تـقـريـر شـراء و تـركـيـب سـمـاعـات بـايـونـيـر 400 وات
بسم الله الرحمن الرحيم
السلام عليكم و رحمة الله و بركاته
من يومين نزلت التوفيقية لشراء بعض القطع قولت بالمرة اشوف السماعات
بعيد عنكم السماعات القديمة ( كلاريون ) شيعت و الرق اتكسر و حالتهم يرثي لها ممكن استخدمهم كمغناطيس لتجميع المسماير التائهة ان مكنتش المسامير هي اللي تقرف منها هههههههههههه
فقولت اعدي اشوف الليلة عند ارخصهم و الارخص
طبعا لأني سمعت البايونيير 500 و 600 عملت كده :36_7_4[1]:
فقولت خليني في الـ400 :shyy:
للأسف لم اجد سوا الفيتنامي و الصيني
قبلها أ \ احمد ايهاب قالي التوكيل بتاع بايونيير روحت ع اساس هلاقي تايلاندي اندونيسي او مصري حتي لقيت صيني و طبعا فوق الــ400 ج للسماعات الــ400 وات ناهيكم عن المعاملة السيئة ساعتها عرفت قيمة التوفيقية هههههههه و كنت بتكلم قريب مع موش و قالي الفيتنامي مع ان واحد موزع قالي الفيتنامي زي الصيني و محدش عارف الاصلي بقي صناعة ايه و كنت لسه برده يوم المقابلة بتكلم مع لورد عادل عشان عايز طقم و بهدلنا بعض شوية ع التوكيل و التوفيقية هههههههه
بس رجعت تاني و قولت خليني في الفيتنامي بقي و اتوكل ع الله و اشتري نزلت شوفت سعر البايونيير 400 وات عند الارخص لقيتهم 260 ج و عارف انه مزود في سعرهم بس مش هفاصل انا بلف طول اليوم و هم عايزين اللي يفاصل
شديت ع ارخصهم عالطول قالي السعر 240 ج و مش عايز ينزل تعريفة مع اني عندي احساس ممكن ينزلوا عن كده بس قولت يلا مش مشكلة انا عايز اروح اساسا
شديت الطقم من ع الرف و فتحته و شوفته تمام التمام الفاتورة و الختم و العلامة و كله سليم
( مكونات العلبة السماعتين بالوش بكيسهم + سلك (+ و -) للاتنين + مسماير و ورد للتثبيت طبعا كل الحاجات ديه كيسها متبرشم و مش فاكر فيه حاجة تاني و لا لأ في العلبة معلش الزهايمر بقي :grin02: )
المهم اخدتهم و روحت و سميت و ركبتهم
بسم الله ما شاء الله الله اكبر :_Alshmokh22[1]: الصوت كويس بس منقدرش نقول اوي بالنسبة القدرة الفعلية للسماعات لأني سمعتها قبل كده ع جي ام كينوود 350 و هيد يونت بايونيير و لأن الهيد يونت عندي بيطلع 50 بس يعني حوالي 22-25 يعني نقدر نقول السماعة شغالة بنص قدرتها و الهيد يونت كلاريون
الناس هتقولي عندك جي بي ال ومجبتوش ليه برده صيني و لأن عمرك ما هتلاقي الاصلي بالسعر اللي احنا بنسمعه بــ200 و كسور مش مقتنع ابدا كذلك الانفينتي يعني نجيب حاجة عارفين ده رينج سعرها و صناعتها احسن ما يضحك علينا و يتقال أصلي و هو مضروب
ليا بس تعليق ع السماعات ان الوش يعتبر بيحمي الاجزاء الداخلية في الوسط بس لكن مفيش حماية للرق و ديه مشكلة
كنت بركب السماعات و اذ بعربية طائشة معدية طيرت زلطة صغيرة نزلت ع الرق ساعتها قلبي نط في الشارع مغمي عليه و رجع تاني لما شيلت الزلطة و قفلت الشنطة لحد ما الشارع هدي بدل ما اروح فيهم في داهية :wound09:
فمحتاج جي ام حاجة 350 وات سألت برده عندهم عليه ملقتش كينوود فيه بايونيير قالي سعر كده غريب 400 و حاجة قولتله سلام عليكم و مشيت ههههههههه انا حاسس انه كان بيوزعني بالمبلغ ده و اتصدم و امشي عشان يتفرج ع الفيلم الاجنبي اللي كان مشغول فيه كان فيلم تروي طروادة هههههههه و كنت عايز اسأل ع كذا حاجة تانية بس كنت مهييس و عايز اروح
و معلش اعذروني لعدم توافر صور لكن الموبيل جاب فلاتة تاني و الكاميرا عايزة بطارية :shyy: