغيره فى مدد معينه بس ملهوش انتهاء صلاحية والمفروض يتغير حسب حالته.

ضمان الموتور والفتيس 100 الف كيلو او 5 سنين فعلا ولا ده كلام البيرشور بتاع العربية؟
لاني سألتهم في الجزئية دي وقالو 60 الف او 3 سنين