يا باشا تحت الامر و الطلب
الموضوع الجاى تنظيف دوره التبريد و تسليك الرادياتير و ضبط حراره المياه.
عرض للطباعة
فين الموضوع يا استاذ محمد ...؟؟
معلش سؤال يااستاذ محمد
هل تختلف المساعدين الاماميين عن الخلفيين وله ؟
يعنى ممكن اشيل مساعد من الخلفى واركبه مكان واحد امامى
ثانى حاجة هى المساعدين للسيينا هواء وله زيت وله هواء وزيت مع بعض
تقرير ممتاز جدآآآ ، كنت عايز اسال حضرتك ، اية رايك فى الاسطى / محمود - العفشجى اللى شغال فى ورشة جنب الكيلانى اية رايك فى شغله ؟؟ وانا معايا بونتو 95 تفضل ليا اشترى مساعدين نوعهم وماركتهم اية ؟؟ او مثلا اسال مين من المحلات اللى حضرتك تثق فيه يدينى الحاجة الصح بتاعت العربية ؟؟ عشان لقيت ماركات كتيررر اووى فى السوق المانى وايطالى وبرزيليى وتركى ؟ واية رايك فى المساعدين المونرو لية مش اشتريتهم ؟؟؟
وشكرآ
اعتذر للتأخير
موضوع غسيل دوره التبريد للسينا 1400
http://www.nilemotors.net/Nile/328901-1400.html
الاسطى محمود كويس بس انصح بالميكانيكى اللى عند الشيخ على بتاع قطع غيار الفيات اللى فى شارع دمشق ممتاز و هتنبهر بالنتيجة
تحياتىو المساعدين الاصلى الاول كانوا بينزلوا برازيلى و بعد كده تركى و الاحسن لو لقيت البرازيلى الكوفاب
المونرو ممتاز - بس مكنش متاح لما اشتريت بتوعى .
شكرآ جدآآ على رد حضرتك ، وان شاء الله هاكلم الشيخ على واساله على الميكانيكى بيجى امتى ؟؟ وارحلوا ، كنت عايز استفسر من حضرتك فو فين الاسطى / مجدى اللى سلكت عنده الرايداتير بتاع حضرتك عنوانه ورقم تليفونه ؟؟ ، وانا كنت شوفت حضرتك قبل كدة بتقول انك بتكلم التوكيل الاول تشوف قطع الغيار عندهم والا لا ؟؟؟ ممكن رقم الاستاذ اللى حضرتك بتكلمه مين يعنى الثقة اللى هناك فى التوكيل عشان ابقا اكلمه اساله على قط الغيار بتاعت عربيتى ، وشكرآ واسف على تعبك معايا
معلش انا تعباك معايا يا أستاذ / محمد ، انا كلمت محل الشيخ على ورد عليا شاب وسالته على المساعدين الخلفى بتوع بونتو95 قال ليا انه عنده المساعدين الاصلى بتوع العربية ايطالى بـ 600 جنية ، واتاكد منه فى موضوع الاصلى بتوع العربية دى ، قال ليا اه الاصلى ، وسالته على الميكانيكى قال ليا بيجى يوم الجمعة من الساعة عشرة الصبح لغاية عشرة بليل ، ولقيت المساعدين المونرو بـ 1000 جنية فى التوكيل بتاع المونرو اللى فى التوفيقية ، فحضرتك بخبرتك وتجاربك ، تنصحنى باية ؟؟ اروح اتوكل على الله واشترى الحاجة من عند محل الشيخ على وانسق معاه انه يكون مفهم الميكانيكى يركب ليا الحاجة يوم الجمعة ، والا اشترى المساعدين المونرو احسن من الايطالى ، وملحوظة فى ناس بتقول ان المساعدين المونرو بتكون ناشفه على العربية ، عشان العربية خفيفة والعفشة بتاعتها مش رياضية ، فنصيحة حضرتك اية ليا ؟؟ أنا بصراحة قلقان زى حضرتك فى الاول ، وشكرآ لحضرتك جدآآآآآآ