( البقشيش ) حق مكتسب ام مص لدماء البشر !
( البقشيش ) حق مكتسب ام مص لدماء البشر !
منذ الاحتلال التركي. واحنا خدنا منهم عادة سيئة جدا .... وهيا الاكرامية .... التي تدفع اذا ادى العامل عمله. فابدع واحسن من عملة .... لكن دلوقتي تلاقي واحد ابن ستين في سبعين يجي. يعملك الحاجة يبوظهالك ويقولك فين بقه الحلاوة :shyy:
ومنهم. الي بيسميها حسنة .... تقلش انتا بقه بقيت ملاك وبتوزع حسنات
وفي منهم الي بيسميها وهبة لكني مش إلاه. كي اهب الناس
وفي منهم بيسميها الشاي بتعنا ياباشا .... لكني مش اهوجي وحياة الي خيلفتك
ده حتى في سوريا مبيقولوش الشاي بتعنا لا بيقلك وين القهوه بتاعتنا
في لبنان بيقلك فين السكر بتعنا او حلوانا. او تحلي تم الشباب
@@@@@@@
المهم
الله يخرب بيت كده .... عندنا هنا في مصر وضع تاني
اشتغل حلو ولا مشتغلش وعكلك الدنيا. يقولك وهو بيجعر في وشك اومال فين الشاي بتعنا ياباشا .... وتبقا عاوز تجعر في وشوا انتا كمان وتقولوا شاي ايه يابن. ستين. تيييييييت مش كفاية كسرتلي مش عارف ايه. مش كفاية شرختلي البتاعه مش كفاية بوظتلي الدنيا. وبدل ما اخود منك فلوس تمن الحجات الي بوظتها وكسرتها. لا اديتك حقك. لان رسولنا الكريم قال واعطو الاجير. حقه قبل ان يجف عرقه. كتك القرف انت وعرقك وبجاحتك وفوق ده كلوا بدل ما تقول كتر خيرك لا مش عاجبك ان اديتك فلوس انتا متستحقهاش وكمان عاوز بقشيش ولا تيبس فوق الشغلك المنيل يا منيل
بجد حاجة تحرررررررررررررررررق الدم
هو انا قاعد على بنك. ولا شغال في مطبعت طبع فلوس :closed:
المشكلة الموضوع اتقلب من حاجة كده طالعه من نفسك اكرامية. لحاجة شبه. بلطجية يعني مش مكفيك الفلوس الي اتفقنا عليها لا وكمان عاوز تاخود. اكتر من حقك جزاء لشغلك الي زي القرف .... والموضوع بقه منتشر في كل شيء وفي كل حاجة. واصبح اتاوة. وغصب عنك والا بعد كده مش هعملك حاجة ولا هشتغل عندك
وينزل من عندك وتحسوا كده قاعد بيشتم فيك ويلعن في الي خلفوك وهو بيقول كتكم القرف زباين اخر زمن
ههههههههههههه. ولا ايه رايكم يا شباب !!!
