مساعدة يا شباب

**30mars** · 17-09-2012 04:04 AM

انا عندى تجربة فى قيادة البايك و كنت كويسة جدا الحمد لله، بس مش عندى بايك خاص بيا، ففكرت اشترى بايك و شوفت انواع كتير جدا و عجبنى جدا cbr 900 rr 1998 و برده الـ cbr 919 rr ، و نويت انى اشترى ان شاء الله، وده هيكون اول بايك ليا، بس و انا هنا على المنتدى ناس كتير بتحذر من الـ 900 كبداية بسبب قوة البايك و ردة الفعل ، بس للاسف الموديلات الاقل مش عجبانى فى الشكل و انا مش بميل للتغير فهل يستحيل انى ابدأ بالبابك ده و لا فيه فرصة

**DXT** · 17-09-2012 07:10 AM

انا بدات بـ 919
لكن كنت بسوق موتسيكلات من فترة طويلة ومتمرس شوية
عموما لو انت اول مرة تسوق موتسيكل يفضل متجبهوش
لكن لو عندك خبرة من فترة طويلة اتوكل على الله وهاته واول شهرين امشى براحة خالص
لغايت لما تتعود عليه وتفهم سواقته بشكل كويس .. بالتوفيق

**30mars** · 17-09-2012 07:14 PM

المشاركة الأصلية كتبت بواسطة DXT

انا بدات بـ 919
لكن كنت بسوق موتسيكلات من فترة طويلة ومتمرس شوية
عموما لو انت اول مرة تسوق موتسيكل يفضل متجبهوش
لكن لو عندك خبرة من فترة طويلة اتوكل على الله وهاته واول شهرين امشى براحة خالص
لغايت لما تتعود عليه وتفهم سواقته بشكل كويس .. بالتوفيق

و الله ياباشا انا سوقت بايك اكتر من مرة قبل كده و كانت كويسة الحمد لله بس للاسف البايك كان كواساكى فمش قادر اعرف الوقتى هو كان كام سى سى ، طيب الموديل هيكون 99 صح ولا فيه شيئ افضل طبعاً بيكون فاير rr ، و لو جبيته افراج هيقف عليا بكام و ياريت بعد اذنك اسم الموديل بالظبط هيكون ايه

**DXT** · 17-09-2012 08:01 PM

المشاركة الأصلية كتبت بواسطة 30mars

و الله ياباشا انا سوقت بايك اكتر من مرة قبل كده و كانت كويسة الحمد لله بس للاسف البايك كان كواساكى فمش قادر اعرف الوقتى هو كان كام سى سى ، طيب الموديل هيكون 99 صح ولا فيه شيئ افضل طبعاً بيكون فاير rr ، و لو جبيته افراج هيقف عليا بكام و ياريت بعد اذنك اسم الموديل بالظبط هيكون ايه

موديل 99 هوا cbr919rr
وبالنسبة لسعر الافراج معاك من اول 30 - 38 الف والسعر بيرجع على حسب حالة البايك والتعديلات الى فيها

**30mars** · 17-09-2012 08:18 PM

المشاركة الأصلية كتبت بواسطة DXT

موديل 99 هوا cbr919rr
وبالنسبة لسعر الافراج معاك من اول 30 - 38 الف والسعر بيرجع على حسب حالة البايك والتعديلات الى فيها

تمام يا باشا معلش لو كنت بتقل عليك طبعا الافراج بيكون افضل من اللى معلق نمر؟ و هيكون اسم الموديل كده CBR 919 RR 1999 ؟ لأن بشوف احيانا فى الـ 600 حروف كده جنب الموديل زى f4i

**DXT** · 18-09-2012 05:54 AM

المشاركة الأصلية كتبت بواسطة 30mars

تمام يا باشا معلش لو كنت بتقل عليك طبعا الافراج بيكون افضل من اللى معلق نمر؟ و هيكون اسم الموديل كده cbr 919 rr 1999 ؟ لأن بشوف احيانا فى الـ 600 حروف كده جنب الموديل زى f4i

الافراج بيكون الى حد ما حالتة افضل من الى معلق نمر .. لكن فيه بايكات معلقة نمبر بتكون ذى الافراج بالظبط ودا بيرجع للى بيسوق البايك ومعتنى بيها

وبالنسبة للاسم صحيح وموديل 98 نفس الاسم برضه لكن الفرق فى سنة الصنع

**30mars** · 18-09-2012 05:58 AM

المشاركة الأصلية كتبت بواسطة dxt

الافراج بيكون الى حد ما حالتة افضل من الى معلق نمر .. لكن فيه بايكات معلقة نمبر بتكون ذى الافراج بالظبط ودا بيرجع للى بيسوق البايك ومعتنى بيها

وبالنسبة للاسم صحيح وموديل 98 نفس الاسم برضه لكن الفرق فى سنة الصنع

تمام اوى ياباشا ربنا يخيلك مش عارف اقولك ايه و الله ، معلش بس اخر سؤال لو تسمح ، كنت نزلت و بكلم واحد النهارده و عرض عليا بايك ياماها r6 موديل 2006 و السعر حوالى 40000 جنيه ، لو انت قدامك الخيارين دول البايك الـ 919 و الياماها ده تختار ايه؟ و اسف جدأ و الله انى طولت عليك ومش عارف اقولك ايه و الله