إستلمت كيا ريو 2013 سيدان

**Tmhami** · 19-09-2012 12:19 PM

ألف مبروك على العربيه
كنت عايز أسئلك أيه رأيك فى التعامل مع السبع الي في شارع النزهه من حيث المعامله والألتزام أصل أنا ليا تجربه سيئه معاهم
أكيد تعرف أ/هانى و فراس

**thunder_are** · 20-09-2012 05:26 AM

الف مبروك على السيارة ..
ياريت تقول أخبار الفرامل معاك ايه هل بتسعفك وللا مش مدياك إحساس بالثقة وأنت سايق

**moha4tec** · 20-09-2012 09:15 AM

الف مبروك و ربنا يديك خيرها و يكفيك شرها
فى سوفتوير بيظبط استهلاك العربيه من البنزين .
ابقى قولهم فى صيانة ال 1000 كم و هما يظبطوهالك باذن الله
و الله اعلم

**mohamed moataz** · 03-10-2012 05:37 PM

أسف لتأخري في الرد لظروف سفري بخصوص السبع أنا بس روحت أستلمت العربيه من السبع لاكن متعملتش مع أي حد فيهم لاني المعرض الي أنا جايب من عندو بعت معايا مندوب للسبع وأستلمت من هناك بس دفعت في المعرض الي انا أصلا جايب منه العربيه وبخصوص الفرامل أنا فعلا حسيت أنها مش مسعفه وخفيفه بس مع الوقت أتحسنت كتير بس أنا كان عندي سوال وياريت ألاقي رد من الساده الأعضاء أنا كنت عايز أغير الفوانيس الي موجوده فيها للفوانيس led في أي حد عارف التكلفه بكام ولو حبيت أركب إنذار في التوكيل التكلفه هتكون كام

**Tmhami** · 04-10-2012 09:08 AM

للأسف مش حقدر أفيدك فى الموضوع ده
بس أنا عندى فكره
فى عرض هنا من أدفعلى (فى الأجتماعى )أنهم بيجيبوا أى أوردر منبره من غير جمارك طبعا ده لفتره معينه
فأحنا ممكن نشوف كام واحد عايز الفوانيس ديه(أنا واحد منهم) و نعمل أوردر واحد بيهم

**sangreal** · 13-10-2012 01:49 PM

السلام عليكم..الف مبروك على العربيه وربنا يديك خيرها ويكفيك شرها بإذن الله.
انا جبت العربيه دي من حوالي شهر ونص الأوتوماتيك..استهلاك البنزين جبار وكنت فاكر انها مشكله عندي رحت التوكيل من اسبوع عملولي ريست للكنترول ونزلولي السوفت الجديد معملش اي فرق..اتصلوا بيا من التوكيل من كام يوم سألوني عن أخبارها قولتلهم زي ماهي قالولي لازم اروح فرع ابو رواش عشان يعملولي تيست على الإستهلاك..بس امبارح كنت مسافر اسماعيليه ودي كانت اول سفريه بالعربيه وفوجئت ان الإستهلاك انخفض جدا على الطريق السريع..كانت بتوصل احيانا ل 4 لتر لكل 100 كيلو..وده في السرعات مابين 100 و120..فوق ال120 بتحرق اكتر..
سألت عن الإنذار في التوكيل ب420 جنيه وبيركب في فرع ابو رواش بس..بس انا اول مره اسمع عن موضوع انها هاتظبط لوحدها استهلاك البنزين بعد 5000 كيلو..الكلام ده مظبوط؟؟ وهاتظبط لوحدها كده يعني ولا اوديها التوكيل؟؟؟ للعلم انا عربيتي خليجي.

**marwan91** · 13-10-2012 06:19 PM

أنا بعد مرحت فرع أبو رواش عشان الصيانة قولتلهم على الاستهلاك و عملولي السوفت الجديد و الاستهلاك اتظبط و بقى مش بيعدي ١١ لتر /١٠٠ كم

**abogharib** · 13-10-2012 06:48 PM

المشاركة الأصلية كتبت بواسطة sangreal

السلام عليكم..الف مبروك على العربيه وربنا يديك خيرها ويكفيك شرها بإذن الله.
انا جبت العربيه دي من حوالي شهر ونص الأوتوماتيك..استهلاك البنزين جبار وكنت فاكر انها مشكله عندي رحت التوكيل من اسبوع عملولي ريست للكنترول ونزلولي السوفت الجديد معملش اي فرق..اتصلوا بيا من التوكيل من كام يوم سألوني عن أخبارها قولتلهم زي ماهي قالولي لازم اروح فرع ابو رواش عشان يعملولي تيست على الإستهلاك..بس امبارح كنت مسافر اسماعيليه ودي كانت اول سفريه بالعربيه وفوجئت ان الإستهلاك انخفض جدا على الطريق السريع..كانت بتوصل احيانا ل 4 لتر لكل 100 كيلو..وده في السرعات مابين 100 و120..فوق ال120 بتحرق اكتر..
سألت عن الإنذار في التوكيل ب420 جنيه وبيركب في فرع ابو رواش بس..بس انا اول مره اسمع عن موضوع انها هاتظبط لوحدها استهلاك البنزين بعد 5000 كيلو..الكلام ده مظبوط؟؟ وهاتظبط لوحدها كده يعني ولا اوديها التوكيل؟؟؟ للعلم انا عربيتي خليجي.

يعنى العربيه استهلاكها للبنزين بيتحسن لو انت مسافر لكن و انت جوه البلد استهلاك جبار زى ما ناس كتير قالت ....هو انا هسافر كل يوم علشان اعمل استهلاك للبزين

**محمود حمزة** · 15-10-2012 11:42 PM

السلام عليكم:
أنا اشتريت العربية الريوم مو 2013 ، 1400 سي سي أتوماتيك ولا يوجد مشكلة في السحب مع التكييف.
ولكن بالنسبة للبنزين بتسحب حوالي 15 لتر في الـ 100 كيلو وأنا حاسس إن كده كتير جدا على عربية 1400 جديدة، وأنا منتظر صيانة الألف وربنا يسهل، ولكن يا جماعة العربية والله رائعة