السلام عليكم
الموتور بقاله فتره كده صوته عامل زي ما يكون في تاكيهات مفتوحه
فسألت الميكانيكي قالي لازم تغير طقم البلوف
حد يعرف البلوف شكلها أيه
و بتتباع فين؟
و جديده أفضل ولا استيراد أفضل؟
و بكام ؟
و تحياتي للجميع
عرض للطباعة
السلام عليكم
الموتور بقاله فتره كده صوته عامل زي ما يكون في تاكيهات مفتوحه
فسألت الميكانيكي قالي لازم تغير طقم البلوف
حد يعرف البلوف شكلها أيه
و بتتباع فين؟
و جديده أفضل ولا استيراد أفضل؟
و بكام ؟
و تحياتي للجميع
؟؟؟؟؟؟؟؟؟؟؟؟؟ متابع .
اعتقد والله اعلم انه يقصد بالبلوف - الكستبانات بتاعة الزيت - انا مش متأكد لأني مع الأسف مش خبير او متخصص في العمرات ومكونات الموتور الداخلية
لكن لو دخلت قسم التعليمي هتلاقي ما تشتهي الأنفس من موضوعات في غاية الأهمية عن مكونات المحرك الداخلية وشرح مبسط لطريقة العمل وهتلاقي كل حاجة
وبردو انتظر رد احد الأعضاء من من مر بمثل هذه المشكلة من قبل
تحياتي
السلام عليكم
البلوف دي عبارة عن اكس له راس من اعلي عارف المسمار ابو راس زيه بالضبط و لكن مع تكبير الحجم شويتين و بيختلف عددها حسب اختلاف المحرك و عموما عندك هم 8 فالف كل بستم له اتنين واحد بيدخل الهواء بالبنزين و الثاني بيخرج العادم و المحركات ال 16 فالف بيكونو ضعف دول اتنين و اتنين دي وظيفتهم
الفالفات دي بتتحرك طالع نازل مستمر مع دوران المحرك بيطلع و ينزل مره مع كل لفة للمحرك
اللي بيحرك الفالفات دي هو عمود الكامات اللي راكب عليه في نهايته الاسبراتير .. هو بينزلها لتحت عشان تفتح و فيه سوسته الفالف راكب عليها بتخرجه تاني لفوق في وضع القفل
الفالفات دي في جوانات حواليها مسئوله عن احكام غلق المنطقة اللي بتتحرك فيها و تخفيف صوت حركة الفالف
الأصوات اللي انت بتتكلم عليها بتصدر بسبب ان الجوانات دي باظت و نشفت او اكس الفالف تأكل من كثرة التحرك داخل جسم وش السلندر او كلاهما .. فبتسمع صوت خشونة صادر من وش السلندر بيسموه صوت التاكيهات و ده صوت تكتكه مستمر متناسب مع سرعة المحرك
و الحل انك تغيرهم او تغير وش السلندر كله
و رأيي ان اللي بيسبب المشكلة دي هو ضعف تزييت المنطقة دي كلها (وش السلندر من فوق بالفالفات و عمود الكامات) و ده بسبب استخدام زيوت سيئة او ضعف ضغط طربمة الزيت او استهلاك طبيعي .... يعني اسباب التلف كتير
موضوع التغيير و قطع غيار فأعتقد انك مش هتلاقي اوريجينال جديد اصلي و لو لقيتهم هيكونو غاليين و لكن ممكن تنزل تسأل عليهم جديد و استيراد
علي فكرة الفالفات دي بيسموها صبابات و الجوانات اسمها كاوتش الصباب ده علشان لما تنزل تسأل عليهم
الصبابات هتلاقيها استيراد و يمكن تغييرها استيراد و لكن الجوانات لازم جديد لأنها في الاستيراد بتكون اساسا بايظة او متهالكه
هو الصوت الي عامل زي التاكيهات ده ممكن يكون اكتر من حاجه
* ممكن مثلا يكون كستبانات زي ما محمد سيد ما قال
* وممكن يكون جلد الصبابات متاكل زي ما البشمهندس ايهاب ما قال
* وممكن يكون في بوش في الكامه او في الوش نفسه في المكان الي راكب فيه الكامه
بس في كل الاحوال لازم تفك الوش ويروح لواحد بتاع وشوش يكون بيفهم وبيتقي ربنا يبص عليه ويحدد
* لو كستبانات يبقي يجرب الاول ينضفها لو منفعش بتتغير وبيكون سعرها مش غالي اوي يعني
* انما لو جلد صبابات يبقي لازم يتغير وده رخيص جدا في حدود 30 جنيه باين
* انما لو لا قدر الله في بوش يبقي في الحاله دي ممكن يركب جلده في مكان البوش او يحتاج يغير عمود الكامه وده في حدود 150 او 200 جنيه
* انما لو البوش في الوش نفسه مش في الكامه "يعني المكان الي راكب فيه الكامه" في الحاله دي زي عندي كده بالظبط انزل انا وانت ندور علي وشين استيرراد وربنا يسترها عليك وعلينا
السلام عليكم ورحمه الله وبركاته..
تحياتي للمهندس ايهاب والمهندس سيد واعضاء القسم المحترمين
-البلوف بلغه الصنايعيه هي (الكوستبانات) ..بلوف الزيت
-كل بلف او كوستبان عليه دليل الصباب او بلغه الصنايعيه(شواكيش)
-لما الكوستبانات بتضعف او الشواكيش تتاكل بيظهر صوت تكتكه شبه صوت مواتير اللادا وتلاحظه عالي والموتور بارد
-الحل تغيير التالف من الكوستبانات والشواكيش
-الشغل كله بيبقي في بيت الكامه بعيد عن فارغه وش السلندر
-دي مشاركه لي في قسم اوبل في نفس سياق الموضوع للتوضيح ..
-ببساطه كده الموتور عباره عن منزل من 4 ادوار..
الدور الرابع (الروف) هو وش التاكيهات اللي مكتوب عليه ايكوتك عندك
الدور التالت هو بيت الكامه
الدور التاني هو وش السلندراللي فيه الصبابات
الدور الاول هو الشميز اللي فيه البساتم والكرنك
-عندك 16 كوستبان و16 شاكوش مش شرط كلهم يكونوا بايظين لو 2 او 3 بايظين هيعملوا الصوت ده
-هتشتريهم اما جديد لو موجود او استيراد (عندي في الفيكترا الجديد ب60ج شاكوش او كوستبان والاستيراد ب25ج)
-الشغل عندك في بيت الكامه والكامه ببساطه شكل مخروطي اسطواني يمر بعرض الموتور من فوق بياخد حركته من سير الكاتينه وينقلها للصبابات اللي في وش السلندر,بينهم بقي الكوستبانات (بلوف الزيت) وعليها دلايل الصبابات(الشواكيش) مهمتهم تسهيل حركه الصبابات
-الكوستبان عباره عن اسطوانتين داخلين في بعض بينهم سوسته وبما انه مغمور في الزيت فاللي يبوظه ..
زيت قليل-زيت متسخ-درجه حراره عاليه لان في جانب الكوستبان فتحه صغيره لدخول الزيت للتليين
-خلي بالك انك مش محتاج تغير جوان وش السلندر الموضوع بسيط جدا بس في صنايعيه غير امناء بيكبروا الموضوع زي ماقولت لحضرتك الشغل في بيت الكامه بس ,صحيح بنفك مسامير وش السلندر اللي ماسكه الادوار كلها ببعض انما مابنحركش فارغه وش السلندر من مكانها
-يارب اكون افدت حضرتك ودي صوره لقيتها لعمود الكامات والصباب وبينهم الكوستبان والشاكوش
هو موتور موتوسيكل بس نفس الفكره
http://www.nileup.com/uploads/13474508201.png
__________________
أنا فكيت الموتور و عملتله طقم شمبر الشتا اللي فات و غيرت طقم سبيكه مع ان كان مفيش ترزيع و غيرت طقم صبابات و جلد صباب و حالة الموتور بعد الشغل ده ممتازه من حيث السحب و توفير البنزين
و كنت عامل حسابي اني ممكن لما افك اغير البلوك بس معملتش كده لأن حالة البساتم و الشمايز و الكامه و الكرنك كانت ممتازه و مفيهمش حتى خربوش
و معتقدتش ان المشكله في جلد الصباب لأن العربيه مش بتدخن
هيه المشكله فعلا في الصوت و بس الصوت بالظبط زي موتور اللادا 2105 لما بتكون التاكيهات مفتوحه و لو عربيه تانيه كنت هاظبط تاكيهات و شكرا
بس موضوع ان العربيه دي مفيهاش تاكيهات جديد عليا و مش عارف معلومات عن البلوف دي
هاا
طمنا عملت ايه في المشكلة دي؟؟
حليت مشكلة الصوت ؟؟