الموضوع: افلام ايران ...وتجسيدها للرسل والصحابة..!!!

المشاركة الأصلية كتبت بواسطة menna hassan

هى حصلت لخالد يوسف...........
لا ياعم بلااااااااااش افلام خااااااااااالص....
انا اقرأ قرأن احسن.......وبعدين مالها القصص المكتوبة..؟؟
وعشان كده انا بقولك...
( معك حق ...لقد كنت مخطئة..)..........

على فكرة خالد يوسف فعلا عاوز يعمل فيلم رد على الفيلم المسئ بس مستنى فتوى تبيح تجسيد الرسول :D

الحمدلله التوقيع عامل شغل

المشاركة الأصلية كتبت بواسطة AirForces

على فكرة خالد يوسف فعلا عاوز يعمل فيلم رد على الفيلم المسئ بس مستنى فتوى تبيح تجسيد الرسول :D

الحمدلله التوقيع عامل شغل

ايه...............!!
خالد يوسف هو اللى هيرد على اساءة الرسول....؟؟!!!
وياترى مين الابطال اللى هيكونوا معاه....!!

أما بقى حكاية الاعتراف بالخطأ دى...
مش التوقيع اللى عامل شغل على فكرة.....
دى العادة هى اللى بتحكم....................................!

00000000000000000000000000000000000000000000000

المشاركة الأصلية كتبت بواسطة airforces

طب افرضوا مخرج زى خالد يوسف حب يعمل فيلم عن الرسول عليه الصلاة والسلام وطبعا بما انه الموضوع مباح تجسيد الرسول يبقا مباح تجسيد زوجاته ومع شوية خيال لخالد يوسف عشان يوصل الفكرة فأكيد مش هيبقا عنده مانع يعمل مشهد لحياة الرسول الخاصة اللى اكيد مش هتخلوا من مشاهد من إياها ولا لأى حد من الصحابة .. ساعتها بقا هنقف قصاده ونقوله اللى بتعمله دا مش مقبول ؟ هيقولك هاتلى نص قرآنى ومفيش نص يمنع .. لو الباب اتفتح للموضوع دا انا شايف انه مش هيبقا له حدود .. ومش شرط بقا مسلم اللى يعمل الفيلم حتى ممكن اى حد يعمل بأسم حرية الرأى وانه مش ممنوع تجسيد الأنبياء وكل واحد بقا يشخص الرسول على كيفه وما تقدريش تمنعيهم مدام فتحنا الباب من الأول .. ولا إيه ؟

طيب و افرض ليه ؟؟؟ ما استاذه عملها قبليه فى فيلم المهاجر ما كان كل اللى يقصده سيدنا يوسف و كان نفسه يقولها بس ما الراجل الحقيقه خلى عنده دم و نا قالهاش او يمكن ماكانش فعلا يقصدها و خيالى المريض صور لى ده

انا مقدرش اطلع فتوى اقول فيها ان حرام او حلال الا اذا كانت فعلا حلال او حرام انما افرض و ما افرضش دى حاجه تتحل برقابة الازهر على المصنفات الدينيه زى بالظبط الكتب الدينييه ليه ما بقولش ان ما ينفعش اطلع كتاب دينى و اقول فيه اللى انا عاوزه عن الرسول صلى الله عليه و سلم؟

ما ممكن خالد يوسف يعمل حاجة عدله فى الموضوع ده. ليه لأ؟ العبرة بالعمل مش بالشخص بس.

طالما فيه مرجعيه لينا كلنا ليه الخوف بس؟؟؟؟؟

المشاركة الأصلية كتبت بواسطة rosebox

طيب و افرض ليه ؟؟؟ ما استاذه عملها قبليه فى فيلم المهاجر ما كان كل اللى يقصده سيدنا يوسف و كان نفسه يقولها بس ما الراجل الحقيقه خلى عنده دم و نا قالهاش او يمكن ماكانش فعلا يقصدها و خيالى المريض صور لى ده

انا مقدرش اطلع فتوى اقول فيها ان حرام او حلال الا اذا كانت فعلا حلال او حرام انما افرض و ما افرضش دى حاجه تتحل برقابة الازهر على المصنفات الدينيه زى بالظبط الكتب الدينييه ليه ما بقولش ان ما ينفعش اطلع كتاب دينى و اقول فيه اللى انا عاوزه عن الرسول صلى الله عليه و سلم؟

ما ممكن خالد يوسف يعمل حاجة عدله فى الموضوع ده. ليه لأ؟ العبرة بالعمل مش بالشخص بس.

طالما فيه مرجعيه لينا كلنا ليه الخوف بس؟؟؟؟؟

تمام انا معاكى لو الموضوع هيبقا ليه قيود ( لكن رأيى الشخصى انه لا يجوز تجسيد نبى بشخص عادى لأنه الأنبياء كانوا معصومين من الخطأ انما احنا لأ ) ولو كان يجوز الموضوع فى عهد الصحابة او اى نبى حتى ما كان الصحابة او قوم اى نبى كانوا رسموله صور او منحوتات

بالنسبة لموضوع رقابة الأزهر .. هل شوفتى فيلم دينى قبل كدا يخلو من مشهد راقصة ( اللى هى مشاهد الكفار وكدا ) مع انه فيلم دينى !!

طب بلاش هل بما اننا فى دولة فيها فتوى تمنع تجسيد الأنبياء والصحابة هل مسلسل سيدنا يوسف ما اتعرضش على قناة ميلودى المصرية ؟

يبقا الموضوع حتى لو كان فى نظرنا هيكون مفيد وهيوصل الصورة بشكل افضل إلا انه ممكن ينتج عنه اضرار اكبر بكتير من منافعه وبالتالى يبقا درء المفاسد مقدم على جلب المصالح

مجرد رأيى :)

بالرغم من تأكيد مجمع البحوث الإسلامية فى آخر جلساته تحت شياخة الدكتور محمد سيد طنطاوى شيخ الأزهر الراحل بعدم جواز تجسيد الأنبياء والرسل والعشرة المبشرين بالجنة فى الأعمال الفنية، سواء أفلام سينمائية أو مسلسلات تعرض على التليفزيون أو ما شابه، وذلك كان رداً على طلب تقدم به أسامة الشيخ رئيس اتحاد الإذاعة والتليفزيون، حول اعتزام إحدى القنوات الفضائية إنتاج مسلسل تليفزيونى يجسد عمر بن الخطاب.

هذا الرأى من المجمع ينطبق على كل المسلسلات التى يتم فيها تجسيد الأنبياء والصحابة والعشرة المبشرين، لكن قناة ميلودى إحدى القنوات الفضائية المصرية والتى تبث من مدينة الإنتاج الإعلامى ضربت عرض الحائط بتلك الفتوى الصادرة من أكبر هيئة إسلامية فى العالم الإسلامى، وهى مجمع البحوث الإسلامية وتقوم حالياً بعرض مسلسل يوسف الصديق والذى يتم تجسيد شخصية سيدنا يوسف عليه السلام.

مجمع البحوث ودار الإفتاء، أكدا فى أكثر من مناسبة على حرمة تجسيد الأنبياء والصحابة ولهما رأى شهير فى ذلك، يؤيده كل علماء الأزهر الشريف، وهو" يحرم تمثيل الأنبياء والرسل أو تصويرهم أو التعْبِير عنهم بأية وسيلة، ومُنْطَلَق التحريم هو أن درءَ المفاسد مُقَدَّم على جلب المصالح، فإذا كانت الثقافة تحتاج إلى خروج على الآداب فإن الضرر من ذلك يفوق المصلحة.

وبررت دار الإفتاء رفضها للتجسيد بقولها "إن عِصْمَةَ الله لأنبيائه ورُسُله من أن يتمثل بهم شيطان مانعة من أن يمثل شخصياتهم إنسان، ويمتد ذلك إلى أصولهم وفروعهم وزوجاتهم وصحابة الرسول عليه الصلاة والسلام، ومن جهة العِبْرَة من قصص الأنبياء قال: كيف تتأتَّى الاستفادة من تمثيل إنسان لشخص نبى، ومن قبلُ مَثَّل شخص عِرْبِيدٌ مُقَامِر سِكِّير رفيقُ حَانَاتٍ وأخ للدِّعارة والدَّاعِرَات، ومن بَعْدُ يمثل كل أولئك أو كثيرًا منهم.

الدكتور عبد المعطى بيومى عضو مجمع البحوث الإسلامية، أكد لليوم السابع أن تلك المسألة تحتاج إلى اجتماع مجمع البحوث الإسلامية للبحث وإصدار بيان بعد دراسة مطمئنة وواعية، مؤكداً أنه لا يجوز بأى حال من الأحوال تجسيد الأنبياء وتصويرهم.

من جانبه، قال الشيخ عبد الفتاح علام، عضو مجمع البحوث الإسلامية، لليوم السابع، أنه ممنوع ولا يجوز تماماً عرض ذلك المسلسل لحرمة تجسيد الأنبياء بالأعمال الفنية، مطالباً مجمع البحوث فى جلسته القادمة بضرورة طرح ذلك الأمر، خاصة بعد عدم امتثال تلك القناة لرؤية مجمع البحوث الإسلامية.

الشيخ على عبد الباقى الأمين العام لمجمع البحوث الإسلامية، أكد لليوم السابع أن المجمع حسم الأمر وأصدرا بياناً فى مطلع العام الحالى برئاسة الدكتور محمد سيد طنطاوى شيخ الأزهر الراحل، بعدم جواز تجسيد الأنبياء والصحابة وآل البيت بالأعمال الفنية، كما تم التأكيد على ذلك فى أولى جلسات المجمع فى عهد الدكتور أحمد الطيب مما يعنى أن تلك الأمور محسومة من قبل الأزهر.

وعلم اليوم السابع أن الأزهر يبحث حالياً طرق وقف عرض مسلسل يوسف الصديق، كما علم اليوم السابع أن الأمر عرض على فضيلة الإمام الأكبر ويتم الآن بحث السبل التى توقف عرض المسلسل، فى ظل أن الأزهر الشريف يعتبر جهة رأى وليس تنفيذاً