انا اتخنقت........ بشتري 320i مو 2007 ومحتار اكشف فى التوكيل ولا منصور؟؟؟؟ الله يخليكم حد يفيدنى
عرض للطباعة
انا اتخنقت........ بشتري 320i مو 2007 ومحتار اكشف فى التوكيل ولا منصور؟؟؟؟ الله يخليكم حد يفيدنى
انا رأيي التوكيل و يبقى حظك كويس لو كانت العربيه بتعمل الصيانات فيه علشان تعرف تاريخ العربيه و بالمره ممكن تعرف لو فى قطع غيار محتاجاها العربيه تعرف اسعارها كام و ده يساعدك فى تسعير السياره بطريقه ادق بحيث لا تظلم نفسك و لا البائع فى نفس الوقت و بالتوفيق
انا معاك في الكلام ده بس زي ما انت عارف التوكيل بيطلع العيوب الفطسانة في العربية يعني دائما بيطلعوا تقارير بمبلغ و قدرة ان العربية عايزة و عايزة.....بيشتغلوا علي انهم يرجعوا العربية زي الزيرو و ده غير منطقي لانها عربية مستعملة و كمان في حاجات هايقولوا انها لازم تتغير رغم انها مش مقصره علي العربية بس لمجرد ان عمرها الافتراضي انتهاء
بالتاكيد التوكيل...لكن..
مش علشان تحكم على العربيه بشكل نهائى, لكن عشان تعرف بيتلككوا على ايه وبعدين تطلع بيها على الشيخ طارق مش منصور وتقوله على تقرير التوكيل وهوه يحكملك على كفاءه الاجزاء اللى طلعوها..
التوكيل مش هايقولك المساعد قدامه كام ولا الطنابير تمشى كام...هايقولك تتغير ولا لآ والسلام
بس تأكد ان التوكيل لو طلع حاجات تتكلف 20 الف...يبقى هى هاتتكلف 5-6 الاف
انا فاهم قصد حضرتك بس انا هدفى ان حضرتك تطمن على الاساسيات و المكونات الغاليه انها سليمه اما بالنسبه للحاجات التانيه فدى حضرتك ممكن تقرر ايه اللى هتعمله فيه أذا كانت عندك الخبره لده او تروح لحد امين زى الشيخ طارق او المركز اللى هتتعامل معاه بعد كده و تسمع منه و تقارن مثلا او تسأله حتى عن المشاكل اللى طلعها التوكيل . الهدف زى ما قلت لحضرتك انك تتاكد ان الكشف دقيق خاصه و انت هتدفع مبلغ كبير و ده علشان تتفادى المفاجآت الغير ساره
العدل انك تنزل لو كان السعر كان عالى و فى بعض الناس حتى ممكن تنزل النصف يعنى فى مثال حضرتك ٢٥٠٠ جنيه بحيث يبقى حل وسط . انا وجهه نظرى الموضوع هيعتمد فى القرار على نتيجه التقرير عن العربيه : يعنى لو كانت حاله العربيه مش متهانه و صاحبها محافظ عليها يبقى مش خساره فيها اما لو كانت فيها عده مشاكل كبيره يبقى ملهاش لزمه تنزل و سيبك منها
لو الشغل اللي في العربيه ميزدش عن ٥٠٠٠ بره التوكيل نزلهم من تمن العربيه ولو العربيه عاجباك ومرضيش ينرل الخمسه والعربيه سليمه كاساسيات وكل اللي فيها مستهلكات يبقي اقسم البلد نصين بس المهم تكشف كويس وتتمن كل حاجه في العربيه وتطمن علي الاساسيات طبعا لان دي مفيهاش كلام وربنا يوفقك
وخللي بالك ان اللي بيبيع عربيه بيبقي مش بيصرف عليها في اخر ايامها وبيسيبها للي جاي بعديه ودا اللي حصل معايا للاسف لان فيه شويه حاجات مستخبيه ماخدتش بالي منها ولا الراجل اللي بصلي علي العربيه بس الحمد لله مجتش في كتير
ككلام عام ده صح فعلا..ولكن لا يمنع ان ناس كتير من المحترمه النضيفه مش بتعمل كده..
العربيه لو بتاعت واحد محترم ومش بخيل ومس بيخيب يهين نفسه, هاتلاقيها كويسه ومتصانه
بالمناسبه انا الكورولا بتاعتى قبل ما ابيعها ب 10 شهور مغيرلها مساعدين امامى اصلى وكشافات جديده (تايوانى) مكلفنى 2000 جنيه ..كان ممكن جدا امشى بيها من غيرهم ولا عاتفرق..لكن ليه ابهدل نفسى عشان فلوس؟ وفى النهايه انا عارف ومتاكد الان ان اللى اشترى منى العربيه بيدعيلى وكفايه انه مش مقهور على فلوسه وبيركب العربيه وهو سعيد بيها.