امبارح عملت بوست جديد ببيع فيه 2 كاوتش او ببدلهم بمقاس اصغر
المهم النهاردة الحج قال هروح اسماعيلية وخد العربية ومشي قولتله وانت ماشي ابقى زود العجلة دي
كلمني بعد شوية قالي العجلة اللي ورا فيها 7 اخرام
طبعا بلمت من الكلام ده خصوصا انها تعتبر جديدة دي يدوبك مشيت 10000 كيلو بس
واصلا انا لسة مظبط الضغط من حوالي اسبوع يعني مش معقول يبقى فيها 7 اخرام وتقعد اسبوع متنامش علطول
قولتله يا حج ازاي 7 اخرام بالعقل يعني ومتنامش علطول
قالي الراجل عملها قدامي وعملت بقاليل من حتت كتير راح دابب خبور في كل خرم
طبعا حسيت ان الدنيا بتلف بيا ورجلي مش شيلاني بسبب الكلام ده :36_7_4[1]:
قولتله على فكرة الراجل ده نصاب وبينفخ العجلة جامد مع سخونة الطريق بتفتح المسام وبيبان ان في اخرام كتير
قالي لا هو انا اعمي يعني مش شايف الاخرام والكلام ده ( مع العلم ان الوالد عايش برة وميعرفش طرق النصب دي )
قولتله حرام عليك دي طريقة النصب وشكلي كدة هدبسه في كاوتش جديد
المهم عشان مطولش عليكو
بنزينة موبيل اللي بعد كوبري الحرفيين في اتجاه اسماعيلية هيا موقعة النصب
بتاع الكوتش هتلاقوه ورا البنزينة
خلو بالكو بقى يارجالة